¹ अइ के कारण हम मानी छी कि मशिहमे उत्साह हम मानी छी कि वहा संगति हई । हम मानी उनका प्रेम से आशा मिलि हई । हम मानी छी कि वहा स्नेह करुणा और सहानुभुती हई । ² आहा सब एकेगो मन होके, एकेगो प्रेम धारण कके आत्मामे एक होके और एकेगो उदेश्‍य राख के हमरा आन्नद के पुरा कर । ³ स्वार्थ और खाली अहकार मे कुछो न कर बरु नम्रतामे अपना से बेसि दोसराके बडका ठानु । ⁴ अपना जरुरतमे खाली ध्यान नदिउ लेकिन दोसर सबके जरुरत कथि हई ओइमे भि ध्यान लगाऊ । ⁵ ओइ बात मे विचार कर जे मशिह येशू मे भि रहलछी । ⁶ ऊ परमेश्‍वरके स्वरुप मे रहित रहलई लेकिन फिर भि परमेश्‍वरके साथ अपना बराबरी मे पकरके राखेके न चाहलई । ⁷ बरु ऊ अपने आपके त्यागदेलई और दास के रुप धारणा कके मनुष्य बनगेलई और मनुष्यके स्वरुपमे रहलई । ⁸ ऊ अपने आप के नम्र बनगेलई और मृत्यु मतलव कुशके मृत्यु तक आज्ञाकारी रहलई। ⁹ ओइके कारण परमेश्‍वर उनका सब से उच्च बनलई और उनका उ नाम देलई जोन सबसे उच्च हई । ¹⁰ ऊ अइसन करलई ताकि येशू के नाम मे हरेक घुडा टेकतई स्वर्ग पृथ्वी और पृथ्वी के निचा भेल सब ¹¹ और ऊ यी करलई ताकी परमेश्‍वर पिता के महिमा के लागी हरेक जिब्रो येशू मशिह ही प्रभु हई कहके स्वीकार करे । ¹² अइके लागी हमर प्रिय साथी सब जेना अहा सब हरदम आज्ञा पालन करित आइल छी। ओहिना आब हमर उपस्थिति से बेसी हमर अनुपस्थिति मे पालन पालन करीत रहु जे परमेश्‍वरसे पाएल अपन उद्धार से उत्पन होए । ¹³ कइला कि परमेश्‍वरके प्रशंसा के लागी आहासब दुनु इच्छा और काम लगाबेके लागी तोहनी मे काम करेबाला परमेश्‍वर ही हई । ¹⁴ आहा सब जे कुछ करम से बिना कुडबुडाए (मारपिट) आ बिना विवाद मे परके करु । ¹⁵ जेई से आहा सब निर्दोष आ निष्कपट हई आ परमेश्‍वरके बेटाबेटी हो सके । अइसन तरिकासे व्यवहार करु ताकि आहासब चलाक और अलग कइलगेल पुस्ता के बिच अई संसारमे इजोत के जैसे चमके सके । ¹⁶ जिवनके वचनके जोर से पकरु ताकि ख्रिष्‍टके दिनमे हमरा महिमा देबेके कारण बन सके । कइला कि ओई दिनमे व्यर्थमे हम न दौरबई और हमर मेहनत व्यर्थ न गेलई कहके हम जनबई । ¹⁷ तोहनी सबके विश्‍वास के त्याग और सेवामे हम बलिदानके रुपमे अर्पित होए तौभी हम आन्नद मनबई । और हम आहा सब के साथ आन्नदित हइबइ । ¹⁸ ओइसने तरिका से आहा सब भि आन्नदित होऊ । और हमरा साथ आन्नदित होऊ । ¹⁹ लेकिन तिमोथी के तोहनी जल्दी पठाबेके लागी हम प्रभु येशू मे आशा राखी छी । ताकि ओकनी से तोहनी सबके विषयमे जानके प्रोत्साहित हो सकि । ²⁰ कइला कि ओकनी के जैसे मन भेल और ओकनी जैसे तोहनी सबके लागी साचो रुप मे असुक होइबला हमरा साथ ओरो दोसर कोई न हई । ²¹ कइला कि ऊ सब येशू मशिह के बात जादा अपना इच्छा के खोजी करीछइ । ²² लेकिन आहा सबके ओकर योग्यता थाहै हाई कइला कि जेना बच्चा अपना बाबुके सेवा करीछई ओइसने सु-समाचारमे हमरा ऊ सेवा कइले हई । ²³ अइके कारण हमरा लागी कथि होतइ कहके थाहा पाएके साथ जते जल्दी हो सके हम तिमोथीके तोहनी कहा पठाबे के आशा करी छी । ²⁴ लेकिन हम अपने तोहनी सब के बिच मे जल्दी हि अबई प्रभुमे निर्धकक छी । ²⁵ लेकिन हमरा ई आवश्‍यक बुझाइत छई जे हम अपन भाइ इपाफ्रोडिटसके आहा लग वापस पठाना जरुरी हई, ऊ हमरा भाइ सहकर्मी और सङगी सिपाही और तोहनी सबके सन्देशपाक आ हमरा जरुरत के लागी सेवा हई । ²⁶ कइला कि ऊ भेल बात आहा सब के मालुम भेला से ऊ बहुत चिन्तित भेल रहलई । और आहा सबके साथ होएके लागी ऊ तृष्णा कइले रहलई । ²⁷ कइला कि ऊ सचमे अतेक बिमार रहल कि ऊ मरे से बचलई, लेकिन परमेश्‍वर ओकरा उपर दया करलई और उनके मात्र न होके दुःख के उपर दुःख न होए कहके हमरो उपर दया देख्लई । ²⁸ अइके कारण आउरो बहुत उत्सुकके साथ हम ओकनी के पठबई छी ताकि जब आहा सब ओकनी के फेर देखबे, तब आहा सब आन्नदित हो सके और हम चिन्तासे मुक्‍त होबई । ²⁹ ओइसे पुरा आन्नदके साथ प्रभु इपाफ्रोडिटसके स्वागत करु ओकनी जैसे आदमी के आदर करु । ³⁰ कइला कि ख्रिष्‍टके कामके लागी ओकनी मरे से बचलई हमरा सेवा देबेके लागी और आहा सब हमरा सेवा न सकेबाला काम पुरा करेकेलागी अपन जिवन दाउ पर लागादेलई ।