¹ Muutendeka ba Lesa bali pangile iwulu na kyalo. ² nekyalo takyalipo ikyakumonneka kabili tamwalipo nangu kimo. Ifinshi eyalipo papunsha apashikile. Ne mupashi waba Lesa walikwenda peulu yapusha ya menshi. ³ Ba Lesa kabalabila. ''Lekeni kube ikyeya.'' kabili kwali kyeya. ⁴ Ba Lesa bali mwene ikyeya, kyali ikiweme. Ba lyabenye ikyeya ukufuma kufinshi. ⁵ Ba Lesa kabeta ikyeya'' akasuba.'' nefinshi balilichile ''ubushiku.'' Ubu bwali kingulo kyabushiku nelukelo, ebushiku bwantashi. ⁶ Ba Lesa kabalabila,'' Lekeni kube ukwabanika ne kwabanya pakati ka menshi, kabili kyabaikwe amenshi ukufuma ku menshi.'' ⁷ Ba Lesa bali pangile umuputele ne kwabanya amenshi ayali panshi yamuputule ukufuma kumeshi ayali peulu yamu muputule. Kyalibele fyenkefyo. ⁸ Ba Lesa kabeta kumuputule ''IWULU.'' ubu bwali bushiku bwapa kyungulo nelukelo, bushiku bwa bubili. ⁹ Ba Lesa kabalabila,'' Lekeni amenshi panshi yamakumbi yese pamo pampusha imo, kabili muleke nemushili uwumine umuneke.'' Kyali kichikilwe. ¹⁰ Ba lemba bali ichile ipanga iyumine ''ikyalo,'' kabili ameshi ayabungilalwe ''utulunga,'' Bali mwene ati kiweme. ¹¹ Ba Lesa kabalabila, ''Lekeni ikyalo kifumye ifimenya: ifiti ifyakufumya imbuto kabili nefiti ifya kupanga ifisabo ifikali kukukwata intetele mukati kafiko, kyonse iulingana ne musango wakiko. '' kyalibele fyenkefyo. ¹² Ikyalo kyalifumishe ifimenwa, ifyamenene ifya kufumya imbuto ukulingana ne mutundu wakiko, ne fiti ifyakupanga ifipangwa ifyali netetelo mukati, ukulingana ne musango wakiko. Ba Lesa kabakimona ati kiweme. ¹³ Ububuli kingulo bushiku nelukelo, ubushiku bwa butatu. ¹⁴ Ba Lesa kabalabila,'' nakube ulubuto mwiulu mukwabanyq ubushiku ne kasuba kabili mufileke fibe fishibilo, fya mpindi, ne shiku ne myaka. ¹⁵ Lekeni fibe ulubuto mwiulu mukupela ikyeya pa kyalo.'' kyalibele fyenkefyo. ¹⁶ Ba Lesa bali pangile ifya kyeya fibili ifiikulu, iyeya ikikulu ikya kuteka akasuba, ne kyeya ikinini ukukuteka ubushiku. Bali pangile netu bangabanga. ¹⁷ Ba Lesa bali fibikile mumakumbi mukupela ikyeya pa kyalo, ¹⁸ Nekuteka pabushiu kabili napa bushiku, kabili ne kwabanya ikyeya ukufuma kufinshi. Ba Lesa kabamona ati kiweme. ¹⁹ Iyi yali kingulo, bushiku kabili ne likelo, ubushiku bwakine. ²⁰ Ba Lesa kabalabila ati,'' Lekeni amenshi yesulwemo nefipangwa ifingi ifipema. ²¹ Ba Lesa kabalenga nefipema ifya mukishiba ikikulu, nefya fyenkefyo ifipema ifyamisango ne misango, ifilengwa ifyo ifyenda kabili ifyo fyenda mumenshi konse konse nefya mapipindo ifyoni ifya misango ne misango, Ba Lesa kabamona ati kiweme. ²² Ba Lesa kabafipala, ne kulabila, ''Beni abakutwala ifipangwa ne kufula. Kabili ne kufula mumeshi amumashiba ne kuleka ifyoni ukufula pa kyalo.'' ²³ Nobu bwali bushiku ne lukelo, ubushiku bwa busanu. ²⁴ Ba Lesa kabalabila. ''Lekeni ikyalo kifumye ifipema ukulingana ne musango wakiko, inama, ifikalaba ne fiswango ifya mu kyalo, ukulingana ne musango wakiko.'' kyalibele fyenkefyo, ²⁵ Ba Lesa kaba panga ifiswango fyapa kyalo ukulingana ne musango wafiko, ifinama ifipusene, nafifyo ifikalaba, pa mushili ekilingane ne musango wafiko. Ba liwene ati kiweme. ²⁶ Ba Lesa kabalabila,'' Lekeni tupange umuntu mukipashanya kyesu, mukupashanya kwesu. Nekubaleka ukuba nekuleka pamaasabi ya mukishiba, napa fyoni fya mwiulu, napa finama, napa kyalo, napali kyonse ikikalaba pa kyalo.'' ²⁷ Ba Lesa balilengele umutu mukyata kyabo. mukyata kyabo emo ba mulengele. Umwalalume ne mwanakashi ali balengele. ²⁸ Ba Lesa kaba bapala ne kulabila kulibo ati,'' Beni abakunga ifipangwa, ne kufula. Ukwisusha ikyalo nekukisunga. mukwate isambu pesabi lya mu kishiba, pa fyoni fya mwiulu napali kyonse ikipema ikyenda pa kyalo.'' ²⁹ Ba Lesa kabalabila,'' Moneni na mipeleni kyonse ikitwalo ikipanga imbuto ikili pa kyalo kyapashi kyonse, ne kichi kyonse ikipanga ifisabo ikikwete imbuto mukachi. Fikaba fyakulya fyenu. ³⁰ Ku kisango kyonse ikya panshi, na ku kyoni kya mwiulu, kabili na kufikalaba pa kyalo, kabili na kukipeme ikyabumi na kipela ikilimbwa kyonse ikya muyasombe ikyakulya.'' Kyalibele fyenkefyo. ³¹ Ba Lesa balimwene fyonse ifyobalengele. Moneni, kyali ikiwamishe. ubu bwali bushiku ne lukelo, bushiku bwa busanu nabumo.