¹ Mi ime, vakwanugu, kana ni va kuwola kuwamba kwenu uva vantu vo luhuho, kono uvu vantu ve nyama uvu muchiche mwa Kreste. ² Niva milele cha muzilili isiñi che nyama, kana muva litukiseze inyama. Mi, ni heva hanu, ka mulitukiseze. ³ Mi musina mwi nyama, mi kwina ifufa niku sazumi nzana ku sina mukati kenu, kamu hali che nyama, mi ka muyendi cha mazimo avuntu. ⁴ Mi zumwi hawamba, ni chilila Paulusi, zumwi uti ni chilila Apolosi, kamuhali uvu vantu na? ⁵ Njeni Apolosi linu, mi Paulusi njeni? Vahikana avo vamu va kuzumina, avo vava hewa musevezi kwa Simwine. ⁶ Niva vwali, Apolosi ave tilele, kono Ireeza ava ku kuzi. ⁷ Mi linu, yo vwala ni yowi tilele kakwina. Kono nji Ireeza yokuza. ⁸ Hanu, uvwala ni yowitilela umwina. Mi zumwi ni zumwi kalihiwe cha musevezi wakwe. ⁹ Tuva veleki ba Ireeza, mwiwa lye Ireeza, muzako wa Ireeza. ¹⁰ Kuya ka chishemo che Ireeza chi va hewa kwangu che ntuto ya kwi ziva kuzaka, ni va vatangi intungo mi zumwi u zaka hateni. ¹¹ Linu mutokomele zumwi ni zumwi atokomele mwate azakile hateni. Kokuti kakwina yo ola kutunga intungo kunde yo zuna ya va itangi, nji Jesu Kreste. ¹² Ha hanu, haiva zumwi na zaka hentungo che gauda, silivera, cha mavwe a sepahala,zisamu, zilyo ze ñombe, kapa lyani, ¹³ musevezi wakwe ka u putululwe, mwete ni kupatulwe mwi nako ya mulilo. Mulilo kaulike musevezi wava tendi zumwi ni zumwi. ^{14 15} Haiva misevezi ya zumwi ni zumwi ni izi mana, mwa tambule inkavelo; kono haiva musevezi wa zumwi ni zumwi ni uhiswa, mwa nyande, kono iye mwine mwa puluswe, cha ku vanduka ku mulilo. ¹⁶ Kana mwizi kuti mwi tempele ya Ireeza ni kuti Luhuho lwe Ireeza luhala mwenu. ¹⁷ Haiva zumwi na haya itempele ye Ireeza, Ireeza mwe haye zuna muntu. Imi itempele ye Ireeza i jolola, mumu ikalile nanwe. ¹⁸ Kanzi kuvi niyo lichenga mwine. Haiva zumwi mukati kenu uhupula kuti wina vutali mwe inu' nako, mu mu siye ave ''cihole'' mukuti ave yo talifite. ¹⁹ Mokuti vutali vwe inu ikanda kwa Ireeza vuholo. Mi ku ñoletwe, ''U wonda vatalifite muvu vilala vwavo.'' ²⁰ Mi hape, '' Ireeza wizi kuti mi hupulelo ya vatali kakwina.'' ²¹ Linu ka kusina kulitemba cha vantu! Kakuti zintu zonse nji zenu, ²² kapa Paulusi, kapa Apolosi, Kefesi, kapa inkanda, kapa vuhalo, kapa ifu, kapa zintu zina kwateni, kapa zintu zi sike zite. Zintu zonse nji zenu, ²³ mi muva Kreste mi Kreste we Ireeza.