10 ¹ Nokuti Mutemo ibvute bhasi rezviro zvamangwana, zvisiripi mushobho wazvo wazviri. Iona aizokwanisi kuita anhu akanaka anokwedhera kuna Mwari, ngekudha kwe zvipiriso zvimwezvo zvino puwa no mapirisita gore nogore. ² Kunze kwazvo zvipiriso zvia zvangazvisikadhi kusiiwa? Ngondawa yazvo, kudhai zvakatcheneswa kamwe nekwese, anoita zvekunamata anga asikadhi kugara no pfungua dzoushaishi. ³ Asi nezvibhairo zvia, kuno tchiedzuriro tchimwe tche zvishaishi zve gore nogore. ⁴ Nokuti azviti kuti ngazi ye mbudzi uye yomwombe ibvise zvakashata. ⁵ Ndosaka, Kirisitu paaka pinda munyika, wakati: Amuzi kudha zvibhairo uye nezvipo, asi umwe mwiri wamagatsirira Inini. ⁶ Amuna kunakirwa notchipo uye nezvibhairo zve ushaishi. ⁷ Hino inini ndati: "Onai ndiri pano, imwi Mwari, kuti ndite kudha kwenyu, sezvakatarwa mumabuku pamusoro pangu". ⁸ Tchokutanga Yena wakati: " Iwewe auzi kudha zvibhairo, nezvipo, uye netchinobhairwa netchibhairo tcheushaishi, autozi kunakirwa nazvo". Izvi ndizvo zvibhairo zvakphiwa zvei endererana nemutemo. ⁹ Hino Yena wakati: "Onai ndiripano kuti ndite kudha Kwenyu". Yena unobhudhisa tchaitwa tchokutanga kuti akande tchetchipiri. ¹⁰ Uye notchidho itchi, tino sotchenesua ngekudha kwetchipo tchemwiri wa Djesu Kirisitu ngokamwe nekwese. ¹¹ Nedhirimwe, mupirisita wese unondoenderera, zuwa nezuwa, etchiparidza, nguwa yese etchipa zvibhairo zvinyezvo,zveizikanua kuti azvizobhudhisi zvitadzo. ¹² Nedhirimweni, Kirisitu wakapa tchibhairo tchimwe ngezvitadzo patchose, uye wakagara kudhikwaro ra Mwari. ¹³ Uye zvino urikuimira dzamara awengi Ake ese akandue pasi petsoka Dzake. ¹⁴ Patchokwadhi, ngotchipo tchimwe tchega, Yena wakanakisa, nokusingaperi, aya arikutchenesua. ¹⁵ Uye uyu Mweya Mutswene unotipa tchapupu, apedza kuti: ¹⁶ Ndio sungano yanditchaitanao mazua ao akapera", ndi Ishe areketa. "Nditchakanda mutemo Dzango mumwoyo dzao, uye nditchadzitara munhangariro yao. ¹⁷ Anditcha edzuririzve zvishaishe zvao nezviwi zvao". ¹⁸ uye kana kuregererwa kurio ngoizvi, akutchadhikwani tchibhairo tchisina bhasa ngetchitadzo. ¹⁹ Saka, hama, tino tchithembo kuti tipinde mumbuto Tswene tswene ngengazi ya Djesu. ²⁰ Iri ndiro itswa uye ripenyu guanza rakati fungurira Yena ngedjira, izvo ndizvi, nge nyama Yake. ²¹ Uye, nokuti tino Mupirisita Mukuru pamusoro ponyumba ya Mwari, ²² ngatikwedhererane no mwoyo yotchokwadhi, mukutenda makakwana, nomwoio dzenhu dzakatcheneswa kubva mupfungua dzakashata uye mwiri dzedhu dzakasukwa nombvura yakatchena. ²³ Uye futi ngati nyase kuiga kupupura kwe tariro redhu, tisika shaishe, gnokuti Mwari, wakatipikira, wakatendeka. ²⁴ Ngati onane umwe ne amweni kuti tisimbisane murudho uye mumabhasa akanaka. ²⁵ Ngatisasie kusongana muthemberi, sezvirikuita amweni. Kunze kwazvo, ngatishingirisane amwe ne amweni kana mazua aripaduze. ²⁶ Ngokuti kana isusu tikashaisha teizvizia tapedza kutambira ruziho retchokwadhi, ukutchinazve tchibhairo tchimweni tcheushaishi. ²⁷ Kunze kwazvo, kune bhasi rimwe tariro rikuro rokutongua uye umwe muriro usikadzimi utchapedza wawengi aMwari. ²⁸ Munhu wese anoramba mutemo yaMosesi, pamberi pe apupuri airi kana kuti atatu, unofa pasina tsitsi. ²⁹ Tingazomu panitcha kudhini uya ananga atsika Mwana waMwari, uya waona ngazi yesungano hingana yakaswipa, ngazi yokuti ndio yakamu tchenesa, uye watuka Mweya wenyasha? ³⁰ Isusu tinomuzia Uya wakati: "kuviringidza ngeKwangu". Uyezve: "Ishe atchatonga anhu ake." ³¹ Itchiro tchinothiksa kumbuera munyara ya Mwari mupenyu! ³² Asi edzurirai mazua akapinda, amakatungua, sezvamaka shingirira kurwa kukuro mudhambudziko, makakandua pamhene, metchitukwa nokushorwa ³³ meitererwa, uye makaita anhu aripo neaya akambo tambudzuao kudhai. ³⁴ Nokuti, makawa ne tsitsi neaya anga akasungua, uye makatora nomupfaro zviro zvenyu, meizia kuti muno pfuma umweni uhuru isingaperi. ³⁵ Saka, musa sie kunza kuthemba kwenyu, yokuti muno mubhairo mukuru. ³⁶ Nokuti munodha kudzikama kukuru kuti, mukapedza kuita kudha Kwake, muzo ona kutambira zvamakapikirwa na Mwari. " ³⁷ Nokuti, mungua ishoma,Uya arikuya utchauya uye anonoki. ³⁸ Wakarurama wangu utchararama ngokutenda. kana yena aka whirira sure, andipfari nae." ³⁹ Asi isusu atiripi aya anowhirira sure, kuti aputswe, asi aya anotenda kuti titchengete mweia dzedhu.