¹ Paulo, Otumiwa- osati otumiwa kucoka ku banthu kapena kutumiwa na umunthu, koma mwa Yesu Kristu na Mulungu Atate, emuusha kwa akufwa- ² na anekwasu onse ali naneo, kuma chalichi yamu Agalatiya: ³ Cisomo kwa mweo na mtendele kufuma kwa Mulungu Atate na Ambuye Yesu Kristu, ⁴ ezipeleka mumalo mwamacimo yasu kuti atiombole kumukhalidwe uipa wa mtundu uno, mwacifunilo ca Mulungu Atate, ⁵ kwa yeve ulemelelo osasila. Ameni. ⁶ Nine odabwa kuti muwelela mwamusanga kucoka kwa ekuitanani mwa cisomo ca Kristu. Nine odabwa kuti mwayamba kukonkha ciphunziso ciyakine, ⁷ osati kuti pali ciphunziso ciyakine, koma pali madoda yaikine oleta musokonezo kwa mweo ndipo ofuna kusintha uthenga wabwino wa Kristu. ⁸ Koma olokuti seo kapena mungelo ocokela kululu awele kuzolalikila uthenga osiyana nawetelalikila seo kwa mweo, lekani atembeleleke. ⁹ mwetelabilila poyamba, nalomba pano nulabila soti, '' ngati muyakine olalikila uthenga osiyana na wemwelandila, lekani atembeleleke''. ¹⁰ niliyekuti lomba nufuna mbali ya banthu kapena ya Mulungu? Nufuna kukondwelesha banthu? Ngati nikali kufuna kukondwelesha banthu ndiye kuti ninelini kapolo wa Kristu. ¹¹ Cifukwa nufuna muzibe, anekwasu, kuti uthenga wenelabila niwa munthu lini. ¹² Niliye ulandile kucokela ku munthu aliyense, niliye phunzisiwe na munthu. Koma, cenze mwacivubuluso ca Yesu Kristu paneo. ¹³ Mwecimvwa za moyo wangu wakale mwaciyuda, mwenenzo mangila chalichi ya Mulungu kupyola muyeso ndipo nenzofuna kuti niononge. ¹⁴ Neluta pasogolo muciyuda kuposa wonse benze nthanga yangu, kucokela ku mtundu wangu. Ndiye cidwi cenenze naco pa mwambo wa makolo bangu. ¹⁵ Koma Mulungu, ndiye enipatula kucokela mu mala mwamama, ndiye eniita mwa cisomo cake, ¹⁶ cemuwamijya kuvumbulushya mwana wake mwaneo, kuti nikalalikile za yeve pa amitundu, niliye fufuze mwamusanga mwathupi na ngazi. ¹⁷ Niliye lute ku Yelusalemu kwabala enkhala atumwi neo nikaliye. Mumalo mwake, neluta ku Arabiya nowelela soti ku Damasiko. ¹⁸ Pepepita zaka zitatu neluta ku Yelusalemu kuti nimuzibe Kefas ndipo nenkhala naye masiku fifitini. ¹⁹ Koma niliye onane na otumiwa aliyense koma Jemusi, mukwao wa Ambuye. ²⁰ Pa vanakulembelani, nikusimikijyilani pamenso pa Mulungu kuti nunamalini. ²¹ Ndipo neluta ku mizinda ya Asiliya na Silisiya. ²² Nenze nikaliye zibika pa meso kuma chalichi yaku Yudeya ali mwa Yesu. ²³ Bengokumvwa vukambika, ''Lidoda lenzo manga seo lomba yayamba kulalikila mbili yacikhulupililo cenzofuna kuononga poyamba''. ²⁴ Belemekeza Mulungu kamba ka neo.