¹ Shimoni Petilo, umusha milimo wakwa Yesu Kilishitu, kuli balya abapokelele ubusumino fyenka twapokelele, ukuketekela ukwabulungami bwa ba Lesa nga Yesu Shikulu wesu. ² Ubupe ne mutende fisule mumano mukwishiba ba Lesa na Yesu Kilishitu shifwe wesu. ³ Mwenka mukosa yakwe, aya bu Lesa yalatupele fyonse tukabila ifiweme filipelwe kuli fwebo kupichipila mumano uwatwichile ukupitila mubuleme bwakwe na bukishinka bwakwe. ⁴ Ukupichila muli fi alilipele umwine ne kipañano ikyachi ukbukulu, ukwebati mupoke amibele, yakwe yakuma kufya kubifya fyesu ifyamu kyalo. ⁵ Ikine pamulandu wafifi mulandepo mukukite ifiweme mubusumino ubwenu, Namufiweme filalenga ukumbuluka. ⁶ Mumano enu mulalengesha ukuli kanya, Ne kulikanya kulenga ubukanye, ubutekanye bulaleta ifiweme. ⁷ Ifiweme filaleta ubulongo, ubulongo bulaleta ubutemwe ubwa kutemwa bonse. ⁸ Pakuti fintu ngafyaba muli mwebo ne kukula muli mwebo, fikamilenga mwebo ukubula ukufilwa ubusumino mumano abaShikulu besu uli ni Yesu Kilishitu. ⁹ Pakuti uyo utakwetepo fifintu alipofwele pakuti ena alabonafye ifili pabwipi alafilubamo ena asweshiwa kufyakunuma. ¹⁰ Palififyo, mweba longo poseniko amano ukwitwa kwenu ne kusobolwa kwenu kwikale kwa kishinka, Nga mwakite fifyonse, Tamwakali tuntulepo koku. ¹¹ Umu mwenka emo mukapokelela mwebo kwingingila mubufumu ubwaba shifwe uuli umupusushi wesu Yesu Kilishitu. ¹² Napamulandu waifi nemo nkalukumyanusheni kuli ifi fintu lyonse, Nangu mulu fishibile, kabili nangu mulikosele musumino ubo mukwete. ¹³ Ndelanguluka ukwebati kyangwamina ukusangwa muli lino tente, mukumibusha ne kumyanusheniko. ¹⁴ Njishi ukwebati ukusangwa kuli ne kuboko bulangu, pantu baShikulu besu ba Yesu Kilishitu fyenka balabile kuli fwebo. ¹⁵ Ikine ndinokuposako amano ne kubona ukwebati pafumapo kwangi mwebo mukali kufyanuka fyonse fifintu. ¹⁶ Pakuti fwebo ifyo twabebele amashiwi ayakosele aya kwisa kwa baShikulu Yesu Kilishitu, tatwalabilepo ifya mufishimi ifyo bashimikile abantu mukengela kwabo yowo, Nifwebo fwebene twalimboni abakubona ba menso ululumbi lwakwe ulukulu. ¹⁷ Nipakuti ena iliapokele kuli ba Lesa, wishi elyo ishiwi lyaishile kuli ena mululumbi ulukulu, kalabila uyu emwana wangi uyo ntemenwe, emo mbwena insansa. ¹⁸ Fwebo fwebene twalyumfwile ishiwi ukufuma mwiulu ili twali na ena kulupili ulwamushilo. ¹⁹ Pakuti tukwate amashiwi yabakutulisha yalalengesha kuli mwebo ukukita bwino mukuposako amano kuti lampi uleaka pa mfifi pakafye bwakya, ne lutanda wakumakya kabalika mumuchima yenu. ²⁰ Napali fifi, mwishibe ukwebati takulipo amashiwi yaba kutulisha ayafumine kumano yakwe umwine. ²¹ Takulipo ifyo bakutulisha ifyaishile mubufwayo bwa muntu, pakuti balilabile ifyafumine kuli ba Lesa elyo bapinchilwe kumupashi wa mushilo.