¹ Simone Petere, lekgoba le moapostole wa ga Jeso Keresete, kwa go bone ba ba amogetseng tumelo ya tlhwatlha jaaka re e amogetse, tumelo mo tshiamong ya Modimo le mmoloki wa rona Jeso Keresete. ² A tshegofatso le kagiso di ntsifale mo selekanyong sa kitso ya Modimo le ya ga Jeso Morena wa rona. ³ Dilo tsotlhe go ya ka nonofo ya selegodimo tsa botshelo le semodimo re di neetswe ka ntlha ya kitso ya Modimo, yo o re biditseng mo kgalalelong le bo molemo jwa gagwe. ⁴ Ka dilo tse, o re neetse tsholofetso e ntle e bile e le kgolo gore le tle lo kgaogane tlholego ya selegodimo jaaka le falotse mo bobodung jo bo mo lefatsheng ka di dikeletso tsa boikepo. ⁵ Gonne ka lobaka lo, dirang mo go gaisang go tsenya molemo ka tumelo, le ka molemo, le ka kitso. ⁶ Ka kitso ya lona, tsenya boikgapho, le mo bokgaphong jwa lona, tsenyang boitshoko, mo boitshokong tsenyang bo Modimo. ⁷ Mo boModimong tsenyang kutlwano, ka kutlwano ya lona, tsenyang lorato. ⁸ Fa dilo tse di le mo go lona gape di gola mo lona, ga le kitla le nna baopa le fa e le go tlhoka go ungwa mo kitsong ya Morena wa rona Jeso Keresete. ⁹ Mme ope fela fa a tlhaela dilo tse, o bona dilo fela tse di gaufi; o sefufu. O lebetse go tlhapisiwa mo maleong a magologolo. ¹⁰ Jalo he, bakaulengwe, dirang mo go gaisang gore pitso le tlhopho ya lona e tlhomamisiwe. Fa lo dira se, ga lo kake lwa kgopiwa. ¹¹ Ka tsela e, kgoro ya ko bogosing jo bo sa khutleng jwa Morena wa rona le Mmoloki Jeso Keresete le tla a e neelwa e tletse. ¹² Jalo he, ke tla a nna ke ipaakanyeditse go le gakolola dilo tse, lefa le ntse lo di itse, jaanong le nonofile mo boammaruring ka nako e. ¹³ Ke akanya gore go siame gore ke lo huduwe ka go le gakolola dilo tse, fela fa ke le mo tanteng e, ¹⁴ Gonne ke a itse ka bofefo ke tla a ntsha tante yame, jaaka Morena wa rona Jeso Keresete a mpontshitse. ¹⁵ Ke tla a dira ka bojotlhe gore lo gakologelwe dilo tse ke sena go tsamaya. ¹⁶ Gonne re ne re sa sale morago mainane a a dirilweng ka botlhale fa re lo bolelela ka nonofo le go bonala ga Morena wa rona Jeso Keresete. Mme jalo re ne re le basupi ba bogosi jwa gagwe. ¹⁷ Gonne o amogetse go tswa mo go Modimo Rara tlotlo le kgalalelo fa lentswe le tla kwa go ene ka bogosi jwa kgalalelo e e reng, ''Yo ke Morwa waaka, Yo o rategang, ka ga ene ke a itumela'' ¹⁸ Re utlwile lentswe le tswa legodimong, fa re ne re na le ene ko thabang ee boitshepo. ²⁰ Re na le lefoko la seporofito le le tlhomamisitsweng. Le dira sentle go tsiboga. Go tshwana jaaka lobone le le galalelang mo lefifng go fitlhelela mo mosong le naledi ya moso e tlhatloga mo dipelong tsa lona. ¹⁹ Itse pele se, ga gona seporofito ka ga thanolo ya motho. ²¹ Gonne ga gona seporofito sepe se tlang ka thato ya motho. Mme ba ba dirisiwang ke Mowa o o botshepo ba buile go tswa mo Modimong.