^{1 2} Luhuho lumwi ne lumwi ka lu teekesa valawulyi vena hehulu, mukuti ka kwina kulawula kunze ne kuzwa kwe Ireza. Ne valawulyi venaho va va salwa ne Ireza. Lyinu iye uzo yo kana kulawula uko u kananisa mulawo we Ireza; ne navo va u kananisa ka va taambulye iwatulo ha avo. ^{3 4 5} Mukuti va vusi ka hena vuvilaala ku misevezi e shiyeme. A mu yereza kusatiya vavusi? Mu chite chi shiyeme, mme ka mu ve ne kutembwa ku valyi. Mukuti muhikana we Ireza kwe enu we kushiyama. Mi haiva ne mu chita chilyi chivilaala, mu tiye; mukuti kafulo kaa ka kwetere mahala.Mukuti muhikana we Ireza, muvusulusi we vukalyi ha akwe yo chita vuvilaala. Lyinu mu lukeere ku zuwa, insini vulyo cheivaka lye vukalyi, mi naako cheivaka lye chiziyululyi. ^{6 7} Cheivaka lye ichi mu ruwera mutero naawo. Mukuti vavusi vahikana ve Ireza, yo zwirire na chitira ichi chintu. Mu ruwere umwi ne umwi che va korwetwa;mutero kwalyi yo swanerwa mutero; ituwero kwaalyi ituwero e mu swaneere; lyowa kwaalyi lyowa lyi mu swaneere; kukutekwa kwaalyi kukutekwa ku mu swaneere. ^{8 9 10} Sa nzi mu koroti ini chimwi, kunze ku lyisuna.Mukuti iye yo suna umwi u chitaheza mulawo. Mukuti, '' Keeti ne mu kopaneere inguvo kunze lyeseso, keeti ne mwi ihaye, keeti ne mwive, keeti ne mu lakaza, '' ne haiva ne kwina mulawo umwi naako, u vwihezwa mwaa manzwi: ''Ka mu sune vamwi venu siina mu mulyitata.'' Chishemo ka chi horofaza vambene naavo.lyinu, chishemo ku chitahaza kwe mulawo. ^{11 12} Cheivaka lye ichi, mwi izi inako, kuti inako ye kuvuka kwe ingonzi chiya sika kwenu. Mukuti hanu kuvulukwa kweetu che kwena hafwihi kuzamba ha tu zumina lwe intanzi. Masiku cha vachuti, ne lusuku chi lwa sika hafwihi. Lyinu ka tu tulyire hembalyi misevezi ya kerima, mane tu zwate chizwato che iseri. ^{13 14} Ka tu yende nenza, siina mwi izuva, insini mu mikiti ye inkaanda nandi vudakwa. Mane sa nzi tu yendi mwi vuvilaala vo kulyilaala nandi mu kulakaza kusalawulwa, mane insini mu kuhondanisa nandi muna. Mi mu zwate Simwine Jeeso Kirisiti, mane sa nzi muhi inyama chivaka, kulakza kwaayo.