¹ Ichi ndicho chiyambi cha mazyo yaweme ya Yesu Kristu, Mwana wa Chiuta. ² Umu vikalembekela mu Yesaya Nchimi, "bekani, nkhutuma mtumiki wane pamaso pinu, uyo wakunoyeleni nthowa. ³ Mazyo ya uyo wochema mumayiyi, 'Nozyani nthowa ya mtasyi; Pangani nthowa zikhale zonyoloka.'" ⁴ Yohane wakiza, kubabatiza mumayiyi na kuphalazya chibabatizo cha kulapa pa chigowokelo cha kwananga. ⁵ Chalo chose cha Yudeya ndiposo banthu bose ba Yelusalemu bakaluta kwa iye. Bakabatizika na iye mu dambo ya Yolodani, kulapa kwananga kwao. ⁶ Yohane wakavwala chikumba cha ngamila na bande ya chikumba mchiuno, ndipo wakalya zombe na uchi wamthengele. ⁷ Wakaphalazya, "yumoza uyo okwiza pamanyuma pane ngwankhongono kuphara ine; nthambo za vilato vyake ndili wakuyenelela yayi kukonthama na kusutura. ⁸ Ine nkhumbatizani namaji, kwene iye wazakumbatizani na Mzimu Mutuba. ⁹ Vikachitika mumasiku bala kuti Yesu wakiza kufuma ku Nazaleti mu Galileya, ndipo wakabatizika na Yohane mdambo ya Yolodani. ¹⁰ Apo Yesu wakafuma mumaji, wakaona kuchanya kukajulika ndipo Mzimu ukakhira kwa iye ngati ni nkhunda. ¹¹ Mazyo yakafuma kuchanya, "ndiwe mwana wane wotemweka. Nili okondwela nawe." ¹² Ndipo Mzimu ukamtola nakuluta naye ku mayiyi. ¹³ Wakakhala mumayiyi masiku makhumi yanai, kuyezyeka na Satana. Wakaba nanyama zamthengele, ndipo angelo bakamsamalira. ¹⁴ Sono kufuma apo Yohane wakamangika, Yesu wakiza mu Galileya na kuphalazya mazyo yaweme ya Chiuta. ¹⁵ Wakati, "nyengo yakwanilisyika, ndipo ufumu wa Chiuta uli pafupi. Lapani ndipo mugomezye mumazyo." ¹⁶ Apo wakendanga mphepete mwanyanja ya Galileya, wakaona Simioni na mnung'una wake Andileya akutaya chilepa pa nyanja, apo bakaba balovi basomba. ¹⁷ Yesu wakati kwa iwo, "zani, londezyani ine nimpangeni balovi ba banthu." ¹⁸ Ndipo penepapo bakaleka vilepa nakumlondezya. ¹⁹ Apo Yesu wakendanga pataliko, Yakobe mwana wa Zebediya na Yohane mnung'una wake; bakaba mu bwato kunozya vilepa. ²⁰ Wakabachema ndipo bakaleka adada bao a Zebediya mu bwato na banchito bao, ndipo bakamlondezya. ²¹ Ndipo bakiza mu Caperenaum, ndiposo pa sabata, Yesu wakaluta mu Sinagoge na kusambizya. ²² Bakazizwa na visambizyo vyake, apo wakasambizyanga ngati ni munthu wali na mazaza osati nga ni balembi. ²³ Penepapo mwanalume mu Sinagoge uyo wakaba na Mizimu yiheni wakalila mokwezya, ²⁴ wakati, "nivichi tingachita naiwe? Yesu waki Nazaleti? Wazila kunanga ise? Nakumanya. Ndiwe Mutuba yumoza wa Chiuta!" ²⁵ Yesu waka zuzula chibanda ndipo wakati, " khala chete ndipo fuma mwa iye!" ²⁶ Mizimu yiheni yikamuwisya pasi ndipo yikafumamo mwa iye apo yikalilanga mwakukwezya mazyo. ²⁷ Banthu wose bakadabwa, ndipo bakafumbana, " nivichi ivi? Masambizyo yasono na mazaza! Walamulila Mizimu yiheni ndipo yamupulikila! ²⁸ Nkhani pa iye yikawanda mzinda wose wa Galileya. ²⁹ Apo bakafuma mu Sinagoge, bakiza munyumba ya Simioni na Andileya, pamoza na Yakobe na Yohane. ³⁰ sono apongozi ba Simioni bakaba gone bakalwala mphepo, ndipo bakamphalira Yesu za iwo. ³¹ Ndipo wakiza, wakabanyamula na woko, ndipo wakabausya; Mphepo yikamuleka, wakayamba kubapa vakulya. ³² Usiku ula apo zuba yikanjila, bakizanawo kwa iye wose bakalwalanga kapena bakaba na vibanda. ³³ Msumba wose ukaungana pamkhomo. ³⁴ Wakachizya banandi; abo bakalwalanga matenda yopambana-pambana ndiposo wakafunya vibanda vinandi, kwene wakazomelezya yayi kuti vibanda viyowoyenge chifukwa vikamumanya. ³⁵ Wakauka uchechelo, apo kuchali mdima; wakafumapo ndipo wakaluta kumalo kwayekha ndipo kula wakalomba. ³⁶ Simioni na wose awo akabanawo bakampenja-penja. ³⁷ Bakamsanga ndipo bakati kwa iye, "aliyose wa kumpenjani." ³⁸ Wakati, "tiyeni tilute kunyake, kumisumba yinyake, kuti nkhapalazye kula nako. Ndicho chifukwa nilizila kuno." ³⁹ Wakapita mose mu Galileya, kuphalazya mmasinagoge ndipo nakufunya vibanda. ⁴⁰ Munthu wa vyoni wakiza kwa iye. Wakamlombanga; wakagwada ndipo wakati kwa iye, "para mupenja, munganitubisya." ⁴¹ Kuba na chitima, Yesu wakathambasula woko namkola, wakati kwa iye, "nkhupenja, khala wotuba." ⁴² Penepapo vyoni vikamuleka, ndipo wakatubisyika. ⁴³ Yesu wakamchenjezya mwakufikapo ndipo wakamphalira kuti walute. ⁴⁴ Wakati kwa iye, "ungauzyanga munthu mnyake yayi kwene luta, kajilongole kwa mlaliki, ndipo peleka zachitubisyo izo Mose wakalamula, kuti ukhale umboni kwa iwo." ⁴⁵ Kwene wakafuma ndipo wakayamba kuyowoya kuwaluyose. Wakayowoya chomene ndipo Yesu wakatondeka kunjila mumzinda mwamtendele ndipo wakakhala kumalo yobisika. Kwene banthu bakizanga kwa iye kufumira kumalo yose.