¹ Ke tsaya gore gona le kgothalo mo go Keresete. Ke tsaya gore gona le kgomotso go tswa mo leratong la gagwe. Ke tsaya gore gona le kabelano ya Mowa. Ke tsaya gore gona le mautlwelobotlho le bopelotlhomogi. ² Dirang gore boitumelo jwame bo tlale ka go akanya mo go tshwanang, lona le lorato lo lo tshwanang, lo tshwaraganye mo moweng, le na le maikaelelo a a tshwanang. ³ Lo seka lwa dira sepe go tsweng mo go ikgagapeleleng kgotsa go ipelafatsang. Mme le ka boikokobetso lo tsaye ba bangwe ba le botoka gona le lona. ⁴ Mongwe le mongwe wa lona o tshwanetse go tlhokomela e seng fela matlhoki a e leng a gagwe, mme le se eleng matlhoki a ba bangwe. ⁵ Akanyang ka tsela e e kaneng ene e le mo go Jeso Keresete. ⁶ O ne a nna teng mo tshwanong ya Modimo, mme ga a kaya go lekana le Modimo e le sengwe se a ka se tshegetsang. ⁷ Ka jalo, o itatotse boene. One a tsaya maemo a botlhanka. O ne a bonagala mo tshwanong ya motho. ⁸ O ne a ikokobetsa a nna kutlo go ya losong, loso lwa mokgoro. ⁹ Mme ke gone Modimo a mo tsholetsa thata. O ne a mo neela leina le le kwa godimo ga maina otlhe. ¹⁰ O dirile se gore mo leineng la ga Jeso lengole lengwe le lengwe lo tla obama , mangole a botlhe ba ba kwa legodimong le mo lefatsheeng le kafa tlase ga lefatshe. ¹¹ Mme o dirile se gore loleme longwe lo longwe le bolelele fa Jeso Keresete e le Morena, mo kgalalelong ya Modimo Rara. ¹² Jaanong baratwa ke nna, jaaka lo le kutlo nako tsotlhe, e seng fela fa ke le teng mme gole gogolo thata fa ke seyo, direlang poloko ya lona ka poifo le ka tshisimogo. ¹³ Gonne ke Modimo yo o dirang mo go lona lotlhe go eletsa le go berekela boipelo jwa gagwe jo bo molemo. ¹⁴ Dirang dilo tshotlhe lo sa ngongorege kgotsa go ganetsanya. ¹⁵ Itshwareng ka tsela e gore lo nne lo sena molato lo le boammaruri, bana ba Modimo ba ba senang selabe. Itshwareng ka tsela e gore le tle le phatsime jaaka lesedi mo lefatsheng mo gare ga kokomane e e boferefere le tsietso. ¹⁶ Tshwarang ka thata lefoko la botshelo gore ke nne le lobaka la go galalela mo letsatsing la ga Keresete. Gonne jalo ke tla itse gore ga ke a tabogela lefela kgotsa go direla mo lefeleng. ¹⁷ Mme le fa ke tsholotswe jaaka moneelo mo setlhabelong le bodiredi jwa tumelo ya lona, ke a itumela, mme ke itumela le lona lotlhe. ¹⁸ Ka tsela e e tshwanang le lona lo a itumela,mme le itumela le nna. ¹⁹ Mme ke solofela mo go Morena Jeso go romela Timotheo kwa go lona ka bofefo. gore le nna ke kgothadiwe fa ke itse dilo ka ga lona. ²⁰ Gonne ga ke na ope o sele o o nang le mokgwa o o tshwanang le wa gagwe, yo o tshwenyegileng ka lona ka boamaaruri. ²¹ Gonne ba botlhe ba batla dipoelo tse e leng tsa bone, e seng dilo tsa ga Jeso Keresete. ²² Mme lo itse se se mo tshwanetseng, ka gore jaaka ngwana a direla rraagwe, o ne a direla le nna mo mafokong a a molemo. ²³ Ka jalo ke solofela go mo romela ka bofefo jaaka ke bona gore dilo di tla tsamaya le nna. ²⁴ Mme jaana ke na le tshepo mo Moreneng gore le nna ke tla a tla ka bofefo. ²⁵ Mme ke akanya gore botlhokwa go romela Epaforodito gape kwa go lona.Ke mokaulengwe wame, le modiri ka nna le motlhabane ka nna, le morongwa wa lona le motlhanka wa matlhoki otlhe ame. ²⁶ Gonne o ne a tlhokofetse thata, mme o ne a eletsa go nna le lona lotlhe, ka gore lo utlwile gore one a lwala. ²⁷ Gonne e le ruri o ne a lwala mo a neng a le gaufi le go swa. Mme Modimo o ne a mo utlwela botlhoko e seng mo go ene fela,le mo go nna, gore ke seka ka nna le bohutsana morago ga bohutsana. ²⁸ Jaanong go botlhokwa fela thata gore ke mo romele, gore e tle e re fa lo mmona gape lo tle lo itumele mme ke tla gololosega mo go tlhobaeleng. ²⁹ Amogelang Epafarodito mo Moreneng ka boitumelo jo bogolo. Tlotlang batho ba ba tshwanang le ene. ³⁰ Gonne e ne e le ka ga tiro ya ga Keresete gore a tle gaufi le loso. O ne a tsenya botshelo jwa gagwe mo diphatseng go ntirela abo a tlatsa se lo neng lo sa kgone go se ntirela mo bodireding jwa me.