¹ Ke le Jakoba, motlhanka wa Modimo le Morena Jeso Keresete ke dumedisa merafe yotlhe ee lesome le bobedi e e haletseng. ² Bakaulengwe, Itumeleng mo ditekong tsotlhe tse le di ralalang, ³ le itse gore go lekwa ga tumelo ya lona go tsisa boitshoko. ⁴ A boitshoko bo feleletse tiro ya bone, gore letle le gole le nne botlalo, le gore le se tlhaele sepe. ⁵ Mme fa mongwe wa lona a tlhoka botlhale, a a bokope mo Modimong, ene yo o neelang ka pelotshweu e bile a sa galefele botlhe ba ba kopang, mme o tlaa mo neela. ⁶ Mme a a kope mo tumelong, a sa belaele sepe. Le fa ele mang yo o belaelang o tshwana le lekhubu mo lewatleng le le kgaramediwang ke phefo e le kgarakgatsa. ⁷ Gonne motho wa go nna jalo a seka a akanya gore o ka amogela sepe mo Moreneng. ⁸ Motho yoo o tlhaloganyo tse pedi, gaa itekanna mo di tseleng tsa gagwe tsotlhe. ⁹ A mokaulengwe o o humanegileng a ikgantshe ka maemo a gagwe a a ko godimo, ¹⁰ mme monna yo o humileng o ikgantsha ka maemo a gagwe a a ko tlase, ka gore o tlaa feta jaaka sethunya sa naga sele mo tlhageng. ¹¹ Gonne letsatsi le tlhaba ka mogote oo fisang obo o omeletsa tlhaga. Sethunya sewe, le bontle ba sone bo nyelelela. Ka tsela eo, monna wa mohumi o tlaa nyelelela mo gare ga mosepele wa gagwe. ¹² Go sego monna yoo itshokelang dikgwetlho. Gonne morago gago fenya teko, o tlaa amogela korone ya botshelo, ee solofeditsweng bao ba ratang Modimo. ¹³ A ope a seka are fa a raelesegile are, ''Ke raetswe ke Modimo'', ka gore Modimo gaa raelwe ke bosula, le ene ka boene ga a raele ope. ¹⁴ Mme motho mongwe le mongwe o raelwe ke keletso ya gagwe, e e mo gogelang kgakala abo e mo tlakisa. ¹⁵ Jalo morago ga keletso e sena go ima, e tsala boleo. Fa boleo bo sena go gola, bo tsala leso. ¹⁶ Le seka la tsiediwa, bakaulengwe bame ba ba rategang. ¹⁷ Neo nngwe le nngwe ee siameng le neo nngwe le nngwe ee tlhapileng e tswa kwa godimo. Etla ko tlase go tswa ko Rara wa masedi. Mo go ene ga gona go fetoga kana mereti ka lebaka la go dikologa. ¹⁸ Modimo o tlhophile go re tshola ka lefoko la boammaaruri, gore re tle re nne mofuta wa maungo a ntlha wa dilo tsotlhe tse a di dirileng. ¹⁹ Le itse se, bakaulengwe bame baba rategang: a motho mongwe le mongwe a nne bofefo go utlwa, boya go bua, le bonya go galefa. ²⁰ Gonne go galefa ga motho ga go bereke tshiamo ya Modimo. ²¹ Jalo tlogelang makgaphila otlhe a boleo le bontsi jwa maleo. Ko ntle ga boikgogomoso amogela lefoko le le jwadilweng, lele kgonang go boloka mewa ya lona. ²² Nnang babadi ba lefoko e seng ba utlwi fela, le itsietsa . ²³ Gonne fa mongwe ele mo utlwi wa lefoko a sa le dire, o tshwana le monna yoo lebang sefatlhego sa gagwe sa tlholego mo seiponeng. ²⁴ O a itebelela abo a tsamaya, ka bofefo a lebale gore one a ntse jang. ²⁵ Mme motho yoo lebang ka keletlhoko mo molaong oo feletseng wa kgolelesego, abo a tswelele a dira seo, e se moutlwi fela yoo lebalang, motho yo o tlaa segofala mo ditirong tsa gagwe. ²⁶ Fa mongwe a akanya gore ke modumedi, mme a sa laole leleme la gagwe, o tsietsa pelo ya gagwe, le bodumedi jwa gagwe ga bona mosola. ²⁷ Tumelo ee phepa e bile e sena selabe fa pele ga Modimo wa rona le Rara ke se: go thusa masiela le batlholagadi baba mo kutlobotlhokong, go nna go sena selabe go tswa mo lefatsheng.