¹ Uku ni kusokolola kwa Yesu Kristu kwemupasa Mulungu kuti aoneshe bancito bake cuyenera kucitika lomba pano. Ecizibisha mwa kutuma mngelo wake kwa wancito wako Yohane. ² Yohane ecitira umboni za mau a Mulungu na umboni wa Yesu Kristu, na vinthu vonse veona. ³ Odala ni wamene obelenga mokuwa uneneri uyu na bala omvwilila ku mau ba uneneri uyu na bala omvwira velembeka mwamene, pakuti nthawi ili pafupi. ⁴ Yohane, kumakacisi seveni yali mu Asia: Cisomo cibe na mweo na mtendere kucokera kwa wamene ali, na wamene enzena wamene okuza, na kucokera ku mizimu seveni yamene ili pamanso ya mpanda wake wacifumu, ⁵ nakucokera kwa Yesu Kristu, wamene ali mboni yokhulupilika, wayamba kuvyalika kucokera kwa akufwa, na oweluza wa mafumu bali pa ziko la pansi. Kwawamene otikonda na kutimasula ku macimo basu mwa magazi bake - ⁶ watipangila ufumu, bansembe ba Mulungu wake na awisi-kwa eve kube ulemelelo na mphamvu ku nthawi zanthawi. Amen. ⁷ Onani, akuza na milumbi; liso lili lonse likamuone, kuikapo na bala bemgwaza. Mitundu yonse paziko likalire maliro cifukwa ca eve. Inde, Amen. ⁸ "Nine Alefa na Omega" Onena teto Ambuye mulungu, "wamene ali, wamene enze, na wamene akuza, wamphambu zonse." ⁹ Neo, Yohane - mnekwanu na wamene ogabana namwe mkuvutika na ufumu na kupilira moteka mtima vaneme vili mwa Yesu -enze pa cisumbu Patmo kamba ka mau a Mulungu na umboni wa Yesu Kristu. ¹⁰ Nenze mu mzimu pasiku la Ambuye. Necimvwa kuvuli kwangu mau akulu monga lupenga. ¹¹ Yeciti, "lemba yauona mbuku, nakuvitumizya ku macarici seveni - ku Efeso, ku Smuna, ku Pergamo, ku Tiyatira, ku Sarde, ku Filadefiyo, naku Laodikaya." ¹² Neceuka kuti nione kuti nilizu la bani lenzolabila nane, napineceuka neona voikapo nyali seveni vagolide. ¹³ Pakati pa voikapo nyali penze muyakine monga Mwana wa Munthu, Wobwala mkanjo utali wofwika pansi ku mapazi bake na lamba la golide pa cifuba cake. ¹⁴ Mutu wake na sisi venve vituba monga ubweya- na kutuba monga nicipale, cofewa, na menso bake benze monga ni malawi a mulilo. ¹⁵ Mapazi benze monga ni mkuwa wopukuta bwino, ngati ni mkuwa wapitishiwa mu mulilo. Na lizu lake lenze ngati ni manzi oyenda namphamvu. ¹⁶ Enze na nyenyezi seveni ku kwanja kwendi, na lupanga lakuthwa konse-konse yenzofuma mukamwa mwake. Cinso cake cenzobala monga ni zuba na mphamvu yake. ¹⁷ Penemuona, nepona pamapazi bake monga munthu wakufwa. Eika kwanja kwake kwendi pa neo nakuti, "Osayopa. Nine oyamba na osilizya. ¹⁸ Nawamene onkhala na moyo. Nenze wakufwa, koma ona, nunkhala namoyo nthawi za nthawi! Nili na makiyi ya ku imwa na Hade. ¹⁹ Mwa ici lemba vawaona, vamene vilipo, naviti vicitike vikapita ivi. ²⁰ Visinsi va tanthauzo ya nyenyezi seveni ziwaona mkwanja kwangu kwendi, na voikapo nyali seveni va golide: Nyenyezi seveni, na voikapo nyali seveni ni makacisi seveno."