¹ Popele apo ili Laceli abwene ati ta mufyalile Yakobi abana, Laceli ali ifitilwe inkashi yakwe. Alilabile kuli Yakobi ati, ''mpeleni abana, nga yowe nkofwa.'' ² Penka ubukali bwakwe Yakobi bwali mwimine Laceli. Alilabile ati, ''Nemo ndi mumupunda wa ba Lesa, uyo uwakulenga webo ukubulo ukwikala ne bana?'' ³ Alilabile ati, ''Moneni, kuli umusha wangi Bilya. Kabiyeni mwingile muliye, ukuti enga fyala abana pa makufi yangi ukweba ati nkabene bana ukupitila muliye.'' ⁴ Popele alimupele ye umusha wakwe Bilya koti mukashi, kabili Yakobi alingile muli ye. ⁵ Bilya aliimitile ne kumufyalila Yakobi umwana umwalalume. ⁶ Penka Laceli alilabile ati, ''ba Lesa ba sololola na nemo, kabili ba balyumfwa ishiwi lyangi kabili ne kumpela umwana umwalalume. ''Pali kiki ali mwitile ishina lyakwe ati ni Dani. ⁷ Bilya, umusha wakwe Laceli, alimitile limbi ne kumufyalila Yakobi umwana umwalalume umbi. ⁸ Laceci alilabile ati, ''ukulwa na lwa ukukulu ne nkashi yangi kabili na kimfya. ''Amwinikile ishina lyakwe ni Nafitali. ⁹ Ili Lea abwene ati aleka ukufyala bana, Ali bulile Silipa, umubomfi wakwe, kabili ne kumupela kuli Yakobi koti mukashi wakwe. ¹⁰ Silipa, uwamulimo wakwe Lea, ali mu fyalile umwana umwalalume. ¹¹ Lea alilabile ''ili lishuko! ''penka alimwinikile ishina lyakwe ati ni Gadi. ¹² Popele Silipa, uwamilimo wakwe Lea, ali mu fyalile Yakobi umwana umwalalume umbi. ¹³ Lea alilabile ati, ''nasansmuka! pakuti abana abanakashi ba ngiti ati usansamukile penka alimwinikile ati ni Asila. ¹⁴ Lubeni alile mumpindi ya kukesa wichi kabili ne ku sanga aba mulimo abanakashi mwibala. Alibaletele bo kuli ba inakwe ba Lea. poele Lacili alilabile kuli Lea ati, mpelepo bamo aba mulimo ba mwana obe abanakashi.'' ¹⁵ Lea slilabile kuli ye ati, ''Kani uyu mulandu ukepele kuli webo, ukweba ati umpoke umulume wangi? Kabili bukumo ulukufwaya ukupoka abamulimo abanakashi aba mwana wangi umwalalume, nabo?'' Laceli alilabile ati, ''pakuti pali fyefyo akulala nawebo ubushiku bwalelo, mukupinga kanya mu ba mlululimo abanakashi ba mwana obe umwalalume.'' ¹⁶ Yakobi alishile ukufuma kwibala ikyungulo. Lea alifumine mukumukumanya ye ne kulabila ati, ''mwingile muli nemo, pakuti namitileni uwamilimo umwanakashi uwa mwa wangi.'' Penka Yakobi alilele na Lea bulya bushiku. ¹⁷ Ba Lesa bali mumfwile Lea, kabili alimitile kabili ne ku mu fyalila Yakobi umwana umwalalume uwabu sanu. ¹⁸ Lea alilabile ati, ''ba Lesa ba mpela ukula mbulwa kwangi, pakuti nalipele uwa milimo wangi ku mulume wangi. '' Alimwinikile ishina lyakwe ati ni Isaka. ¹⁹ Lea alimitile limbi kabili ne kufyalala Yakobi umbi umwana umwalalume uwakulenga busanu na umo. ²⁰ Lea alilabile ati, ba Lesa ba mpela nemo wangi ikya bupe ikiweme. pano umulume wangi akunkinjika pakuti na mu fyalila abana abalalume ba sanu na umo. ''Ali mwinike ishina lyakwe ati ni Sebuloni. ²¹ Pantangile ali fyele umwana umwanakashi kabili ne kumwinika ishina lyakwe ati ni Dina. ²² Penka ba Lesa bali mulangulukile Laceli kabili ne kumumfwaye. Bali mulengele ukwikala ne pafu. ²³ Alimitile ne kufyala umwana umwalalume. Alilabile ati, ''ba Lesa ba mfumye nsoni.'' ²⁴ Alimwinikile ishina lyakwe ati, Josefi, ne kulabila ati, ''ba Yawe ba ndundilapo umwana umbi umwalalume.'' ²⁵ Panuma Laceli a fyala Josefi, Yakobi alilabile kuli Labani ati, ''ntumeni nemo, ukweba ati nkaye kwangi kabili ku kyalo kyangi. ²⁶ Mpeleni abakashi bangi ne bana bangi abo na mipyungileni, kabili ndukuya, pakuti mulishi imilimo iyo na mipeleni.'' ²⁷ Labani alilabile ati kuli ye, ''kani bukumo nakusanga uluse kumenso yobe, upembeleko, pakuti na sambilila ukwebati ba Yawe bali nshukishe pakuti pali webo.'' ²⁸ Penka alilabile ati, ''shishimbule imilambu shobo, kabili nakukupela sho. ²⁹ Yakobi alilabile kuli ye ati, ''mulishi ifyo na mipyungilani, kabili ne fyo inama shenu shikele na nemo. ³⁰ Pakuti pakutaanga mwali ne shinini ili nshingesa, kabii shafula ukwa kuti ubwingi. Ba Yawe ba mishukisha apo ponse na mpyungile. Lomba nilisa ili nkapyungila aba muñanda yangi na nemo?'' ³¹ Popele Labani alilabile ati, ''mba nkupele ndo?'' Yakobi alilabile ati, ''Teku mpelapo ni kimo nemo. kani mwakukita iki kintu kuli nemo, kabili nkalukulisha itanga lyenu ne kulilama. ³² Lekeni nemo mpitane mwitanga lyenu lyonse lelo, ne kufumyamo shonse ishili ne fisemba kabili ne mabala imbelele, kabili na shonse isha kufita pakati ka mbelele,kabili ne shafisemba ne sha mabala pakati kambushi. Ishi eshikaba mulambu wangi ³³ Ukukinda kwangi kukandabililako kuntangile, ili mwakwisa mu kubona imilambu shangi. Isho shonse tashili ne fisemba kabili ne mabala pakati ka mbushi, kabili ne shakufita pakati ka mbelele, kani imo ya sangwa na nemo, ikapemdwa ati ya kwiba.'' ³⁴ Labani alilabile ati, ''Alisuminishe. Na kibe ukulingana ne shiwi lyobe.'' ³⁵ Pali kalya kasuba Labani alifumishemo imbushi ishalalume isho isali ne mabalashi ne shamabala, kabili ne mbushi shonse ishanakashi isho shali ne fisemba kabili ne sha mabala, isho shonse, na shonse ishakufita pakati ka mbeleel, kabili ali shipele mu maboko abana bakwe abalalume. ³⁶ Labani alibikile ulwendo ulwa kwenda imisinso iyo nshiku shi tatu pakati kakwe na Yakobi. Lomba Yakobi alitwalilile ukwebelo amatanga akwa Labani a ashele pepo. ³⁷ Yakobi alibulile imisampi ya fiti ifi bishi ifyo atemene ifya popula ne fya amonde kabili na kichi kya puleni, ne kufipobaula ifi semba ifitubile muli fyo, kabili ne kulenga ifiti fya mukachi ifitubile ne kuboneka ifya kutufichi. ³⁸ Penka ali fimikile ifichi filya apobawile kuntangile ya matanga, kuntangile ya mankobele ya menda umo shalu kunwina. Shalukwimita ili shaishile mukunwamo. ³⁹ Amatanga aimitile pantanshi ya fichi; kabili ne matanga alibele ne mabala, ashinsulukile ne fisemba kabili ne mabala ku twana. ⁴⁰ Yakobi alyakenye utu tubana twa mbelele, kabili ne kushilenga shilya ishalepo ukulolesha kuli shilya inama ishali ne mabala a shingulukile ne shifitile shonse imbelele mwitanga lya kwe Labani. Penka ali ya kenye amatanga ya kwe umwine enka kabili tayasankenye pamo ne matanga yakwa Labani. ⁴¹ Ilyo lyonse iya makosa imbelele iya mwitanga shaluku fyala, penka Yakobi ali kwimika ifichi mu mankobele a menda umo shalukunwina kuntangile ya menso ya matanga, ukwebati shinge mita mukati ka fiti. ⁴² Lomba kani inama inakile mwitanga yali shile, talukubika ifichi kuntangile ya shiko, pakuti ishina eile shali sha kwa Labani, kabili ne shikosele shali shakwa Yakobi. ⁴³ Umuntu yo alibele mubile. Ali ne matanga aengi, Aba mulimo abanakashi ne ba mulimo abalalume ne ngamela ne mbongolo.