¹ Pano ba Yawe kabalabila kuli Mose ati,' Isa kunokuli nemo - webo, Aloni, Nadabi, Abiwu kabili na makumi asano na makumi abili aya bakulu ba mu Isilaeli, kabili mu kankinjika nemo apatali. ² Mose bushimwa bwakwe ewingesa kubwipi nanemo. Bambi abashala tekwesha ukwisa kubwipi nanemo, nagu abantu ukwisa nakwe." ³ Mose alile kabili mukulabila mukubeba abantu fyonse fyalabile ba Yawe amashiwi na mafunde. Abantu bonse balyasukile ne shiwi limo no kalabila ati, "Tukakoka amashiwi onse ayalabila ba Yawe. ⁴ "Pano elyo Mose alembele yonse amashiwi ya ba Yawe. Ku myakamyaka, Mose ali sompele ikyokelo munshi ya lupili kabili no kulubika pamo imilumba ya mabwe ikumi limo na libili aya mabwe, akemanineko imitundu ikumi limo na ibili iya mu Isilaeli. ⁵ Alitumine abalalume aba kyanike aba mu Isilaeli ukupana umulambu wa kokya kabili no mulambu wa kulipana uwa ng'ombe kuli ba Yawe. ⁶ Mose alitwele ikichika kya milopa no kubika mabeseni; ali sanshile ikichika kya shelepo pa kyokelo. ⁷ Alitolele ibuku lya ma layangano kabili no kubelengela abantu ne shiwi ilikulu. Elyo balabile ati "Tukakita fyonse ifya labila ba Yawe. Tukanakila." ⁸ Pano Mose kabula umulopa kabili nokusansa pa bantu. Alilabile ati, "Uyu emulopa wa malayang'ano ayo ba Yawe bapanga na mwebo mukumipela imilaye na mashiwi onse aya. ⁹ Penka Mose, Aloni, Nadabi na Abiya kabili na makumbi yane na yabili aya bakulu balile peulu ya lupili. ¹⁰ Bali mwene ba Lesa babena Isilaeli. Munshi ya molu yakwe mwali kwati kalolo aka pangilwe ne libwe lya safila,ili tubile kwati likumbi iline. ¹¹ Ba Lesa tababikilepo amabokopa bakulu babena Isilaeli. Bali mwene ba Yawe, kabili balile ne kunwa. ¹² Ba Yawe balilabile at kuli Mose, " Isa kuli nemo pano peulu lys lupili kabili no kwikala palya. Kakupela webo ama seleketi ya mabwe kabili ne mishilo kabili na mafunde ayo ne lembele, pakwebati muka ba sambilishe." ¹³ Penkapo Mose alitapileko ne wa kumukwasha Yoshiwa ukuya peulu ya lupili lwa kwa Lesa. ¹⁴ Mose alilabile ati ku bakulu, "Ikaleni pano mutupembelele kana tubwele kuli mwebo, Aloni na Ulu bali na mwebo. Kana uli onse kakwata ubwfya, akaye kuli bo." ¹⁵ Penka Mose kaya peulu ya lupili, kabili ne kumbi kali fimbapo. ¹⁶ Ubuleme bwa ba Yawe bwa likele pa lupili lwa Sinai, kabili na makumbi kayafimba po pa nshiku shine na bumo. Ubushiku bwakulenga shine na shibili alimwichile Mose ukufuma mwenka muma kumbi. ¹⁷ Kabili ukumoneka kwa buleme bwa ba Yawe bwali kwati mulilo ukalipile peulu ya lupili pa menso yabena Isilaeli. ¹⁸ 18 Mose alingile mwi kumbi kabili nokuya palya peulu lya lupili. Ali peulu lya lupili ishiku amakumbi yane ne bushiku amakumi yane.