¹ Mogolwane, go Gaiase yo e leng moratiwa, yo ke mo ratang ka boammaaruri. ² Moratiwa, ke rapela gore o atlege mo dilong tsotlhe, ebe o atlega mo botsogong fela jaaka mowa wa gago o atlega. ³ Ka gore ke ne ka itumela fela thata fa bakaulengwe ba tla go mpakela ka boammaaruri jwa gago, fela jaaka o tsamaya mo boamaaruring. ⁴ Ga ke na boitumelo jo bo fetang jo, go utlwa gore bana bame ba tsamaya mo boammaaruring. ⁵ Moratiwa, o dira boikanngo nako tsotlhe fa o bereka le bakaulengwe le batswakwa, ⁶ ba ba pakileng ka lorato la gago magareng ga baphuthegi. O dira sentle fa o ba thusa mo tseleng ya bone, ka mo go tshwanelang fa pele ga Modimo, ⁷ ka gore e ne e le ka lebaka la leina, go bo ba tswetse kwa ntle, ba sa tseye sepe mo baditshabeng. ⁸ Jalo he, re tshwanetse ra amogela batho ba go tshwana le ba, ka gore re tla bo re le badirammogo le boammaaruri. ⁹ Ke kwaletse baphuthegi sengwe, mme Dioterefese, yo o ratang go lemogiwa pele ga mongwe le mongwe, ga a re amogele. ¹⁰ Ka jalo, fa a tla, ke tla gakologelwa ditiro tse a di dirang, o bua dilo tsa bomatla kgatlhanong le rona ka mafoko a bosula. Ka a sa itumelele ditiro tse, ga a amogele bakaulengwe. O thibela ba ba eletsang go dira molemo, a bo a ba koba mo phuthegong. ¹¹ Moratiwa, se etsise se se bosula, mme o etsise se se molemo. Yo o dirang molemo ke wa Modimo; yo o dirang bosula ga a ise a bone Modimo. ¹² Dimiteriase o pakelwa ke mongwe le mongwe, le ke boammaaruri ka sebele. Le rona re a mo pakela, mme le itse fa bopaki jwa rona ele boammaaruri. ¹³ Ke ne ke na le dilo di le dintsi tse ke neng ke batla go di go kwalela, mme ga ke eletse go di go kwalela ka pene le inki. ¹⁴ Mme ke solofela go le bona mo bogautshwaneng, mme re bue re lebane matlhong. ¹⁵ A kagiso e nne le wena. Ditsala di a go dumedisa. Dumedisa ditsala ka maina a bone.