¹ Chizindikiro chikulu cheoneka kululu: Mwanakazi wovwalikiwa zuba, na mwezi kumendo kwake na kolona wa nyenyezi twelufu pa mutu pake. ² Enze na Vumo, ndipo enzolira na kumvwa kubaba kwa kuvyala, na kuvutika kovyala mwana. ³ Ndipo chizindikiro chiyakine cheoneka kululu: Onani! Penze chinjoka chikulu chisweta chenze na mitu seveni na nsengo teni, ndipo penze makolona seveni pamutu pake. ⁴ Mchila wake wepyela limozi la magawo atatu a nyenyezi mululu na kuziponya pansi pa ziko. Chinjoka chepanama pafupi na mwanakazi enze pafupi kuvyala, kuti akavyala chikamulye mwana wake. ⁵ Evyala mwana mwanalume, mwana wachinalume, amene ati akaweruze maiko vonse na ndozo yachisulo. Mwana wake emcosa msanga kuya kwa Mulungu na kumpando wake wachifumu, ⁶ ndipo mwanakazi eutukira kuchipululu, kwamene Mulungu emkonzela malo, kuti asamaliriwe kwa masiku wanu sauzande, thu handiledi na sikisite. ⁷ Lomba kwenze nkhondo kululu, Mikaeli na angelo bake echita nkhondo na chinjoka, chinjoka na angelo bake bewezyela nkhondo. ⁸ Koma chinjoka chenzeve mphamvu ngako kuti chipambane, koteto kuti kwenzeve soti malo kululu ya cheve na angelo bake. ⁹ Chinjoka chikulu, chinjoka chokalamba zina lake mdyerekezi kapena kuti satana onyenga ziko lonse chapansi-cheponyewa pansi pa ziko, na angelo bake beponyewela pamozi naye. ¹⁰ Ndipo nechimvwa lizu lokuwa kululu: "Lomba chawela chipulumuso na mphamvu na ufumu wa Mulungu wasu, na ulamuliro wa Kristu wake. Pakuti onamizyira anekwasu waponyewa pansi, wamene enzobanamizyira pamenso pa Mulungu usiku na mzuba. ¹¹ Bemupambana na magazi ba mwana wa mbelele, na mau a umboni wao, pakuti aliyekonde miyoyo yao olo ku imfwa. ¹² Mwaichi kondwelani, mweo kululu naonse onkhalamo! Koma soka ku ziko na kunyanja, chifukwa mdyerekezi wawela kwanu uko ni ozula na ukali oyofya! Pakuti oziba kuti ali na kanthawi katontho tyala! ¹³ Pamene chinjoka cheziba kuti bachiponya pa ziko, chenzunza mwanakazi ula evyala mwana mwanalume. ¹⁴ Koma mwanakazi epasiwa mapiko abili a nkhwazi ikulu kuti autukire ku malo bemkozela ku chipululu. Aba ni malo kwamene asamaliriwa kwa nthawi, zinthawi na hafu ya nthawi- kuliye chinjoka. ¹⁵ Ndipo chinjoka chetira manzi kufuma mkamwa mwake monga ni msinje kuti vimanzi vipake na kukokolola mwanakazi. ¹⁶ Koma ziko yemthandiza mwanakazi. Ziko yevula kukamwa kwake na kumela msinje wenzofuma mkamwa mwa chinjoka. ¹⁷ Ndipo chinjoka chekalipa ngako na mwanakazi ndipo cheluta kuyoyamba nkhondo na mbeu yake, bala omvwera malamulo ba mulungu na kukatishisha ku umboni wa Yesu. ¹⁸ Ndipo chinjoka chepanama pa mchenga wa mbali mwa nyanja.