^{1 2 3} Lyinu chintunzi a ka tu cho kuti Aburahama, isukulwetu kuya chechinyama, wanine? Mukuti haiva Aburahama a va shiysmiswa che misevezi, naa vavi ne ivaka lye ku lyinyemuna, mi insini havusu vwe Ireza. Mukuti itimana i tinzi? '' Aburahama a va zumini Ireza, mane ne kwa valyirwa iye siina kushiyama.'' ^{4 5} Lyinu kwaalyi yo tenda, kuhumbulyerwa ka ku valwa niiri isehuhazo, mi niiri icho chikorweetwa. Mi kwaalyi ya sa tendi mi kwande o kuzumina mwaalyi iye yo shiyamisa vaseena Ireza, itumero yaakwe i vaalwa niiri kushiyama. ^{6 7 8} Dafite naye u wamba mashiho ha muntu Ireza wa valyira kushiyamiswa kunze lye misevezi.A vati, '' Mikonde kwavo va wonderwa vuvilaala vwavo, ne avo va hungwirwa zivi zaaavo. Mikonde ku muntu Ireza yeti na vulye ku vala chivi.'' ^{9 10} Lyini uwu mikonde i wambwa vulyo havo ve kufundwa ikavi kwaavo, nandi naako havo va kusafundwa ikavi? Mukuti tu cho, '' Itumero iva valyirwa kwa Aburahama niiri kushiyama.'' Lyinu i va valwa vulye? Aburahama ha vena mu kufundwa ikavi, nandi mu kusafundwa ikavi? Ka hena ivalyi mu kufundwa ikavi, mi mu kusafundwa ikavi. ^{11 12} Aburahama a va tambulyi chishupo che kufundwa ikavi. Ichi i valyi chiyazo che kushayma kwe itumero ya vena nayo cho siina mu kusafundwa ikavi. Chihantu che chi chishupo ivalyi kuti a vavi ishavo vonse avo va zumina, nangati vena mu kusafundwa ikavi. Ichi chi talusa kuti kushiyama ka ku va valyirwa. Ichi naako chi va talusa kuti Aburahama a vavi sha kufundwa ikavi wavo va sazwi vulyo ku kufundwa ikavi, mi naako kwavo va tonda mu matende e isheetu Aburahama. Mani ichi e valyi itumero ya veena nayo mu kusafundwa ikavi. ^{13 14 15} Mukuti ka hena ivalyi cho mulawo kuti isuluhezo i va hewa Aburahama ne ku vana-va-na, iyi isuluhezo kuti vavi valya inkaanda vuswa. Kunzelyovulyo, i vaalyi che kushiyama kwe itumero. Mukuti haiva avo valyi vo mulawo valya vuswa, itumero i pangiwa vula chintu, ne isuluhezo i nyansizwa. Mukuti mulawo u lyeeta vukalyi, mi ha sena mulawo, ka kwina nihaili kusateka. ^{16 17} che ilyi ivaka ichi chipangahala che itumero, vulyo kuti kuve che inse. Cheivaka lyo vulyo, isuluhezo i tamalyerere vana-va-vana vonse. Mane ava vana-va-vana keeti ni ve njirike avo vulyo veezi mulawo, mi naavo vazwa kwi itumero ya Aburahama. Mukuti nje ishetu tu vonse, siina mu ku ngolyetwa, '' Ni va ku chiti sha makaanda mangi. '' Aburahama a veena mukuvaho kwaalyi iye ya va sepi, ni ilyi, Ireza, ya ha vuhalo ku vafu ne ku sumpa zintu zi sa hena mu kuvaho. ^{18 19} kunze lye zizimo zo kunze zonse, Aburahama i va koza ku sepa Ireza che zikeza. Lyinu a vavi sha makaanda mangi, kuya che chi va wambiwa, '' Vovolyo vana-va-vana vako mweeti ni vave. '' Ka hena a vena hansi mwi itumero. Aburahama i va zuwiseza kuti muviri waakwe ka hena u valyi ku woola kuva ne vaana(ivaka a va yendere zirimo ziina hundred). I va taambulyi naako kuti ipopelo ya Sara ka hena i valyi ku wola ku zala vana. ^{20 21 22} Mi cheivaka lye isepiso ye Ireza, Aburahama ka hena ava woshawosha mu kusazumina. Kwandevulyo, ava kozwa mwi itumero na ha Ireza kuvokwa. A va zumini kumanine kuti Ireza chava sepisa, a valyi kuwola ku chichitahaza. Lyinu ichi nacho a vachi valyirwa niiri kushiyama. ^{23 24 25} Lyinu ka hena ku va ngolyerwa kuvolyera iye, kuti ku va valyirwa iye. Ku va ngolyerwa iswe naswe, veti ni ku valyerwa, iswe tu zumina mwalyi iye ava vusa Jeso Simwine wetu mwa avo vafwire. Uzu injiyena a va lyeterwa vuvilala vweetu mane na vusikwizwa kushiyamiswa kweetu.