¹ Pano Ablaamu walikotele naba Yawe bali mupeshele muli fyonse ifintu . ² Abulama kalabila kubanbofi bakwe . Kuli uyo wali umukulu pang'anda kabili uwali kilolo pali fyonse ali nafyo . '' Bika ikikumo mukunboko kwangi ³ nakukulenga ukulapa kuli ba Yawe . Ba Lesa bamwiulu napashi , tawa kasange umwanakashi pamwana wangi ukufuma mubana nbobe abanakashi abamu Kenani , muli banbo napangile ntanda . ⁴ Lomba taukaya mukyalo kyangi , nakubalengo tola umwanakashi pamwanawangi Izaki . '' ⁵ Abasha kabalabila kuli ye , '' Ngo kyakwebati umwana kashi takafwaye ukukokela kuli inopanga ? Nenga bweshe umwana wenu panuma kupanga ukomwafuma . '' ⁶ Abulama kamweba , '' Wekesha ukubwesha umwana wangi kunuma ! ⁷ Yawe Lesa wa mwiulu , U - wa fumishe mung'anda yabatata namupanga yaba longo , u-wandaile ne kilapo nokulabila , '' Kunbuto kapana ipanga , ' Akatuma ba malaika kutangile yobe , kabili ukasanga umukashi wa mwana wangi kulya . ⁸ Lomba nga umwanakashi talukufwaya ukukoka , penka ukakakuluke kukilaye kyangi . Kabili wekesha ukubwesha umwana wangi kulya . '' ⁹ Penka umunbofi ka bika ukunboko mukikumo kyakwakapa yakwe Abulama , nokulapa kuli kapa yakwe umwine ukulingana noyumulandu . ¹⁰ Umunbofi kapita ikumi inbongolo no kuya . Kabili kapinta fyonse ifya bupe ukufuma ku mukulu wakwe . Kufumako no kuya kupusha ya Alam Nahakami . Kumushi wa Nahola . ¹¹ Kakambisha inbongolo ukufukama panshi kunbali yamushi kubwipi no mukalo wamenda . Kyali nipindi yakingulo , ipindi eli abanakashi baya kumenda mukutapa . ¹² Pano kalabila , '' Yawe , Lesa waba kapa ba Abulama , Peleni ishuko lelo nokumwenesha ikilai kyakishinka kuli bakupa ba Abulama . ¹³ Moneni pano ngimakene pa katuputupu ka menshi , nabana abanakashi ba mushi uyu ba lukwisa no kufuma mukutapa amenda . ¹⁴ Lekeni kikitwe kotinififi. Nga nalabila kuba kilitwala abakashana , ' Napapata likeni alikefye u-waisa mwe amenda , ' kabili alabile kuli nemo . ' Nwa , kabili nduku pelene mbelele amenda nabo . Lekeni abeni uyo mwasalulula kumunbofi wenu Izaki . Pali fifi ndukunshiba kwebatimwamwenesha ululayano lwafikilishiwa lya shikulu bangi .'' ¹⁵ Yalifikile pindi ili tanga pwisha ukulabila , Bnboneni Lebeka alishile nomulondo pakubeya . Lebeka alifyelwe ku Befile mwana Mika , umukashi wa kwa Naho , umwanike wakwa Abulama . ¹⁶ Uyu mwanakashi aliweme kabili kisungu . Taishibilepo umwalalume . Alile kukafukufuku , no kwisusha mulondo nokwisa . ¹⁷ Penka ababonfi kabamubutukila nokumukumanya noku labila , '' Napapata pela ameshi yanini inwe ukufuma mumulondo obe . '' ¹⁸ Alilabile , '' Nweni , kapa , '' bwangu kaikisha umulondo ku manboko yakwe nokumupela ukunwa . ¹⁹ Ili apwishile ukupana amenda , kalabila , ndukutapa na ambi amenda ya mbelele kabili kani bapwishe ukunwa . '' ²⁰ Pano kaisa bwangu nokutola umulondo nokwitila nokwima ukuya mukutapa amenda kumukalo nokutapa ayambelele shonse . ²¹ Uyu muntu kamukebele kishishi lukoso no kumena ka ni ba Yawe ba mwesha bwino mushila nangu yoo . ²² Ili mbelele shapwishishe ukunwa , umuntu kafumya lingi wangolinde nokubika pamona ikyalwmene ikiputulwa kimo kyamashekele . Kabili abile aya makosa kumanboko ifyalemene ikumi shekele . ²³ Nokwipusha , '' Uli mwana nani we mwanakashi ? Ngebe napapata , mulipusho mung'anda yaba wiso pakuci fyenbo twinga lala? '' ²⁴ Alilabile kulinbo , '' Nemo ndimwana wakwa Befele mwana Milika , uyu afyalile ku Naho.'' ²⁵ Kabili kalabila kulinbo , '' Tuli ne makika nefyakulya nomwa kulala mwenbo buno bushiku . '' ²⁶ Penka umuntu kafukama panshi nokutota ba Yawe . ²⁷ Nokulabila , '' Apalwe Yawe , ba Lesa baba Shikulu ba Abulama , uyu tandekeleshe kululayano lwakishika noku ketekela kwakukindama kuli bashikulu . Pakuci nemo , ba Yawe batangilila kine kung'anda ya bashikulu abalongo . '' ²⁸ Penka ushibi kubutuka nokweba ba ngina , nabalongo pafyonse fintu . ²⁹ Pano Lebeka ali no mwanike wakwe umwalalume , inshina lyakwe ali Labani . Labani kabutukila kumuntu u- wali pa kafikauka kunbali yamusenbo . ³⁰ Ili a mwene ikipini pamona nomakosa kumanboko yakashi yakwe . Kabili nokufwa amashiwi yankashi yakwe Lebeka . Ifi afyakingeba umuntu kuli nemo . Kaya kumuntu , kabili . Kabili ali makene pa mbongolo pakafukufuku . ³¹ Lababi kalabila , '' Iseni upalilwe yakwa Yawe , Mbanindo mwaimakanina posonde ? Nateyanyakale ing'anda , nepusha ya mbongolo . '' ³² Penka umuntu kaisa ku ng'anda nikukakula ngamela bakwe , kabili balipelwe nefyakulya kabili kabalya . Namenda yalipele ukusafya amakasa namakasa ababo ali nanbo . ³³ Bali pekenye nafyakulyakutangile yakwe ifyakulya , lomba kalabila , '' Shalye kani ndabile '' Labani kalabila , '' Labila , '' ³⁴ Nemo ndimubofi wakwa Abulama . ³⁵ Ba Yawe bapesha bakapa apakulu kabili baba abakulu . Abapela imbelele , ing'ombe , ya siliva na ngolinde , Abanbofi abalalume nabanakashi , ba ngamela ne punda . ³⁶ Sala , emuka bakapa ewafyela umwana waba shikulu ili ali mubukonnte , kabili a pana fyonse ifi akwente kuli ye . ³⁷ Ba shikulu balilapile , ukwebati m ' We kabula umwanakashi wamwana wangi kabena kena ni mu panga naikele . ³⁸ Pakuti palififi ukaye kukifyashi kyalo a tata naku kifyashi kyabulongo bangi , nokubula umukashi wa mwana wangi . ' ³⁹ Nalilabile kuli ba Shikulu , ' Pali umwanakashi takakokele . ' ⁴⁰ Lomba ali labile kuli nemo , ''Yawe kutangile uyo ngenda nakwe , Akatuma ba malaika nawebo kabili akupesha ulwendo lobe , kwebati winga sanga umukashi wamwana wangi ukufuma kubalongo nangu mukifyashi kya batata . ⁴¹ Lomba ukakakuluka ukufuma lulayano kana ukense kubalongo kabili tabakakupele wenbo . Penka uka kakuluka lulayano . ⁴² Lelo na fika pakafukufuku , nakulabila , o Yawe , Lesa waba shikulu ba abulama ; napapata , nga kyakwebati mwandenga ulwendo lwangi uku wama - ⁴³ ndi pano , ndimakene pa kafukufuku kamukalo - Lekeni ba moye abalukwisa mukutapa pelepo amenda yanini mwe ukufuma mumulondo inwe . ⁴⁴ Ne mwanakashi alilabile kuli nemo , '' Nwa , kabili kotapa naya ba ngamela - Lekeni abe wamwanakashi uyo , Yawe mwasala kumwaba shikulu . ⁴⁵ Ili shinga pwisha ukulabila mumucima wangi , moneni , Lebeka alishile nomulondo pakubeya , nokuya pakafukufuku nokutapa amenda . Eli nalabile kuli ye , '' Napapata pelepo aya pele amenda , ' ⁴⁶ Bwangu kalikefya umulondo ukufuma paku beya nokulabila , '' Nwa , kabili kopela bangamela amenda , ' peka nali nwine , kabili ka pela bangamela nanbo . ⁴⁷ Nali mwipwishe nokulabila , ulimwana nani ? Afyo alabile , '' Ndimwana Befile , Naho umwana , uyo Maka uyu afyalilwe . ' Penka nakimubika lingi pa mona namakosa kumanboko . ⁴⁸ Pano ali nafukama panshi nokutota ba Yawe , kabili atotwe Yawe , Lesa wabashikulu ba Abulama , u- watangilila mushila iyololokele ukusanga umwana wabashikulu mubalongo pa mwana wanbo . ⁴⁹ Pano penka , nga wali pekanya ukumwenesha ubutemwe bwakishika kuli bashikulu , Nge beni . Lombangayo , ngebeni , pakwebati ninga lukila ku kulyo nangu ku kipiko .'' ⁵⁰ Penka Labani na Befile kabasaka nokulabila , '' Ifintu fyafuma kuli ba Yawe : Tekuti tulabile ifibipile nangu ifiweme . ⁵¹ Moneni , Lebeka alikutangile yenu . Mubuleni nokuya . Lekeni abemukashi wamwana ba shikulu , fweka ba Yawe balabila . '' ⁵² Ili umunbofi Abulama aufwile ayamashiwi, Alifukeme panshi nokusanta kutangile ya ba Yawe . ⁵³ Umunbofi alifumishe ifipifwa fya Silifa na ngolinde , nefyaku fwala , no kupana kuli Lebeka . Kabili alipene ubupe kubanike bakwe nabangina . ⁵⁴ Penka ye nabalalume abo ali nanbo balilile nokunwa . Balikele ukukya kwabushiku , kabili ili bwakile kumakya , kalabila , '' Tumeni kuli ba shikulu , '' ⁵⁵ Abakulu bakwe naba ngina kabalabila , '' Lekeni umwanakashi mwanike tulikale naye ishiku shinini , ishiku ikumi . Panuma kuchi aya .'' ⁵⁶ Lomba kalabilakulinbo , '' Mwefisa nemo , pakuchi Yawe apekanya ishila yangi . Tumeni ikoya kuli ba shikulu . '' ⁵⁷ Kabalabilla , '' Tulukwita umwanakashi nokumwipusha . '' ⁵⁸ Penka bali mwitile Lebeka nokumwipusha , '' Ukoya noyu muntu ? '' Kabasuka , '' Ndakuya . '' ⁵⁹ Pano kabatuma ikanshi yabo Lebeka , nomu bonfi wakwe umwanakashi , mushila yanbo nomunbofi wakwa Abulama naba lalume . ⁶⁰ Balipesele Lebeka , nokulabila kuli ye , '' Wekanshi , leka ube ngina lyaba myanda ikumi , myanda , kabili ikifyanshi kibe pa milyango yabanbo ababapichile . '' ⁶¹ Penka Lebeka kaima , ye nomunbofi wakwe umwanakashi nokunisa palingamela , nokukoka umuntu . Penka abanbofi kabapinta Lebeka nokuya palwendo . ⁶² Pano Izaki alukwikala mwitete , kabili ali afumine mukulima . ⁶³ Izaki alile mukusopa mwibala pakingulo . Ili amukile nokumona , moneni kwali ba ngamela balukwisa ! ⁶⁴ Lebeka kakebelesha . Ili amwene Izaki , Likilukile ukufuma pali ngamela . ⁶⁵ Nokulabila kubanbofi , '' Nga ulya muntu ulukwenda mwibala mukutu kumanya ? Aba nbofi kabasaka nokulabila ati , Ebashikulu . '' Ali atolele kitambala nokuli fimba umwine . ⁶⁶ Aba nbofi kabalondolola kuli Izaki fyonse fintu ifiba kinta . ⁶⁷ Penka Izaki amuletele kuli nangina ba Sala kwi ntente noku bula Lebeka , nokuba umukashi , kabili alimutemenwe , ali Izaki ali tekeneshiwe panuma yalufu lwaba ngina .