¹ Ndipo neona pamene mwana wa mbelele evula chimozi cha visindikizyo seveni, ndipo nechimvwa chimozi cha volengewa vamoyo folo chulabila mulizu lomvweka ngati kaleza, "wela." ² Nelanga ndipo penze hosi ituba. Enzekwelapo enze na uta, ndipo epasiwa kolona. Ewela ngati opambana kuti akapambane. ³ Pamene mwana wa mbelele Evula chisindikizyo chachibili, nechimvwa chamoyo chachibili chikuti, "wela." ⁴ Ndipo hosi iyakine yewela - isweta. Kwa wamene enzekwerapo kwepasiwa ulamuliro wochosa mtendere pa ziko la pansi, koteto kuti banthu bapayane mmozi na muyake. Wokwerapo epasiwa chi lupanga chikulu. ⁵ Pamene mwana wankhosa evula chisindikizyo cha chitatu, nechimvwa chamoyo chachitatu chikuti, "wela!" Neona hosi ifipa, na enzekwelapo enze na muyeso mmanja mwake. ⁶ Nechimvwa lizu lenzomvweka monga chimozi cha vamoyo folo chikuti, "muyeso wa tirigu na wogula na ndalama imozi, na miyeso itatu ya balere yogula ndalama, koma musaifye na vinyo." ⁷ Pamene mwana wa nkhosa evula chisindikizyo cha folo, nechimvwa lizu la chamoyo cha folo chikuti, "wela!" ⁸ Ndipo neona hosi yozimaa, na wokwerapo zina lake imfwa, na Hade enzomkonkha. Epasiwa ulamuliro pa dera la folo la ziko, kupaya na lupanga, na njala na matenda na vinyama va msanga pa ziko. ⁹ Pamene mwana wa mbelele evula chisindikizyo cha faifi, neona mnyansi mwa guwa la nsembe miyoyo ya bala banthu bepayiwa kamba ka mau ba Mulungu na umboni wekatilira. ¹⁰ Bekuwa ngako na mau okweza, "mpaka lini, woweruza wa zonse, mtuba na woona, mpaka mkaweruze bala onkhala pa ziko, mpaka mukawezyepo magazi basu?" ¹¹ Ndipo aliyense epasiwa mkanjo utuba, ndipo euzyiwa kuti ayembekeze mphela kanthawi ka tontho, mpaka chiwlengelo cha atumiki ayao na anekwao enzofunika kupayiwa, monga mwepaiwira beve chikakwanile. ¹² Pamene mwana wa mbelele evula chisindikizyo cha sikisi, neonelera ndipo penze chivomezi. Zuba lechizofipa monga chingula, na mwezi wenze wenkhala monga ni magazi. ¹³ Nyenyezi za mululu zipona pa ziko, monga chimuti cha mkuyu chuponya vipaso vake vosapya vikagwendezeka na chimphepo chikulu. ¹⁴ Na kululu kwechokapo monga ni mpukutu wopeteka. Na lupili lililonse na chusumbu chili chonse vefumyiwa pamalo pake. ¹⁵ Lomba mafumu a paziko na akulu-akulu, na akazembe na olemelera na bamphambu na bonse tyala akapolo na aufulu bebisama mumphako namu niyala yamu malupili. Bechiti ku malupili na ku miyala, "Tiponeleni seo! ¹⁶ Tibiseni ku chinso cha wamene onkhala pampando wa chifumu na ku ukali wa mwana wa mbelele. ¹⁷ Pakuti siku likulu la ukali wake lafwika. Angapaname nibani?