¹ Pano Selai muka Abulama , tafyelepo umwana nangu umo kuli ye, lomba ali na banbofi abanakashi. Umwine Injipita, ishina lyakwe Anga. ² Pano Selai kalabila kuli Abulama, ''Moneni, ba Yawe ba ndama nemo ukwakubula mwana, kabiyeni mulale nomunbofi, pambi nengapo nomwana kuli ye.'' Abulama kaufwila ishiwi lya mukashi wakwe Selai. ³ Nipindi iyo Abulama yakwikala imyaka ikumi mupanga ya Kenani Selai, muka Abulama, Apene Anga, umwina Injipita umunbofi, kuli mwata wakwe ukuba umukashi. ⁴ Penka kaba nikibusa wakwe na Anga, nokufyela, Ili amwene ati afyala, Ali mumwene nobukwa umunbofi wakwe umwanakashi. ⁵ Ali Selai alabile kuli Abulama,'' akikyabipa kuli nemo pa mulandu wa webo. Nalipene umunbofi umwanakashi kusekesha webo, kabili ili namwene kwebati afyala, nalyufwile ubukwa ku meso yakwe. Lekeni ba Yawe batupingule mwebo na nemo.'' ⁶ Lomba Abulama kalabila kuli Selai,'' mona pano, umunbofi umwanakashi ali mu makosa obe kita kuli ye ifi ulu ku kulanguluka ifiweme,'' penka selai kamupata apakulu naye, nokumutafya ukufuma kuli ye. ⁷ Ne malaika wa ba Yawe kamusanga pa kafukufuku ka meshi mupanga, pakafukufuku akali mushila ya ku shula. ⁸ Nokulabila,'' Anga, wemunbofi wakwa Selai, walifuminrpi kabili ukuyapi?'' Penka kalabila ati,'' Batafya ukufuma kuli bakapa ba Selai.'' ⁹ Malaika waba Yawe kalabila kuli ye, ''Bwela kuli bakapa yobe, nokulipana kuli bo kulwa lwabo.'' ¹⁰ Penka malaika waba Yawe kalabila kuli ye,'' kukusha ikifyashi kyobe, ukwebati bakafilwe ukuba penda.'' ¹¹ Kabili malaika waba Yawe kalabila kuli ye.'' mbona, uli nenda kabili ukafyela umwana umwalalume, kabili uka mwineke ishina ati Ishimelo. pakuchi ba Yawe baufwa amakatasho obe. ¹² Akekala nipunda kubantu bonse. kabili akala uwakupatwa kubantu bonse naonse takamutemwapo. kabili takekale na balongo bakwe. Akalikalila.'' ¹³ Penka kamupela ishina kuli ba Yawe u-walabile kuli ye,'' muli ba Lesa bangi u-wamwene,'' pakuchi alilabile,'' nkanshi nda twalilila uku mona, nangu panuma ya kumona nemo?'' ¹⁴ Pano wali bwino alitilwe Bee La Ali Loi; penka, kali pakachi ka Kandeshi na Beled. ¹⁵ Anga kafyelila Abulama umwana umwalalume. kabili Abulama kamwinika ishina uyo Anga afyele ati Ishimelo. ¹⁶ Abulama ali ne myaka amakumi asantu na atatu ili Anga afyele Ishimelo kuli Abulama.