¹ Wonai mukhaindi werudho watapuwa na Bhabha, kuti tinaidzwe ana aMwari. Ngondaya yazvo, nyika aitizii, ngokuti aizi kuWaziya. ² Adhikwani, zvino tiri ana aMwari, asi azvisati zvapangidzwa zvatitchaita. Zvakadharo tinoziwa kuti, Kirirsitu akauya, isusu tichaita saYena, ngokuti titchamuona seZvaari. ³ Uye wese uya anokutenda kakadharo munYena ngadzitchenese sa Iye akatTchena. ⁴ Wese uya anoita tchitadzo arikuputsa Mutemo, nokuti tchitadzo ndiko txora Mutemo. ⁵ Uyezve munozviya kuti Kirisitu wakabhudha patchena notchinangwa tchokubhudhisa zvitadzo. Uye maari amuna tchitadzo. ⁶ Akuna anoramba arimaari anogara etchishaisha; wese anoramba etchishaisha azi kumuOna uye azi kumuZiya. ⁷ Adhikwani ana, musasiye kuti munhu akutsausei. Uya anoita zvekururama wakarurama, seKirisitu wakarurama. ⁸ Uya anoita tchitadzo ngwa dhiabhu, ngokuti dhiabhu arikutadza kubva pakutanga Ngondaya yazvo, Mwana waMwari wakapangidzwa, kuitira kuti Yena aputse mabhasa a sathani. ⁹ Uya akabharwa na Mwari aaiti zvishaishi, ngokuti mbeu yaMwari Uye yena aaite kuramba etchitadza, ngokuti yena wakabharwa na Mwari. ¹⁰ Naizvona izvi ana aMwari uye ne ana asathani anopangidzwa. uya asikaite zvekururama aasi waMwari, uyezve neuya asikadhi hamayake. ¹¹ Ngokuti iri ndiro soko ramurukuzwa kubva pakutanga: kuti tinodhikana kudhana amwe no amweni, ¹² ngatisaite sa Caimi, anga ari wasathani uye wakauraya hama yake. uye wakamuuraya ngei? Ngokuti mabhasa ake anga akashata, uye mabhasa a hama yake anga akanaka. ¹³ Musashamisike, hama dzangu, kana nyika yetchikuzondai. ¹⁴ Isusu tinozviziya kuti tabhudha mukufa kuya muupenyu, nokuti tinodha hama dzedhu. Uya asina rudho atchiri mukufa. ¹⁵ Uya asina rudhu nohamayake ndi munhu unouraya, uye muziya kuti akuna munhu anouraya anouupenyu usingaperi maari. ¹⁶ Naizvi tinoziya rudho, ngokuti Kirisitu wakapa upenyu Wake ngokutidha. Isusuwo tinodhikana kupa upenyu wedhu ngokudha hama dzedhu. ¹⁷ asi kana munhu arinezviro zvake uye, wona hama yake irinedhambudziko, kakufunga mwoyo wake kunayena, rinozogarasei maari rudho raMwari? ¹⁸ Adhiwa angu ana, ngatisadhe bhasi nomuromo uye nokureketa, asi nozviito uye notchokwadhi. ¹⁹ Ngondaya yazvo tinozviziya kuti tiri wetchokwadhi uye tinobhata mwoyo dzedhu pamberi paMwari. ²⁰ Ngokuti, kana mwoyo dzedhu dzetchititonga, Mwari mukuro kupinda mwoyo dzedhu uye anoziya zviro zvese. ²¹ Adhikwani, kana mwoyo dzedhu dzisikatitongi, tinokuthemba pamneri paMwari. ²² Uye zvese zvatinomukumbira tinopuwa Naye, ngokuti tinotchengeta murairo Dzake uye tinoita zvinoMudhakadza. ²³ Uye uyu ndiwo murairo Wake: kuti ti tende muzina raMwana Wake, Djeso Kirisitu, uye tidhane amwe ne amweni, sezvakatituma Yena. ²⁴ Uya anotchengeta murairo anoramba ari muna Mwari, uye Mwari anoramba ari maari. Uye, ngondaya yazvo, tinozviziya kuti Yena anoramba arimatiri, nge Mweya wakaatipa Yena.