¹ Ndipo neona chizindikiro chiyakine kululu, chikulu na chodabwisa; Penze angelo seveni na miliri seveni, yamene ili miliri yosilizyila, pakuti na ukali wa Mulungu wasilizyika. ² Neona chenzooneka monga ni nyanja ya mandala chosakaniza na mulilo. Enzeimilira mmbali mwa nyanja ni bala begonjesa chinyama na chifaniziro chake pachiwelengero chupanamira zina lake. Benze na mazeze bechipasiwa na Mulungu. ³ Benzoimba nyimbo ya Mose, mtumiki wa Mulungu, na nyimbo ya mwana wa mbelele: "Nchito zanu nizikulu na zodabwisa, Ambuye Mulungu, wamphamvu. Zonse njila zanu nizolungama na zoona, Mfumu ya maiko. ⁴ Ati akaleke kukuyopani nibani, Ambuye, na kupasa ulemelero zina lanu? Pakuti mweo mweka nimwe atuba. Maiko yonse vikawele na kukupembezani pamenso panu pakuti nchito zanu za chilungamo zaoneshewa." ⁵ Pivepita ivi vinthu nelanga, na kacisi enze na chihema cha mboni yeseguka mululu. ⁶ Mu kacisi mula mwefuma angelo seveni bamene enyamula miliri seveni. Bevwala vovwala vituba na vong'animira ndipo benze na mabande ba golide pa vifuwa vao. ⁷ Chimozi cha vamoyo folo chepasa angelo seveni mbale zagolide seveni zozula naukali wa Mulungu onkhala na moyo ku nthawi za nthawi. ⁸ Kacisi wezula na chusi kufumira ku ulemelero wa Mulungu na ku mphamvu zake. Paliye ekwanisha kulobamo mpaka miliri seveni ya angelo yasilizya