¹ Ukupelako, mwebakwasu, twa labila kuli mwebo neku mifunda mwe muli ba Shikulu Yesu. Ili muli kupoka ifyakukita ukufuma kuli fwebo pafyo mwengenda nekusekesha ba Lesa, Na muli iyi inshila endeni, ukwebati mwenga kitefi ne kukishapo. ² Pakuti mushila mwebo ninsa kukambisha twamipele ukupitila muli ba Shikulu Yesu. ³ Pakuchi uku kufwaya kwa ba Lesa, ukumishilika mwe, ati mweba aba bulalelale, ⁴ Ukweba ati uli onse mwli mwebo eshibe ifyo kwikala ne mukashi wakwe mumushilo ne mukinshi, ⁵ Tali nimu fyakufwaya kwa bumbifi (koti ba jentile abatabeshi ba Lesa). ⁶ Mweleko muntu ashile mushilo ne kubifya mukwabo muli uyu mulandu. Pakuchi ba Lesa ebashikaya muli fifi fintu fyonse, koti fyenka twa mikengesheni pakutatula ne ku bulilisha. ⁷ Pakuchi ba Lesa taba twichile fwebo kubufisho, sombi mukushila. ⁸ Popele, uyo uukanefi akana talipo bantu, lomba ba Lesa, Abo aba pana umupashi wabo uwamushilo kuli mwebo. ⁹ Kubati kutemwa kwa mukwabo, Tamulipo ne kufwaya kwa uli onse ukulemba kuli mwebo, kuli mwebene mwali fundishiwe kuli ba lesa ukutemwa umo ne mubyakwe. ¹⁰ Mukukita, mulukukitefi kuba kwanu abo abali monse mumakedonya. Lomba tuluukumifunda mwe, bakwasu, ukukitefi ne kukishamo. ¹¹ Twamifunda kabili mwebo ukufwaisha ukwikala ukwakelele, kamulisunga insambu shenu ne kupyunga ne maboko enu, koti fyenka twamisuminishishe mwebo, ¹² Ukweba ati mulu kwendabwino kubapesonde kabili ne kuba mukufwayo kuli konse. ¹³ Tatuli kufwaya ati muli kuba abakubalo kubulwa, mweba kwasu, kuli baabo aba laala, ukweba ati mweli kupopomenwa koti ni bambi abatabali nekuketekela. ¹⁴ Kani twasumina ati ba Yesu bali balifwile ne kubuka libili, neli nifyopele ba Lesa bakaleta na ba Yesu bonse abo aba ponene mutulo muli bo. ¹⁵ Pali fifi twalabila kuli mwebo pe shiwi lyaba Shikulu, ati fwe tuli ne mweo, abo aba shele pakwisa kwa ba Shikulu, Abo ikine tabakaya panuma yabaabo aba ponene mutulo. ¹⁶ Pakuti ba Shikulu abene ba kekile kufuma mwiulu. Bakesa ne kubilaka, ne shiwi lya nkalamba, ne mumpeupe wa ba Lesa ne bafuba muli Kilishitu bakabuka ukutanga. ¹⁷ Lomba fwe tukali ne mweo, Aba kashala, penka bonse nabo bakakwatwa mumakumbi mwiulu mu ku kumana na ba Shikulu muli kabesha muli iyi inshila tukali kuba naba Shikulu impindi yonse. ¹⁸ Popele, kamulitekenesha umo ne mubiye naaya amashiwi.