¹ Popele apo Isaki ali mwitile Yakobi, uku mushukisha, kabili ne kumukambisha ye ati, ''wikopila umukashi mubanakashi abena Kanani. ² Ima, koya ku Padana Lama, kuñanda ya Betweli ba wishabo na banoko, ukapinte umukashi kulya, umo mubana ba kwa Labani, indume ya banoko. ³ Ba Lesa aba makosa yonse na ba kushukishe webo, bakulenge uku fyala kabili ne kukufusha, ukwebati ukabe libumba lya bantu. ⁴ Nabakupela ukushuka kwakwe Abulama, kuli webo, kabili na ku bana bobe aba panuma yobe, ukwebati ukapyane ikyalo ikyo waikelemo, ikyo ba Lesa ba pele kuli Abulama.'' ⁵ Penka Isaki alimutumine Yakobi kulya, Yakobi ye alile ku Padalama, kuli Labani umwana wakwa Betweli umwina Alami, Indume yakwe Libeka, nyinabo na Yakobi na Eso. ⁶ Lomba eli Eso abwene ati Isakiashukisha Yakobi ne kumutuma ku Padalama, Ukwebati akopile kulya. kabili alibwene ati alimushukishe ena kabili ne kumukambisha ati, ''Taulingile ukupila umukashi mubanakashi aba mu Kanani.'' ⁷ Kabili Eso alibwene ati Yakobi ali bomfwilile ba wishi ne ba nyina, kabili alile ku PadanaLama. ⁸ Eso alibwene ati umwanakashi umwina Kanani tabasekeshe ba Isaki ba wishi. ⁹ Lomba alile kuli Eshimeli, kabili ne kupinta, pambali abakashi bakwe balya akwete, makalati umwana wakwa umwanakashi Eshimeli umwana wakwa Abulama, Inkashi ya kwa Nebayoti, ati abe mukashi wakwe. ¹⁰ Popele apo Yakobi alifumine pa Beyasheba ne kuya kulubali lwa ku kalani. ¹¹ Alifikile pakifulo kimo kabili alikele palya ubushiku bonse, nipakuti akasuba kaliwile. Ali bulile ibwe limo pali kilya ikiifulo, ne kulibika panshi ya mutwi wakwe, ne kusaminapo, kabili ne kulala panshi pali kilya kifulo. ¹² Penka kalota kabili ne kumona umutanto kabamwimikile pano panshi ya kyalo. kabili na pampelo ya uko walifikile mwiulu kabili ne ba malaika sha ba Lesa shali kuninsa ne kuseluka pali ye. ¹³ Boneni, ba Yawe bali makene peulu wauko ne kulabila ati, ''Ninemo Yawe, Lesa wakwa Abulama wiso, kabili Lesa wakwa Isaki. Ikyalo ulelepo webo, nkakupela kya kabili na ku bana bobe. ¹⁴ Kabili abana bobe bakali kuli koti lukungu lwa pa pa mushili wapanshi, kabili mukasandana ukufuma ku mutulesuba na ku mbonshi, kabili ukufuma kubulenge, ukufika na ku buyeke. Nimuli webo kabili ne bantu abapa kyalo kya panshi bakashukilamo. ¹⁵ Bona, nji nobe, kabili nkalukukula konse ukaya. kabili nkakubwesha na kambi muli kino kyalo; ni pakuti nshakakushe webo. Nkakita ifintu fyonse nakulaya webo. ¹⁶ Popele Yakobi alibukile patulo twakwe, kabili alilabile ati, ''Ikine ba Yawe bali pano pakifulo, kabili nshakishibilepo.'' ¹⁷ Naye alibele ne mwenso ne kulabila ati, ''Pano pantu ifipaba apa kutinisha! Pano tali nipambi lomba nipa ñanda iya ba Lesa. Apa nipa mulyango wakwiulu.'' ¹⁸ Popele Yakobi alibukile ulukelo kelo kabili ne kubule ibwe ilyo abikile panshi ya mutwi wakwe. Alilimikile koti lupanda kabili ne kwitilapo amafuta peulu lyaliko. ¹⁹ Popele alipetile ishina palya pakifulo ati Betili, Lomba ulya mushi pakutanga walitilwe ishina ni Lusu. ²⁰ Popele Yakobi ali lapile umulapo, ukulabila ati, ''Kani ba Lesa bakalikuli na nemo ne kundama munshila monse umo ndukwenda, kabili nekumpelapo umukate wakulya, ne nsalu isha kulukufwala, ²¹ Ukwebati nkabwelele umutende kuñanda ya ba Tata, popele ba Yawe bakalikuli ni ba Lesa bangi. ²² Kabili ili libwe ilishilile, kabili mulli fyonse fyo mukampela nemo, ikine nkapele ikikalenga ikumi nkabwesha kuli mwebo.''