¹ Linu kuamana ni zilyo ziva nelwa ku va zimu. Twizi kuti '' tuvonse twina ingana.'' im ingana ileta mwipo kono ilato lizakisa. ² Haiva zumwi uhupula kuti wizi chimwi, zuna muntu kakwina chezi cha swanela kwiziva. ³ Kono yense yo saka Ireeza, zuna muntu wizi kuti Ireeza u musaka. ⁴ Kuamana ni kulya zilyo zi vanelwa kuva zimu: Twizi kuti '' muzimu we inu inkanda kakwina'' mi ''kuti kakwina ungi Ireeza kunde ya kwe. ⁵ Mwendi va tewa kuti vazimu kuvi vwina, konse mwi hulu kapa ni hansi, sina muve njihile ''vazimu'' ni va ''simwine.'' ⁶ Niha kuva vulyo kwetu, ''Kwina fela Ireeza yenke ishetu, zonse zintu vizwa kwali, mi nje ye utu hala kali, ni Jesu Kreste Simwine yenke,iye umo zintu zonse zihala, iye umo tuhala. ⁷ Ni hakuva vulyo, iyi izivo kaina ku zumwi ni zumwi. kono, vamwi vava ku lapela ziswaniso, mi va kulya zilyo uvu zi nelelwe ku ziswaniso. Che zwalo lyava lisakolete. ⁸ Kono zilyo kete zitu zimanine kwa Ireeza. Katu dodovela haiva katulile. ⁹ kono mutokomele kuti intukuluho yenu kanzi ivi kuti wina intumelo ifokola asitatale. ¹⁰ mi pona chi kuwanika kuti zumwi u ku vwene, wina inzivo, kulya zilyo mwi tempele ya vazimu. lizwalo lifokola limu hambilize kuti alye zinelelwe kuva zimu. ¹¹ Linu chevaka lye nkutwisiso kuamana ni vuniti vwa va zimu, va fokola, mukwangu yava fwili Kreste, mwe haiwe. ¹² Linu hamu fosekeza bakwenu muholofaza izwalo lyavo ¹³ lifokola, aho mufosekeza Kreste. Hakwina vulyo, chilyo cha wisa mukwako, kete nini lye inyama hape, linu kuti kanzi ni letisi mukwangu kuwa.