¹ Banyinji betola nchito yoika vinthu pamozi vekwanilisika kwa seo, ² monga mwetipasila seo kucokela kwa enzeo oyamba mboni zoona na nameso ndipo atumiki amau. ³ Teto zioneka bwino kwaneo soti, cifukwa nefufuza ngako zonse kufumila poyamba, kulemba mbili ya bwino ya weo, Teofilo wabwino kopambana. ⁴ Kuti ukazibe vithu vaceendi viwe phunzishiwa. ⁵ Mu siku za Herodi mfumu ya yudeya kwenze muyakina wa nsembe zina yake Zechariah ofumila ku gawo ya Abijah; Mukazi wake Elizabeti enze soti wamu banja ya Aroni. ⁶ Benze olungama bonse pameso pa mulungu, beyenda mwangwilo mu malamulo na viphunzisho va ambuye. ⁷ Koma enzeve mwana kamba ka kuti elizabeti enze cumba, ndipo benze bachikulile pa nthawi iyi. ⁸ Lomba ce citika kuti zechariah enze pameso pa mulungu,kucita nchito za nsembe kulingana na gawo yake. ⁹ Kulingana na lamulo lo sakha wasembe wati atumikile, esankhiwa mwa mayele kuti alobe munganda ya mulungu kuti apereke nsembe. ¹⁰ Gulu yonse ya banthu yenzo phepela panja pa nthawi yo pereka nsembe yopyeleza. ¹¹ Lomba m'ngelo wa mbuye eonekela kwa yeve no panama kulakwendi kuguwa ya nsembe. ¹² Zechariah peona m'ngelo, evutishiwa, ndipo matha yemugwila. ¹³ Koma m'ngelo eciti kwa yeve, ''osa yopa, Zechariah, cifukwa phepelo yako yavwika. Mukazi wako elizabeti akakhuvyalile mwana mwanalume.mukamuyite kuti yohane. ¹⁴ Mukankhale na cimwemwe na cisangalalo, ndipo banyinji baka khondwele paku vyalwa kwake. ¹⁵ Pakuti akabe mukulene mu meso ya ambuye. Ofunikalini kumwa vinyo kapena cakumwa cikali ,ndipo akazaziwe na mzimu utuba kucokela mumala mwanyina. ¹⁶ Anyinji amubanja ya isreali akawelele kwa ambuye mulungu wao. ¹⁷ Akayende pameso pa mulungu m'mzimu na mphamvu ya eliya, akawezyele mitima ya atata ku bana na osavwa kuzelu za olungama-kuti akozele ambuye banthu bokozekewa kwa eve.'' ¹⁸ Zechariah eciti kwa mungelo, ''Ningazibe motyani izi?pakuti nili munthu wokalamba ndipo mkazi wangu nimkulu.'' ¹⁹ M'ngelo eciti kwa yeve, ''ni neo Gabriel, opanama pameso pa Mulungu.netimiwa kulabila na weo,kuleta uthenga uyu wabwino. ²⁰ Onani ukhale tyala zii,osalabila,kufwika siku zinthu izi zikacitike,kamba kakuti uliye khuluphilile mau bangu, amene akakwanilishike yoyenela.'' ²¹ Lomba banthu bezoyembekeza zachariah.bedabwa kuti ekhalamo nthawi itali mkacisi. ²² Koma pefuma panja ,aliye labile nao.Beziba kuti eona mesophenya peze mukacisi. Epitilizya kupeleka vizindikilo kwa beve koma enkhala phela zii. ²³ Zecitika pe masiku yake ya nchito yesila, eluta ku n'ganda kwake. ²⁴ Pepit masiku aba,Elizabeti mukazi wake enkhala navumo ndipo mwezi five enkhala mofisama. eciti, ²⁵ ''Ici nicamene ambuye bacita kwa neo penilanga na cifundo kuti afumye nsoni pameso ya banthu.'' ²⁶ Mu mwezi wa sikisi,m'ngelo Gabriel etumiwa na mulungu ku mzinda mu galileya loitiwa Nazaletii, ²⁷ kwa namwali yepiwa ubwenzi na lidoda zina yake yenze yosefe, enze banja ya david, ndipo namwali zina yake maliya. ²⁸ Ewela kwa eve ndipo eciti ,Moni, weo okhondewa ngako! ambuye alinawe." ²⁹ Koma enzesokonezeka na mau yake ndipo edabwa kuti nimoni otyani woteti. ³⁰ Mngelo eciti kwa eve, "usayope, Maliya, wakondelewa na Mulungu. ³¹ Ona, ukankhale na pakati m'mala mwako ndipo ukabale mwana mwanalume. Ukamuite zina yake 'Yesu.' ³² Akankhale opambana ndipo akaitiwe mwana wakululu. Ambuye Mulungu akampase mpando wa ufumu wa makolo bake Davite. ³³ Akalamulile mnanda ya Yakobo mpaka kale-kale, ndipo kunkhale kuliye kusila ufumu wake. ³⁴ Maliya eciti kwa Mngelo,"zikacike tyani izi, pakuti nikaliye zibe mwanalume aliyense?" ³⁵ mngelo eyankha nakuti kwa eve,"Mzimu oyela ukawele pa weo, ndipo na mphamvu za kululu zikawele pa weo. Teto mtuba mtuba akuyobadwa akaitiwe kuti mwana wa Mulungu. ³⁶ Ona, mbululu wako Elizabeth naye enkhala na vumo ya mwana mwanalume mkukalamba kwake. Uno ni mwezi wake wa sikisi, eve enzoiyiwa kuti osabala. ³⁷ Pakuti kuliye cosatheka na Mulungu." ³⁸ Maliya eciti, "onani, nine kapolo mwanakazi wa Ambuye. Lekani zinkhale teto kwangu monga mwa uthenga wanu." Ndipo mngelo emusiya. ³⁹ Ndipo Maliya enyamuka mumasiku bala mwamsanga eluta ku munzi waku malupili, mumzinda wa Yudeya. ⁴⁰ Eloba mnanda ya Zakaliya na kupasa moni Elizabeti. ⁴¹ Lomba zecitika kuti Elizabeti pecimvwa moni wa Maliya, mwana m'mala mwake elumpha, ndipo Elizabeti ezujyiwa na mizimu woyela. ⁴² Ekweza mau bake nakulabila kuti mokuwa, "wodalisika ni weo pakati pa manina, ndipo codalisika cipaso ca m'mala mwako. ⁴³ Cacitikilanji kwa neo kuti amai ba Ambuye awele kwa neo? ⁴⁴ Poti ona, pinamvwa moni wako m'matu mwangu, mwana m'mala mwangu walumpha na cimwemwe. ⁴⁵ Wodalisika ni wala wokhulupilila kuti kukankhale kukwanilishika kwa vinthu veujyiwa kwa eve na Ambuye." ⁴⁶ Maliya eciti, "moyo wangu uyamika Ambuye, ⁴⁷ ndipo mzimu wangu wesangalala mwa Mulungu mpulumusi wangu. ⁴⁸ Pakuti walanga pa kusauka kwa kapolo wake wa mwanakazi. Poti onani, kucoka lomba mbadwo onse ukoita neo wodalisika. ⁴⁹ Pakuti eve mkulu wanicitila vinthu vikulene, na zina yake ni ituba. ⁵⁰ Cifundo cake cunkhala kwa mbadwo na mbadwo kwa bala omuyopa eve. ⁵¹ Waonesha mphamvu zake na kwnja yake; wamwajya bala benzozikwaza pa maganzo ba mtima wao. ⁵² Wawisha bana ba mafumu pa mipando yao ya ufumu ndipo wanyamula bala osauka. ⁵³ Wazujya ba njala na vinthu va bwino, koma olemela wabacosa baliye kanthu. ⁵⁴ Wapasa Israeli kapolo wake, teto kuti bakumbukile kuonesha cifundo ⁵⁵ (mwelabilila ku makolo basu)kwa Abrahamu na mbadwo wake nthawi zonse." ⁵⁶ Maliya enkhala na Elizabeti kwa miyezi itatu ndipo ewelera ku nanda kwake. ⁵⁷ Lomba yefwika nthawi yakuti Elizabeti ankhale na mwana ndopo enkhala mwana mwanalume. ⁵⁸ Bapafupi naye na abululu bake becimvwa kutiAmbuye aonesha cifundo cao cikulene pa eve, ndipo besangalala na eve. ⁵⁹ Lomba cecitika pa siku ya eiti kuti bewela kumdulidwe wa mwana. Sembe bemuita kuti "Zakaliya," kufuma pa zina ya awisi bake. ⁶⁰ Koma anyina eyankha na kuti, "yai. akaitiwe kuti Yohane." ⁶¹ Beciti kwa eve, "paliye pakati pa abululu banu oitiwa na zina iyo." ⁶² Becita cizindikilo kwa awisi mwakufunila kuti eve aitiwe. ⁶³ Awisi eitisha colembapo nolemba, "zina yake ni Yohane." Onse enze odabwa pa ici. ⁶⁴ Pamene apo pakamwa pake pevulika na lilime yake yemasuka. Elabila na kuyamika Mulungu. ⁶⁵ Mantha yebakata onse benzonkhala pafupi nao. Nkhani izi zonse zemvwika m'malo onse ozungulila mizinda yali m'malupili ya ku Yudeya. ⁶⁶ Onse ecimvwa besunga m'mintima mwao, nolabila, "Nanga lomba uyu mwana akankhale otyani?" Pakuti kwanja ya Ambuye yenze na eve. ⁶⁷ Awisi bake Zakaliya enzezujyiwa na mzimu utuba ndipo enenera, eciti, ⁶⁸ "Ambuye ayamikike, Mulungu wa Israeli, poti wawela kuzotiyavya ndipo wakwanilisha kuombola banthu bake. ⁶⁹ Wanyamula lipondo ya cipulumusho mu nanda ya kapolo wake Davite ⁷⁰ (Mwelabilila na pakamwa pa aneneri bake atuba kale-kale), ⁷¹ cipulumuso kufumila ku adani basu ndipo kufuma ku kwanja ya onse bala otizonda. ⁷² Akacite ici kuonesha cifundo kwa Atata basu na kukumbukira cipangano cake cituba. ⁷³ Lumbilo yelabila kwa Abrahamu awisi basu. ⁷⁴ Elumbila kutipasa seo kuti, tikapumushiwe m'manja ya adani basu, nakuti tikamtumikire mosayopa ⁷⁵ mkutuba na mcilungamo pamenso pake m'masiku yasu yonse. ⁷⁶ Ee, na weo, mwana, ukaitiwe kuti mneneri wa, wa mululu, poti mukalute pamenso pa Ambuye kuyokonza njira yake, kukonzekera banthu za kuwera kwake, ⁷⁷ kupasa nzeru za cipulumusoku banthu bake mwacikhululukiro a macimo bao. ⁷⁸ Izi zikacitike kamba ka cifundo cake cikulene ca Mulungu wasu, cifukwa ca kufuma kwa zuba mululu kukawele kuzotiya seo, ⁷⁹ Kusanika pa bala ali mumdima na cimfwire ca imfwa. Akacite ici kusogolera mendo bansu mnjira ya mtendele." ⁸⁰ Lomba mwana ekula ndipo enkhala olimba mumzimu, ndipo mcipululu mpaka siku ya kuonekera kwake ku Israeli.