¹ Che mpo zi jolola, ba kwangu, ka ni suni kuti kanzi mwi zibiswa. ² Ha muba chili muvahedeni, mu ba ku kwitilwe ku ba zimu ba sena manzwi, monse mu muba ku kwitwilwa ku bali. ³ Ni ha kwina bulyo ni suna kuti mwi zibe kuti ka kwina yo wamba ka luhuho lwe Ireeza yo wamba, " Jesu a nyanswe." Ka kwina yo wamba, "Jesu nji Ireeza."konji ka luhuho lu jolola.'' ⁴ Linuhe kwina impo zishutana, kono luhuho lonke. ⁵ Mi kwina mitendo i shutana, kono Ireeza yenke. ⁶ Mi kwina mitendo i shutana, kono kwina Ireeza yenke yo tenda kuti zintu zi woleke kubonse. ⁷ Hanu zumwi ni zumwi aba hewa i mponinso ya hanze ya luhuho kuti bantu bonse ba wane inkabelo. ⁸ Mihe zumwi luhuho luba muhi ingana, mi zumwi luhuho luba muhi kwi ziba. ⁹ Mi ku zumwi aba wani intumelo ku luhuho, mi zumwi aba wani ingunzu ya ku hoza zilwalo. ¹⁰ Zumwi ava hewa ingunzu zaku tenda imakazo, mi ku zumwi ku polofita. Zumwi aba hewa ku keta mukati ka mahuho, zumwi ku malimi mangi, mi zumwi ku toloka malimi. ¹¹ Kono ku zumwi luhuho luswana luba muhi zintu zonse, liha zumwi ni zumwi impo,mulu sunina. ¹² Mihe inyama yonke yina zilama zingi mi zonse zilama zina inyama yonke, nji Kirisite. ¹³ Ka luhuho lonke tuba kolobezwa mwi nyama yonke, nihakuba kuti u Mujuda kapa Mugerike, u sumine kapa u lukuluhite, bonse baba tendwa ku nywa muluhuho lonke. ¹⁴ Inyama ka yina chilama chonke, kono zingi. ¹⁵ Heba i tende li wamba, ''Sina hani sali ni yanza, kana ni chilama chimwi che nyama'', kena kuti ni chilama che nyama. ¹⁶ Mi kutwi ka ku wambe, ''Ka kuti ka ni linso, kani wa chilama che nyama''. ¹⁷ Heba inyama yonse ibabi linso, ku zuwa niku ba zwi hi? Heba inyama yonse ibabi kutwi, ku nuka ni kuba zwihi? ¹⁸ Kono Ireeza aba biki chilama ze nyama kuya ka mwa ba ku sunina. ¹⁹ Mi kambe chi bali chilama chiswana, inyama niyi babi buti? ²⁰ Nihakuba bulya zilama zingi, kono inyama yonke. ²¹ Linso kali woli ku wamba kwi yanza, ''Ka nina chi nisuna kwanko''. Kapa mutwi ku wamba kwi tende, ''Ka nina chi nisuna kwanko". ²² Kono zilama ze nyama zi boneka kulonda nji zi sakahala. ²³ Mi zilama ze nyama zitu hupula kuti ka zina ikute, tu ziha ikute ikando ni zilama zetu tu ziswabela zina ikute. ²⁴ Linu zilama zetu ka kuchina i ntuso ku ziha ikute, ka kuti zina kale ikute. Kono Ireeza aba kopanyi zilama zonse kuzi tenda chonke, mi aba hi ikute ikando kwabo ba sena. ²⁵ Aba tendi bulyo kuti kazi kubi ni kauhanyo mwi inyama, kono zilama zi wole kuli babalela ka ku swana. ²⁶ Mi chilama chonke hachi zuwa kuchisa, zonse chilama zi zuwa kuchisa. Heba chilama chonke chi helwa ikute, zonse zilama kazi sange. ²⁷ Mi chimuli mwi nyama ya Kirisite mi muzilama zimwi zakwe. ²⁸ Mi Ireeza che ntanzi aba keteli mapositola mwi keleke, cha bubeli mapolofita, cha butatu maluti, niba tenda zintu che inguzu, ni bempo yaku hoza, ni baha tunso, abo ba tenda mitendo ya bu yendisi, ni bena malimi mangi. ²⁹ Kana bonse mapositola? Bonse mapolofita? Bonse maluti? Bonse ba tenda mitendo ye ngunzu? ³⁰ Kana bonse bena impo yaku hoza? Kana bonse ba wamba cha malimi? ³¹ Kana bonse ba toloka malimi? Muna u suna impo zingi. Mi ka nimi tondeze inzila i ndotu.