¹ Pano ba Lesa balilabile ati kuli Abulama, ''Fuma mu kyalo kyobe, nkubalongo bobe, na ku ñanda ya bawishi, uye ku kyalo ikyo ka kubula webo. ² Webo kakwalula umukoka uukulu kabili ka kumpela nokulengela ishina lyobe ukulema kabili ukekala lishuko we mwine. ³ Kashukisha balya abaka kushukisha webo, kabili kamufinga ulya ukufinga webo. Ukupichila muli webo imikoka yonse iya pano pa kyalo ika shukwa! ⁴ Penkapo Abulama alile, fyenka ifya mwebele ba Yawe ati akite, kabili Lota alile nakwe. Abulam ali ne myaka amakumi yasanu na yabili elyo afumine ku Haran. ⁵ Abulam alimpitile Selai, umukashi wakwe, Selai, na Lota umwana wamukulu wakwe, ne fya bunoshi fyabo fyonse ifyo banonkele, abantu abo bamwene mu Halama; kabili balimine ukuya ku kyalo kya Kenani, kabili balifikile mu kyalo kya Kenani. ⁶ Abulama alipichile mu kyalo nokufika alifikile ku Shekema, ku kichi kya oko kya Mole; kabili pali lyo shila abena Kenani balikele muli ikyo kyalo. ⁷ Ba Yawe bali monekele kuli Abulama no kulabila ati, ''kuba ku kikota kyobe ikya kutashi eko kapana kino kyalo'' Penkapo Abulama ali sompeleikiintamba kyakokyelepo umulambu kuli ba Yawe, abamonekele kuli ye. ⁸ Ukufuma kulya alilele ku kyalo kya mapili ku kabanga ka ku Betele, uko asompele amatente akwe, uku Betele ku kumbonshi elyo Ai ku kabanga. Apo epo asompele iki ntamba kya kulambwilapo kuli ba Yawe kabili no kwita peshina lya ba Yawe. ⁹ Mpeuka Abulama alitwalilile ulwendo lwakwe ukuya mukufika naku Naija. ¹⁰ Mwali ikipowe mu kyalo, penka Abulama alile mukwikala mu kyalo kya Injipita. ¹¹ Ali labile ku mukashi wakwe Selai ati, moona kuuuno, Naishiba ukwebati uli mwanakashi uweme saana. ¹² Elyo abena Injipita ba ka kumona webo ba kalabila ati, ''uyu emukashi wakwe; kabili ba kangipaya, pano webo bakakuleka umumi. ¹³ Kalabila ati webo uli nkashi yangi, pakwebati nikangwamine nemo umulandu wawebo, kabili pakwebati ubumi mwangi bukasungwe bwino umulandu wa mwebo.'' ¹⁴ Elyo Aulama afikile mu Injipita, Abena Injipita bali mumwene Selai ati ali mwanakashi umuweme. ¹⁵ ''Ifilumba fumo fya kwa Falao, fyali mumwene kabili umwanakashi bali mu mpichile ku ñanda yakwa Falao ne kifyashi kyakwe. ¹⁶ Falao ali musungile bwino Abulama umulandu wakwa ena, kabili Abulama ali pokelele imbelele ne ñgombe, imbongolo iyalalume, abankito abalalume, abankito abanakashi, imbongolo ishanakashi, kabili ne ngamela iyanakashi. ¹⁷ Penka ba Yawe kaba mukatasha Alao naba muñanda yakwe ne myalo inkulu umulandu wakwa Sala, umukashi wakwa Abulama. ¹⁸ Falao alimwitile Abulama, kabili nokulabila ati, ''Nifindo ifi mwakita kuli nemo? Nindo tamwangebele ati mukashi obe? ¹⁹ Nindo mwalabilile ati, ''nikashi yangi, pano nalimupokele at ekale mukashi wangi? Pana kine, umukashi wenu uyu. Mupinte, kabili koya uko uleya.'' ²⁰ Pano Falao kafunda abantu pali ye, kabili bali mutumine ukuya pamo no mukashi wakw nefintu fyonse akwete.