¹ Pavuli pobadwa Yesu mu Betelehemu wa Yudeya mu masika a Herodi nkhosi, madoda ophunzila ofumila ku m' mawa efika mu Yerrusalemu eciti, ² "Alikuni eve wabadwa nkosi ya ayuda ?Taona nyenyezi yake ku m'mawa no wela kuti timulambile eve. ³ Herodi nkhosi pecimvwa ici, eve evutika, na Yerusalemu yonse yevutika naye ⁴ Herodi eleta pamozi onse akulu ansembe na olemba abanthu, na eve ebakonsha beve, "Nikuni kufunika kubadwila Kristu?" ⁵ Beve eciti kwa yeve, "Mu Bethlehemu wa Yudea,pakuti ici niye celembewa na muneneli, ⁶ Koma mweo, Bethlehemu, mu munzi wa Yuda, nimweo lini olekezyela pa olamulila, wati akaluse banthu bangu Isreali." ⁷ Apo Herodi mwamseli eita madoda ophunzila kuti abakonshe kuti ni nthawi yanji yeni yeni peyeonekela nyenyezi. ⁸ Ebatumizya beve ku bethlehemu,eciti, "Nkoyani mukafune fune mosamala mwana uyu.Mukamupeza eve,mukaniletele linyusa kuti na neo nikalute kuyomulambila yeve." ⁹ Pavuli pakumvwa nkhosi, beve eluta pa njila yao, na nyenyezi yebeona ku m'mawa yebasogolela beve mphaka peyewela no panama penze mwana wa khanda. ¹⁰ Beve pebeona nyenyezi ,bekhondwela na cikhondwelelo cikulu. ¹¹ Beloba munganda na kuona kamwana na Maliya nyina wake. Be ponela pansi nakumulambila.Evula cuma cao nomupasa mphso za golidi,lubani na mure. ¹² Mulungu ebacenjezya beve muloto kuti asawelele kuli herodi, teto beve bewelela kuya kwao mosebenzesha njila iyake. ¹³ Pavuli powelela beve, mungelo wa Ambuya eonekela Yosefe muloto nonena, "Uka, tola ka mwana na nyina wake , no utukila ku Eigupto.Mukankhale uko mphaka neo nikakhuuzye ,pakuti Herodi afune kamwana kuti akaononge keve." ¹⁴ Usiku ula Yosefe euka na kutola kamwana na nyina wake nakuya ku eigupto. ¹⁵ Eve enkhala kwamene kula mphaka imfwa ya Herodi. Ici cekwanilisha ce Ambuya enena kupitila muli muneneli, "Kufuma mu Eigupto neo naita mwana wangu." ¹⁶ Mwaici Herodi, Peciona kuti wapushikiwa na madoda ophunzila, ekalipa ngako. Eve etumizya no paya bana analume onse benze na zaka zibili nocepekelapo, monga mwa nthawi yecilinganizya kufuma ku madoda ophunzila. ¹⁷ Apa cekwanilishiwa cenenewa na muneneli Yelemiya. ¹⁸ "lizu lemvwika mu Ramah, kulila na malilo akulu, Rakele kulila bana bake,no kana kuti abindishiwe, pakuti bana eonongeka." ¹⁹ Pe ecifwa Herodi, Onani, mungelo wa Ambuya eonekela mu loto kwa Yosefe mu Eigupto nonena, ²⁰ "Uka notola mwana na nyina wake nakuya ku Isreali,pakuti enzofuna umoyo wa mwana ecifwa." ²¹ Yosefe euka,etola mwana na nyina wake nowela mu Isreali. ²² Koma pecimvwa kuti Akelausi niye enzo lamulila mu Yudeya mu malo mwa awisi Herodi, eve eyopa kuti aluteko. Pavuli pocenjezyewa eve na mulungu mu loto, eluta ku malo a Galileya ²³ na kuya nakukhala mu muzinda wa Nazaleti. Ici cekwanilisha cenenewa na aneneli kuti eve akaitiwe waku Nazaleti.