¹ Ili naishile kuli mwebo, bakwasu, Nshaishilepo ne mashiwi abune neli milangwe ili nali kubilisha ififiseme ifya kine pali ba Lesa. Finini ifilemene nefya kine bakale ifilembo ifiki Giliki kafitangwa, ili nali kutulisha bumboni bwa ba Lesa. ² Pakuchi nali salile ukubula kwishibapo ikintu impinji nali mwenu mwebo kani ba Yesu Kilishitu, nabo aba tanikilwe. ³ Kabili nali nenu mubunake, na mu mwenso, na mukwine uku kanka. ⁴ Ne kyebo kyangi ne kutulisha kwangi takwalipo kwa mashiwi akutekenesha a-a milangwe. Lomba, ali a kulangisha kwa mupashi ne kwa makosa, ⁵ Ukwebati ukusumina kwenu kwekaba kwa mu mano a bu muntu, sombi mu makosa aba Lesa. ⁶ Pano tulikulabila imilange muba kulile, Lomba talipo milangwe ya kino kyalo, neli pa kutangilila ba inwe nkulo, abo abali kushimangana. ⁷ Lomba, tulikulabila imilangwe sha ba Lesa mu fifiseme fya kine, ne milangwe shifiseme isho ba Lesa batuteyanishisha ili takunga ino inkulo ya buleme bwesu. ⁸ Takwalipo abakulane kyalo baino inkulo ba fyumfwile fi. Pakuchi kani bali fyumfwile fi, kani taba batanikile Bashikulu ba buleme. ⁹ Lomba fyenka kilembelwe, '' Tapalipo ilinso ilibwene, tapalipo ukutwi ukwa ufwilepo, takulipo mutima wa muntu uwelengenyepo ifi ba Lesa ba teyenye pali baabo aba ba temenwe bo '' ¹⁰ Lomba ba Lesa bali fifisulwile ifi fintu kuli fwebo ukupichila mu mupashi. pakuchi umupashi ulafwailisha fintu fyonse, nafifyo fyonse ifiliapene panshi ifya ba Yesu. ¹¹ Pakuchi nani uwishibilepo milanguluko sha muntu kaniso umupashi wamuntu uli muliye ? Fyekefyo, takulipo umo uwishiba ifishikile ifintu fya ba Lesa kaiso umupashi wa ba Lesa ¹² Lomba tatwapokelelepo umupashi wa mukyalo lomba umupashi uyo ufuma kuli ba Lesa, ukwebati twengeshiba ifintu ifipenwe kuli fwebo ukufuma kuli ba Lesa katukakulukile. ¹³ Tulalabila pali fifi fintu mu mashiwi talipo kusambilishiwa ku milangwe sha bantu lomba ku mupashi, ukuli kulondolola mipashi sha fintu ku mipashi sha bantu ¹⁴ Umuntu tali na mupashi tapokelelapo ifintu ifyo fili fya ku mupashi waba Lesa, pakuchi bali puneme kulibo. Tekuchi afumfwe ne pakuchi filipiminwe ku mupashi. ¹⁵ Uyo umo uli mumupashi ala pingula fyonse fintu, lomba ye taba mupingula kuli bambi yowo. '' ¹⁶ Pakuchi nani engeshiba amano aba shikulu, ukwebati enga ba kambisha bo ? '' Lomba tuli ne milangwe sha ba Kilishitu.