¹ Kubatendahali imwi inako Jesu haba kulapela muchibaka chimwi, mulutwana yenke chawamba kwali,'' Simwine, tulute kulapela sina Johani mwaba lutili balutwani bakwe kulapela.'' ² Jesu chati kubali, ''Hamulapela muwambe, 'Tayo, izina lyako lijolozwe. Mubuso wako ukeze. ³ Utuhe chinkwa chetu mwi izuba ne zuba. ⁴ Utu ondere zibi zetu, sina mutu ondera muntu ni muntu yowina mulandu kwetu. Sanzi ututwali mumuliko.'' ⁵ Jesu chawamba kubali, ''Njeni kwenu yowina mulikani,mi uyenda kwali hakati kamasiku, nokumuwambila, 'Mulikani, nikolotise zinkwa zotatwe',6 ⁶ chinga sikira mulikanangu kukazwa munzira, mi kanina chimwi cho kumuyumbula, ⁷ Yavena mukanti chamucho kuti, 'kanji uni katazi. Mulyango we yaliwa kale, mi bana bangu, bena neme, bena habulalo. Kani oli kubuka ni kukuha nchinkwa.' ⁸ Nikuwambila, nihasabuki kuti akuhe nchinkwa, kakuli umulikani wakwe . Ibaka lyako lyo kundundamena kwako nosa swabi, mwabuke no kukuha zikwa zingi zosaka. ⁹ Ime name nikuwambila, kumbile, mi mowane; ngane, mi mowane; ngongote,mi mowi yalwilwe. ¹⁰ Muntu yense yokumbila uhewa; mi muntu yongana uwana; mi kumuntu yo ngongota, mweyalwilwe. ¹¹ Mushemi inzi wechi kwame hakati kenu, haiba mwanakwe wechi swesu hamu kumbila inswi, momuhe izoka kapa inswi? ¹² Kapa hakumbila iye, kana momuhe kabumwe? ¹³ Nihakubabulyo, haiba inwe mwina buvi mwizi kuha impo zilotu kubana benu, linu Ishenu yowina kwiulu, kahe zikuma kuhi ku bamukumbila luhuho lujolola?'' ¹⁴ Imwi inako, Jesu aba kuhindikira hanze indimona, mi ibali satambi. Chikupangahala kuti indimona halizwa, mukwame abali satambi chatanga kuwamba. Chisi chicha komokwa! ¹⁵ Linu bamwi bantu chibawamba, Cheziho za Beelzebule, simwine wa madimona, uzwesa madimona. ¹⁶ Bamwi chibamulika kuti aba tondeze chisupo chizwa kwiulu. ¹⁷ Linu Jesu kokwiziba mihupulo yabo,chabawambila kuti, ''Mubuso ni mubuso ose olikauhanya ushala niu kauhene, Mi inzubo ili kauhanya iyo ine kaiwe. ¹⁸ Haiba Satani uli kauhanya iye mwine, mubuso wakwe uzimana bule? Inwe muwamba kuti ime ni zwisa ihuho ca Beelzebule. ¹⁹ Haiba nini zwisa mandimona ca Beelzebule, chwale balutwani benu ba zwisa chani hanze? Bakeñi chezi, mubabe baatuli benu. ²⁰ Kono haiba nizwesa mandimona chomunwe we Ireza, linu muvuso we Ireza chiweza kwenu. ²¹ Linu mukwame yokolete yokwete zilwiso namamela izubo yakwe, zibya zakwe zina mwipabalelo ina hande, ²² Linu mukwame yokolete hamukoma, mukwame yokolete uhinda zilwaniso zakwe, mi uzenenga chifumu chakwe. ²³ Yase yasena name unisandukile, yasakunganyi name uhasanya. ²⁴ Luhuho lubi haluzwa kumutu, lu yenda muchibaka chisena menzi ni kungana chibaka cho kupumwira. Halubula, luli wambila, 'Munibole kwizubo kunakazwa.' ²⁵ Halubola, lukawana kuti izubo ifiyelwe ni kubikwa hande. ²⁶ Mi lubola ni kukahinda amwi madimona akwana iyaza nio bele alihita kulunya mi onse enjila nikuhala mwateni. Linu bwikalo bwama manimani bozo muntu mubube bubilala nikuhita bwe ntanzi.'' ²⁷ Kubapangahali vuti, habakuwamba inzi zintu, mwanakazi zumwi aba huwelezi kuhita mazwe a chisi, ni kuwamba kwali, ''Lina itohonolo ibumo liba ku hwizumuki ni beere libakunyonsi.'' ²⁸ Linu iye chati, ''Chobulyo, bena itohonolo njabana bazuwa linzwi lya Ireza nikulili vikira.'' ²⁹ Linu chisi hachibali kukopana nanga bantu bangi, chotanga kuwamba, ''Uwu murahi - murahi mubilala.Usaka chisupo, kono kakwina chisupo chite chihewe kuwuli konji chisupo cha Jonasi. ³⁰ Sina mwababiri Jonasi chisupo kuvene Nenive, Linu ku Mwana wa Muntu mwabe chisupo kounu murahi. ³¹ Simwine wa mwanakazi welu hati lwa chilyo mwazimane hekatulo ni mukwame wowuni murahi niku banyansa, linu aba kazwi kuma mani - mani a nkanda kwiza kuzuwa maano a Solomoni, mi mubone zumwi kuhita Solomoni kwena hanu. ³² Mukwame wa Nenibe kazimane he nkatulo nowu murahi wa batu ni kuunyaza, Linu baba baki henkutazo ya Jonasi, mi mubone, zumwi mukando kwa Jonasi zunu hanu. ³³ Kakwina zumwi, hamana kumunik i lambi, nokulibika mukerima, kamba mwikonde lye chitanda, kono hama biko a lambi iri kuti benjila bawane iseri. ³⁴ Menso ako nji lambi yomubili. Haiba menso ako ena hande, mubili ose wizwire iseli. Kono haiba linso lyako ivi, mubili wako wiizwere kerima. ³⁵ Nihakwinabulyo, mutokomere kuti iseli lina kwenu kena kerima. ³⁶ Nihakwinabulyo, mubili wako ose wina iseli, nikusena i mbali yomubili wako mu kerima, Linu mubili wako onse muuswane ubu i lambi haibenya choku njoloza kwako.'' ³⁷ Hamana kuwamba, Mufalisi chomukumbira kuti bakalye naye kwizubo yakwe, mi Jesu choyenda chokekala ha zilyo. ³⁸ Mufarisi chokomokwa kuti kena aba tangi kusambi naseni kulalila. ³⁹ Kono Simwine chali kwali, '' hanu chwale, inwe Mafarisi muchenise inkomoki ni tusuba hanze, kono mukati kenu mwina feela belyavi, nibubilala. ⁴⁰ Inwe bantu musena ingana! Kena kuti yaba pangi hanze njiyena hape yopanga mukati? ⁴¹ Muhe ku babotana zina mukati, mi zintu zonse njisezi chene kwenu. ⁴² Kono bumayi kwenu inwe Mafarisi, kakuli muzwisa chintu chonke kuze kumi, minta ni kumini mwiwa lyezi byalantu, kono kamu bileli niswanero ni lato lya Ireza. Kwina hande kupanga nceswanero ni kusaka Ireza, nikusa kangwa kupanga zimwi zintu nazo. ⁴³ Bumaiye kwenu inwe mafarisi, kakuli musaka zipula zokubusu mu masinagoge ni kulu meriswa chekute kuzibaka zemusika. ⁴⁴ Bumaye kwenu, kakuli muswana sina makumbu asena maswayo, bantu baalyata niba sezi.'' ⁴⁵ Mi muruti zumwi omu lao wama juda chamwitaba nokuwamba kuti, ''Muruti, zowamba zitu tuka neswe.'' ⁴⁶ Jesu chawamba,'' Bumaye kwenu, baruti bomulao! Linu mulemeza batu ni miziyo ibasa oli kuhinda, kono inwe mani kamukwati iyo miziyo ni kanwe kenu konke. ⁴⁷ Bumaye kwenu, kakuli muzakila ba polofita' makumbu, akubazezela ho, mi bazimu benu ba babehayi. ⁴⁸ Mi mwipaki hape niku zumina misebizi yaba ziimu benu, kakuli cheniti luli babe hayi Baporofita, avo makumbu abo akuba zezela ho. ⁴⁹ Cheri ibaka nalyo, butali bwe Ireza vuva cho, 'Muni tumine kubali bapolofita ni ba apositola, mi mubaba nyandise ni kwihaya bamwi. ⁵⁰ Uwu murazi, chwale, kababe nikulitabilira, kuamana ni malaha aba polofita avava tiri chinga libatangi ifasi. ⁵¹ kuzwa kumalaha a Abele kuya kumalaha a Zakaria, yabe hailwa hakati ka katala ni chihalaleho. Eni, niwamba kwenu, Owu murahi kaulitabilile. ⁵² Bumayi kwenu maruti bo mulao wa Majuda, kakuti chimubahindi inkii yenzibo; inwe mubene kamwinjili mwateni, mi mukanisa abo basaka kwinjila. ⁵³ Jesu hachazwele kwateni, bañoli ni Mafarisi chiba mukananisa ni kumu lwanisa kuamana zintu zingi, ⁵⁴ Kulika kumuchesa mumanzwi akwe.