¹ Pevepita vinthu ivi nelanga, ndipo neona chiseko chovulika kululu. Lizu loyamba linechimvwa lenzolabila kwa neo monga lupenga, lechiti, "wela kuno, ndipo nikuoneshe vufunika kuchitika vikapita vinthu ivi." ² Pamene apo nenkhala mumzimu, ndipo neona kwamene uko mpando wachimfumu woikika kululu, ndipo muyakine enkhalapo. ³ Wamene enze enkhalapo enzooneka monga Jaspi na Kaneloyoni. Penze uta wa leza pozungulira mpando wa chifumu. Uta wa leza wenzooneka monga mwala wamtengo wapatali. ⁴ Pozungulila mpando wa chifumu pene soti mipando yachifumu iyakine twenti folo, na enze enkhalapo na azikulu twenti folo, ovwala vovwala vituba, na makolona yagolide pamitu pao. ⁵ Kuchokera mu mpando wachifumu mwefuma kucheluka kwa kaleza na zungo na kugunda kwa kaleza. Nyali seveni zenzoyaka pasogolo pa mpando wa chifumu. Nyali zila zenze mizimu seveni ya Mulungu. ⁶ Pasogolo pa mpando wa chifumu penze nyanya ya mandala, monga krustalo. Pakati pa mpando wa chifumu na pozungulira pake penze vamoyo folo, venze na menso yanyinji, kusogolo nakuvuli. ⁷ Chamoyo choyamba chenze ngati nkhalamu, chamoyo chachibili chenze ngati mwana wa ng'ombe, chamoyo chachitatu chenze na chinso monga ni munthu, na chamoyo cha folo chenze monga nkhwazi. ⁸ Vamoyo folo vilivonse venze na mapapiko sikisi, venze na menso yanyinji palulu mnyansi. Mzuba na usiku vuleka lini kunena, "mtuba, mtuba, mtuba ni Ambuye Mulungu wamphamvu zonse, Amene enze wamene ali ni wamene akuza." ⁹ Paliponse pamene vamoyo venzotwala ulemelero, ulemu na mayamiko kwa wamene onkhala pa mpando wa chifumu, wamene ali na moyo ku nthawi za nthawi, ¹⁰ azikulu twenti folo opona pansi pamenso pa wamene onkhala pampando wachifumu na kulambira wamene ali na moyo ku nthawi za nthawi. Oika makolona bao pansi pa mpando wachifumu, nakuti, ¹¹ "nimwe oyenera, Ambuye wasu na Mulungu wasu kulondela ulemelero na ulemu na mphamvu pakuti mwelenga vinthu vonse ndipo mwa chifundo chanu venkhala na moyo ndipo velengewa."