¹ Bakwetu, nimi zibisa kuti evengeli ini ba mi wambili imuba tambuli ni ku zimana. ² Kayo evangeli njimi haza heba muibika kakuti niba imhi, heba nimu wondisa che ziho manzwi aniba kutazi kwenu, chikuna bulyo intumelo yenu kaina intuso. ³ Kakuti, matangilo, zimwi za butokwa zini ba tambuli: Kuti Jesu aba tu fwili bakeñicha zibi zetu, kakuya cha mañolo, ⁴ kuti aba zikwa, imi aba buswa che zuba lya butatu cha kuya cha mañolo. ⁵ Mukuti aba boneki kwa Cefasi, niku balutwana bena ikumi niyenke, ⁶ Cwale aba bonahali ku chicaba china myanda yilikana iyanza cheyo inako. Bamwi kubali basi hala, bamwi cibaba lali. ⁷ Cwale cha libonahaza kwa James, mi ni kuba Apositola. ⁸ Ku ma manimani, cha libonahaza kwangu, sina mwana yaba zalwa che nako ifosahele. ⁹ Njeme nimunini ku ba Apositola mi kani lukeli ku sumpwa Muapositola, kakuli niba nyandisi ikeleke ye Ireeza. ¹⁰ Kono ka chisemo che Ireeza njeme chili icho, mi chisemo chakwe kwangu kana niba chi hewa kusena intuso. Mukuti, niba sebezi cheziho ku hita bamwi. imi kana ibali njeme. Kono chisemo che Ireeza china kwangu. ¹¹ Heba ime kapa abo chitu kutaza niku zumina. ¹² Linu ku lutwa kuti krisite aba buki fubafu, cwale cinzi bamwi haba kanana kuti kakwina kubuswa ku bafu? ¹³ Kono heba kakwina kubuswa kubafu, cwale nji kuti ni Jesu kana aba buki kubafu, ¹⁴ Imi heba Jesu kana aba buki, cwale inkutazo zetu kazina intuso. mi ni ntumelo yenu kaina intuso. ¹⁵ Imi tu wanika kuti tu mpanki za mapa kuamana ni Ireeza. Mukuti tuba paki kuti Ireeza aba busi Jesu, kanti kana aba mubusi, ¹⁶ Heba kuti bafu kena babuswa, mini Jesu kana aba buswa kubafu. ¹⁷ Kambe Jesu kana aba buswa, intumelo yenu kaina intuso, imi musina mucibi. ¹⁸ Abo baba fwi ni Jesu baba fwilili, ¹⁹ Haiba tusepete jesu mubuhalo bwetu bu mana, tumaibite ku hita bonse ba fwile. ²⁰ Kono krisite aba buswa kuba fwile ceyo inako, nji chichelo che ntazi kuba fwile. ²¹ Sina ifu hali bezi cha muntu, imi ka muntu kubuswa kubezi chefu. ²² Kono cha Adama bonse baba fwi, mi hape bonse ka bahale. ²³ Muntu ni muntu ka buke che nako yakwe: Kirisite, chililo che ntanzi, imi nabo ba wanika kwa Krisite kabeze ba buswe hete na keze. ²⁴ Imi kaibe nji mamanimani,Krisite hete na tambike mubuso kwe Ireeza Tayo. Njinako yete na manise milao, mubuso ne nguzu, ²⁵ Kono u swanela ku busa kuhita zila zakwe chiza ba mwi konde lya matende akwe. ²⁶ Chila cha mamanimani ku ku maniswa ifu. ²⁷ Kono,"Iye cha bika zintu zonse mwi konde lya matende akwe", Kono hachi wamba kuti" aba biki zintu zonse'', imi zintu zonse ziba bikwa mwi konde lyakwe, ku zuweka iye ka balwa mwa teni. ²⁸ Imi zintu zonse chiza bikwa mwi konde lyakwe, imi ni mwana kabikwe mu mata akwe. Ilikuti Ireeza abe wa zintu zonse kubantu bonse. ²⁹ Kapa ka tende nji abo ba ba kolobezwa kubafu? Heba bafu kete ni ba buswe,heba bafu kaba buki chi haba kolobezwa? ³⁰ Imi chinzi neswe hatu hala mubukabo inako yonse? ³¹ Ni wamba buniti bakwetu, sina hanina ibaka lya kulitemba kenu kwa Jesu Krisite Simwine wetu, nicho, kuti nina mwi fu izuba ne zuba, ³² Chinzi cini wana ku muntu, heba kuti niba lwi ni zibatana mwa Efese kamukwa wa bantu fela, heba kuti bafu kete niba buke? Cwale tulye niku nywa, kakuti lye izona katufwe. ³³ Kanji mulicengi, kuti itwayelano imbi zi sinya mukwa mulotu, ³⁴ Mulilekule! Mi muhale cha ku luka! Imi kanji mutendi chibi. sina bamwi kwenu habasena inzibo ye Ireeza. Nimi wambila izo kuti muswabe. ³⁵ Kono zumwi mwa ka wambe, "Bafu babuswa ka mubili wina buti? ³⁶ Kubula ingana kwako! Ili kuli cho byala kachi woli ku mena konji hacifwa. ³⁷ Imi cho byala kanji wona mubili wete ube, kono u byala imbuto isa zwete. Iwola kwiza ka buloto kapa chimwi chintu. ³⁸ Kono Ireeza kahe mubili kaku keta, mi ke mbuto ni mbuto ka mubili wayo, ³⁹ Inyama zonse kazi swani, kono inyama ya bantu ingi, ni imwi nyama ya zinyolozi, imwi nyama ya zizuni, imwi inyama yenswi. ⁴⁰ Hape kwina mibili ya kwi wulu, ne mibili ya hansi. Kono ikanya yo mubili wo kwi wulu ungi, ni kanya ya mubili wa hansi ingi. ⁴¹ Kwina ikanya yonke ye zuba, ni kanya ya mwezi, ni kanya ye nkani. Kono inkani ne nkani i chinchana kwi kanya. ⁴² Niku buka kwa bafu kakube bulyo. Mubili u byalwa ni usa boli, imi kau buke nosa boli, imbuto isana iba byalwa hande kai bukile mwi kanya. ⁴³ Kai byalwe ni ifokwele; mi kaibuke ne nguzu. ⁴⁴ Iba byalwa ka mubili wina bulyo; mi kau buke mumubili wa luhuho. Heba kwina mubili bulyo, mi kwina mubili wa luhuho. ⁴⁵ Imi kuñoletwe kuti, ''Mukwame we ntanzi Adama aba bi mubili u hala. Adama wa mamanimani aba hi luhuho lwa buhalo. ⁴⁶ Kono luhuho kena luba kezi lwe ntanzi kono che nyama , chichilila che nyama. ⁴⁷ Mukwame we ntanzi wa hansi, aba bumbwa he longo. Mukwame wa bubeli uzwa kwi wulu. ⁴⁸ Mwe kalile wa hansi, ni bahansi mube kalile. Mi mwe kalile we kwiwulu, niba kwiwulu mube kalile. ⁴⁹ Sina hatu zabele chiswaniso che longo, mutu zabale bulyo ni chiswaniso ca kwiwulu. ⁵⁰ Linu ni cho kuti,bakwetu, malaha ni nyama kazi woli ku muna mubuso we Ireeza. Mi chi bola kachi woli ku muna chisa boli. ⁵¹ Mubone nimi wambila indaba yiba patitwe: Tubonse kete ni tufwe, kono tubonse katu sanduke. ⁵² Tubonse katu sanduke chaku koba kwe liinso, che mpeta ya mamanimani. Impeta kazi lile, mi bafwile kaba buswe ku bafu. ⁵³ Mi chi bola ci zwate kusa bola, mi cifwa chi zwate kusa fwa. ⁵⁴ Chi bola keyo inako muchi zwate chisa boli, mi chifwa chi zwate kusafwa, mi kaku tendahale kenzwi ku ñoletwe kuti, imi ifu liba minwa niku shila. ⁵⁵ Iwe ifu ku shila kwako kwinahi? Iwe ifu, chihaiso chako chinahi? ⁵⁶ Chihaiso chefu chibi, mi inguzu ze chibi mulao. ⁵⁷ Kono tumela kwe Ireeza yaba tuhi ku tula kwa Simwine Jesu Krisite! ⁵⁸ Cwale bakwetu , mukole kanji munyanganiswa. Mi mukole mumisebezi ya Simwine, ni mwizi kuti misebezi yenu kwa Simwine ina intuso.