^{1 2 3} Poyamba penze mau, mau yenze na Mulungu, Mau yenze Mulungu. Uyu umozi enze na Mulungu poyamba. Vonse velengewa na eve, paliye eve kuliye olo cimozi sembe celengewa. ^{4 5} Mwa eve mwenze moyo, ndipo moyo yenze nyale ya banthu. Nyale yusanika mumdima, ndipo mdima ukangiwa kucingilizya nyale. ^{6 7 8} Penze munthu enze etumiwa na Mulungu, zina lake enze Yohane. Ewela nga nimboni kuzosimikizyila za nyale, kuti onse akhulupilile mwa eve. Yohane enze lini nyale, koma ewela kuti acitile umboni za nyale. ⁹ Nyale ya zoona, yupasa kuwala kwa banthu onse, yenzokuza mu ziko lapansi. ^{10 11} Enze mu ziko lapansi, calo cepangiwa na eve, calo cenzomuzibalini. Ewela kuli bake, ndipo bake aliyo mulondelele. ^{12 13} Kwa onse emulondelela, ekhulupilila mu zina lake, epasiwa mphanvu zonkhala bana ba Mulungu. Aba aliyobadwe mwa magazi, kapena kufuna kwa thupi, kapena kufuna kwa banthu, koma kwa Mulungu. ^{14 15} Mau ecizosintha nosanduka mubili nakuzonkhala pakati pasu. Teona ulemelelo wake, ulemelelo nga ni wala m'mozi yeka efumila kululu kwa Mulungu, ozula na cisomo na coonadi. Yohane ecitila umboni za eve ndipo efuula, kuti, Uyu ndiye m'mozi waneciti, Eve akuza kuvuli kwangu nimkulu kupambana neo, pakuti enzeko nakale lonse neo nikaliyo nkhalapo.'' ^{16 17 18} Pakuti mwakuzula kwake telondela cisomo pa cisomo. Pakuti malamulo epasiwa kupyolela mwa Mose. Cisomo na coonadi vewela na Yesu Kristu. Paliye eonapo Mulungu; Mulungu eka, aliku mbali ya Mulungu elengesha kuti Mulungu azibike. ^{19 20 21} Uyu ndiye umboni wa Yohane ayuda petuma ansembe na aLevi kuli eve kufuma ku Yerusalem kuzokonsha, kuti niwe bani?'' Elabila- aliokane, koma elabila- kuti Nine lini Kristu.'' Emukonsha, Niwe bani pela? Niwe Eliya?'' Eciti, '' Yai nineo lini.'' Eciti,'' Niwe mneneli?'' eyankha, eciti ''Yai.'' ^{22 23} Koma eciti kuli eve, Niwe bani, kuti tipeleke yankho kuli atituma? Ko weo uziita kuti niwebani?'' Eyankha,'' nine mau, nufuula mu cipululu: ' konzani njila ya ambuye kuti ilongosoke,' mwecinenela mneneli Esaya.'' ^{24 25} Lomba ayakine etumiwa enzofuma kwa afarisi, emukonsha eve kuti, Cifukwa ninji weo ubatiza ngati niwe lini kristu kapena Eliya olo mneneri?'' ^{26 27 28} Yohane ebayankha, '' Nubatiza na manzi. Pakati panu muyakine alipo umusaziba. Ndiye akuza kuvuli kwangu, wakuti ninga kwanishe lini kumasula nthambo za nsapato zake.'' Ivi vintu vecitikila ku beteniya kumbali iyakine ya Yorodani, Kwenzo batizila Yohane. ^{29 30 31} Siku yokonkhapo Yohane eona Yesu akuza kuli eve, nolabila kuti ,'' Onani, nkhosa ya Mulungu yufumya macimo ya ziko lapansi! Ndiye wanenzo nena kuti, nimkulu pali neo, pakuti enzeko neo nikaliyo nkhalapo; Nenzo muziba lini, koma zenzeteto kuti akazibishiwe kuli Israele kuti newela kunzo batiza na manzi.'' ^{32 33 34} Yohane ecitila umboni kuti,'' neona mzimu kuseluka ngani ni nkhunda kufuma ku lulu, wecizonkhala pali eve. Niliyomuzibe, pali eve mukaone mzimu kuseluka nakuzonkhala pali eve, ni eve obatiza na mzimu utuba. Naona vonse nakucitila umboni kuti uyu ndiye mwana wa Mulungu.'' ^{35 36} Soti, siku yacibili, Yohane penze cilili na ophunzula bake abili, eona Yesu kuyenda pafupi, eciti, ''Onani nkhosa ya Mulungu!'' ^{37 38 39} Ophunzila bake abili abili emunvwa kulabila teto ndipo emukonkha Yesu. Yesu ecunguluka naku baona kuti enzo mukonkha eciti kuti kuli beve, '' Mufuna nanji?'' eyankha, ''Rabi'' (kumasulila kuti ''mphuzisi''), Munkhala kuni?'' Eciti kuli beve, '' welani muone.'' Ewela kuzuona penzo nkhala; enkhala nae iyo siku, yenze nthawi ya teni koloko. ^{40 41 42} M'mozi mwa bala abili ecivwa Yohane kulabila ekonkha Yesu Ndeleya, mkwao Simon Petulo. Eyamba kupeza kwao coyamba eciti kuli eve,'' Tapeza Mesiya'' ( Kumasulila kuti Kristu). Emuleta kuli Yesu, ndipo Yesu emulanga eciti,'' Ndiwe Simon mwana wa Yohane. ukoitiwa kuti Kefasi'' (Kutanthauza kuti Petulo). ^{43 44 45} Siku yokonkhapo, Yesu enzofunoluta ku Galileya, epeza Filipo eciti kuli eve, Nikonkhe.'' Filipo enze waku Betiseda, mzinda wa Ndeleya na Petulo. Filipo epeza Nataniyeli eciti kuli eve,'' Kuli eve wamene Mose elembelako malamulo, na aneneli, tamupeza: Yesu mwana wa Yosefe, ofumila ku Nazareth.'' ^{46 47 48} Nataniyeli eciti kwa eve, ''kuli vabwino vingafume mu Nazareti?'' Welani muone.'' Yesu eona Nataniyeli akuza kuli eve eciti za eve,'' Ona, mu Israele wene wene wakuti mwa eve muliye cinyengo!'' Nataniyeli eciti kwa eve,'' Akaliyokuita Filipo , pawenze pansi pa cimuti ca mkuyu, nekuona.'' ^{49 50 51} Ntaniyeli eyankha kuti,'' Rabi, nimwe mwana wa Mulungu! Nimwe mfumu ya Israele!'' Yesu emuyankha kuti,'' kamba kakuti nakuuzya kuti nekuona mnyansi mwa cimuti ca mkuyu; ukhulupilila? Uone vinyinji kupambana ivi, Eciti, '' Zoona zoona, nikuti kuli mweo, mukaone m'mululu kuseguka, na angelo ba Mulungu kuseluka nakukwela pali mwana wa munthu.''