¹ Jaanong ka ga go tla ga ga Morena Jeso keresete le go kgobokana mmogo go nna le ene: Re a le kopa, bakaulengwe, ² le seka la kgorelediwa kana la tshwenyega motlhofo, le fa e le ka moya, kgotsa ka molaetsa, kana ka lekwalo le le lebegang le tswa ko go rona, ka lebaka la gore letsatsi la morena le setse le gorogile. ³ O se ka wa letlelela ope gore a go tsietse ka gope. Gonne ga le kitla le tla go fitlheleng morago ga tlhakatlhakano e tla, mme monna yo o senang melao a bonagadiwa, morwa tshenyo. ⁴ ke ene a ganetsang le yo o itsholetsang kgatlhanong le tse di amanang le Modimo kana tse di obamelwang. Ka jalo, o nna mo tempeleng ya modimo a bo a ikaya jaaka modimo. ⁵ A ga le gakologelwe gore fa ke ne ke na le lona ke ne ka le bolelela dilo tse? ⁶ Gompieno le itse se se mo kganelang, gore a tle a bonaladiwe fela ka nako e e tshwanetseng. ⁷ Gonne masaitseweng a go tlhoka molao a setse a bereka, Fela go na le mongwe yo o mo kganelang mo bogompienong go fitlhela a ntshiwa mo tseleng. ⁸ Gonne yo o sa obameleng molao o tla bonagadiwa, ene yo Morena Jeso a tla mmolayang ka mohemo wa molomo wa gagwe. Modimo o tla mo supa e se sepe mo tshenolelong ya go tla ga gagwe. ⁹ Go tla ga ga yo o sa obameleng molao, ke ka lebaka la ditiro tsa ga satane le maatla otlhe, ditshupo, dikgakgamatso tse e seng tsa boammaruri, ¹⁰ le tsietso yotlhe ya go tlhoka tshiamo. Dilo tse e tla nna tsa ba ba nyelelang, Gonne ga ba amogela lorato la nnete gore ba bolokwe. ¹¹ Ka lebaka le modimo o ba romela tiro ya tlhakatlhakano gore ba dumele maaka. ¹² Lebaka ke gore ba botlhe ba tla atlholwa, ba ba sa dumelang nnete mme ba itumedisiwa ke go tlhoka tshiamo. ¹³ Mme re tshwanetse go isa malebogo ko Modimong ka lona, bakaulengwe ba ba ratwang ke Modimo. Gonne Modimo o le kgethile go nna maungo a ntlha mo polokong le mo go itshepisiweng ga moya le dumela mo boammaaruring. ¹⁴ Se ke se a se go bileditseng ka mafoko a molemo go amogela kgalalelo ya Morena Jeso keresete . ¹⁵ Ka jalo, bakaulengwe, thatafalang. Tshegetsang dingwao tse le di rutilweng, ka lefoko kgotsa ka lokwalo. ¹⁶ Jaanong a Morena wa rona keresete Jeso ka bo ene, le Modimo rraarona yo o re ratileng, a bo a re fa kgomotso ya bosakhutling le ka tsholofelo ee molemo ka tshegofatso, ¹⁷ gomotsang dipelo tsa lona le di tlhomamise mo tirong tse di ntle le mo lefokong.