¹ Tuba wani intukuluho ku zwililila kwa Jesu kreste ya va tulukululi. Linu muve vakolete mi sanzi mu wondwa hape kwi joko lya vuvi. ² Muvone, Ime, Paulusi niti kwenu haiva ni muya ku mupato, Kreste kese na mihe mupuzo munzila i mwi ne imwi. ³ Hape ni paka mukwame zumwi ni zumwi mukwame ya va yendi ku mupato linu uswanela kukuteka ni kwi chilila mulao wonse. ⁴ Inwe mukauhenye ku "zwililila" kwa krest.muvonse mu va wani ku shemuviwa cha mulao. Muva wilile kule ni chisemo. ⁵ Kuzwililila ku Luhuho, che ntumelo, linu tulivelele che nsempo ni ku shiyama. ⁶ Cha Jesu Kereste nanga cha mupato kapa cha kusaya ku mupato kutolokwa chintu chimwina. Kwande ntumelo iseveza che lato nji yiine tuso. ⁷ Zile mutiya hande. Njeni ya va mizimiki ku kuteka buniti? ⁸ Ku susuwezwa ku tenda vulyo, ka ku zwili kwali uzo ya va misumpi. ⁹ Chi vilisa chi nini chi tende muñende kufunduluka. ¹⁰ Ni na nsepo kwenu che Reeza kuti ke se muhupule kusanduka munzila imwi ne imwi. Uzo yo milyanganise u swanela inkatulo ya kwe, iye mwine. ¹¹ Va kwangu, heva ni ni si kutaza za mupato, chi nzi hani sinyandiswa? Che yo nzila chi sitataliso cha chifano ka chi shinyiwe. ¹² Ni lakaleza avo va mi lyanganisa ka vali kawule avo vene. ¹³ Chokuti Ireeza ava misumpi, vakwangu, kwi ntukuluho. Sanzi mu sevelisi intukuluho yenu sina ha mu wanina ze nyama. Ni hakuvavulyo che lato mutusana ha mwina. ¹⁴ Chokuti mulawo wonse wi zuzilikizwe cha mulawo wumwina, "Mu swanela kusaka va mu vambene navo sina mu mu lisakila inwe mu vene." ¹⁵ Kono heva ni musumana ni kulisana ha mwina, mutokomele kuti ka mu liholofazi ha mwina. ¹⁸ Niti, muyende cha Luhuho, mi ke se mwi zuzilikize intakazo ze nyama. ¹⁷ Chokuti inyama ine ntakazo nkando yi lwisa Luhuho, mi Luhuho lwine ntakazo nkando kuhite nyama. Chokuti inzi zi lwisanisa izo ziine. Inkalabo yi chokuti ka muwoli kutenda chintu chi mulakaza kutenda. ¹⁶ Kono heva Luhuho lu miyendisa, ka musina mwi konde lya mulawo. ¹⁹ Linu misevezi ye nyama i bwenekete. Vena vuvuki, vahule, vasa njolwele, ve takazo zihitilize, ²⁰ ni kulapela vazimu, ni vulozi, ni kuli toya, ni kuli fwila muna, ni kuwamba cha kukalimela, ²¹ ne fufa, ni muna ni vundakwa, ni vulyavi, ni zimwi zi fosahele. Ni mi kalimela, sina muni va mi kalimeleli ku tanzi, kuti avo va tundamena izo zintu ke se ni va yole muvuso we Reeza. ²² Linu zichelantu za Luhuho i laato, yi ntavo, inkonzo, inkulo inde, chisemo, vulotu, ni tumelo, ²³ ni kulishuwa ni kuliyeleza. Linu kakwina mulawo ulwisa nisana nezo zintu. ²⁴ Kwavo vena kwa Jesu Kereste vava kokotelwa ni takanzo ze nyama ni hamwina ni ntakazo zi fosahele. ²⁵ Heva tu hala cha Luhuho, tu swanela lyaho ku yenda cha Luhuho. ²⁶ Sanzi tu saki ku vuvekwa ku sene ntuso, kuli shemayeta kapa kuli fwila muna.