¹ Pewela soti kuchela ku kapenao pepita masiku yatontho zenvweka kuti enze ku ng'anda. ² Anyinji eunjikana kuti kwenzenvye malo, Yesu ekamba nao mau. ³ Analume ayakine ewela nae munthu enze ozizila vizo; Banthu folo ndiye emuleta. ⁴ Aliokwanishe kufwika pafupi na Yesu cifukwa ca banthu benze bepaka, ekasula mtenje wang'anda nakulobesha mphasa penze munthu olwala. ⁵ Peona kukhulupilila kwao, Yesu echiti kwa olwala machimo yako akhululukiwa. ⁶ Alembi enze nkhale, enzo ganiza mu mtima mwao. ⁷ Lomba eve uyu munthu angalabile tyani teti? onyozela! nibani angakhululukile machimo koma Mulungu tyala?'' ⁸ Pamene apo Yesu eziba venzo ganiza m'mitima yao.Echiti kwa beve ,''Ndaba chinji muganiza teti m'mitima yanu? ⁹ Chapafupi nichinji kulabila kuli ozizila vizo, ' machimo yako yakhululukiwa olo kuti, nyamuka , tola mphasa yako ubekuya? ¹⁰ Koma kuti muzibe kuti mwana wa munthu anaulamulilo paziko ya pansi okhululukila machimo,'' ¹¹ Echiti kwa olwala, Nikuti kuli weo panama tola mphasa yako nkhoya kung'anda kwako.'' ¹² Pamene apo enyamuka notola mphasa yake,efuma mng'anda pamenso pa banthu onse, edabwa onse banthu notamanda Mulungu, echiti tikaliye onepo zoteti .'' ¹³ Ndipo eluta soti ku nyanja ,gulu ya banthu anyinji emukonkha ndipo ebaphunzisa. ¹⁴ Penzopita, eona Levi mwana wa alufeyo enze nkhale pa tenti yenzo tolelapo msonkho echiti kwa eve,'' nikokhe'', enyamuka nomukonkha. ¹⁵ Yesu enzo kulya mng'anda ya Levi na okhomesha msonkho, ochimwa pamozi na ophunzila bake , pakuti enze anyinji ndipo emukonkha. ¹⁶ Lomba afarisi, enze soti alembi, eona kuti Yesu enzo kulya na banthu ochimwa na okhomesha msonkho, echiti kwa ophunzila bake ,'' chifukwa akulya na okhomesha msonkho na banthu ochimwa?'' ¹⁷ Yesu pechinvwa izi echiti kuli beve, '' banthu oswala ofunika lini ng'anga pafupi,; tyala bala olwala ndiye ofunika ng'anga. Niliowelele banthu aliya machimo koma tyala ochima. ¹⁸ Ophunzila ba Yohane na afarisi enzo jungula vakulya. Kwewela banthu echiti, ''lomba chifukwa ophunzila ba Yohane na ba afarisi ojungula vakulya, koma banu yai? ¹⁹ Yesu echiti kuli beve , awela ku ukwati ango jungula kulya koma okwatila alipo? Malinga okwatila alipo, ali pa pamozi na okwatila anga jungule lini. ²⁰ Koma masiku akuza okwatila akayoluta kuchoka pali banthu bake ,amene ayo masiku, akajungule vakulya. ²¹ Kuliye munthu anaga tole nyula yanyuwane notungilila pa nyula chakale, kamba ka kusiyana kwa nyula izi, nyula ing'ambike nosiya chimulindi, soti vigamba vinkhale vikulene ngako lomba. ²² Kuliye munthu anga tole vinyu walomba noika mthumba yakale, ndaba vinyu ungaphulise thumba nochenekeka . Koma vinyu wanyuwane kuika mthumba yanyuwane''. ²³ Pa siku ya chibelu Yesu enzoenda m'minda yamapila ndipo ophunzila bake eyamba kutola mapila. ²⁴ Afarisi echiti kwa eve,'' onani, ''chifukwa ophunzila banu ochita voleshewa pa siku yalelo pa chibelu?'' ²⁵ Echiti kwa kuli beve,'' muliobelenge vechitichita Davite penze na njala na banthu benze nao- ²⁶ mwelutila mng'anda ya Mulungu apo lomba ninshi Abtyala enze mukulene wansembe, ndipo echilya buledi chosaloleka munthu aliyense koma tyala ansembe beka-beka , epasako nabala benze nao?'' ²⁷ Yesu echiti kuli beve, ''chibelu cheikiliwa munthu osati munthu kuikiliwa chibelu''. ²⁸ mwaichi, mwana wa munthu ni mbuye napa chibelu kumo.