¹ Paulo, mtumwi- osati mtumwi kucoka ku banthu kapena kutumiwa na umunthu, koma mwa Yesu Kristu na Mulungu Atate, emuusha kwa akufa- ² na anekwasu onse ali naneo, kuma chalichi yamu Agalatiya: ³ Cisomo kwa mweo na mtendele kufuma kwa Mulungu Atate na Ambuye Yesu Kristu, ⁴ ezipeleka mumalo mwamacimo yasu kuti atiombole kumukhalidwe uipa wa mtundu uno, mwacifunilo ca Mulungu Atate, ⁵ kwa yeve ulemelelo osasila. Ameni. ⁶ Nine odabwa kuti muwelela mwamusanga kucoka kwa ekuitani mwa cisomo ca Krstu. Nine odabwa kuti mwayamba kukonkha ciphunziso ciyakine, ⁷ osati kuti pali ciphunziso ciyakine, koma pali madoda yaikine oleta musokonezo kwa mweo ndipo ofuna kusintha uthenga wabwino wa Kristu. ⁸ Koma olokuti seo kapena mungelo ocokela kululu awele kuzolalikila uthenga osiyana nawetelalikila seo kwa mweo, lekani atembeleleke. ⁹ Mwetelabilila poyamba, nalomba pano nulabila soti, ''Ngati muyakine olalikila uthenga osiyana na wemwelandila, lekani atembeleleke.'' ¹⁰ Ndiyekuti lomba nufuna mbali ya banthu kapena ya Mulungu? Nufuna kukondwelesha banthu? Ngati nikali kufuna kukondwelesha banthu, ndiye kuti ninelini kapolo wa Kristu. ¹¹ Cifukwa nufuna muzibe, anekwasu, kuti uthenga wenelalikila niwa munthu lini. ¹² Niliye ulandile kucokela ku munthu aliyense, niliye phunzisiwe na munthu. Koma, cenze mwa civumbuluso ca Yesu Kristu paneo. ¹³ Mwecimvwa za moyo wangu wakale muciyuda, mwenenzo mangila chalichi ya Mulungu kupyola muyeso ndipo nenzofuna kuti niononge. ¹⁴ Neluta pasogolo muciyuda kuposa wonse benze nthanga yangu. Ndiye cidwi cenenzo naco pa mwambo wamakolo bangu. ¹⁵ Koma Mulungu, ndiye enipatula kucokela mumala mwamama, ndiye eniita mwa cisomo cake, ¹⁶ cemuwamijya kuvumbulusha mwana wake mwaneo, kuti nikalalikile za yeve pa amitundu, niliye fufuze mwamusanga mwathupi na ngazi. ¹⁷ Niliye lute ku Yerusalemu kwabala enkhala otumiwa neo nikaliye. Mumalo mwake, neluta ku Arabiya nowelela soti ku Damasiko. ¹⁸ Pepepita zaka zitatu neluta ku Yerusalemu kuti nimuzibe Kefasi ndipo nenkhala naye masiku fifitini. ¹⁹ Koma niliye onane na otumiwa aliyense koma Jemusi, mukwao wa Ambuye. ²⁰ Pa vanakulembelani, nukusimikijyilani pameso pa Mulungu kuti nunamalini. ²¹ Ndipo neluta ku mizinda ya Asiliya na Silisiya. ²² Nenze nikaliye zibike pa meso ku Yudeya ali mwa Kristu. ²³ Bengokumvwa vukambika, ''Lidoda lenzo manga seo lomba yayamba kulalikila mbili ya bwino yaci cikhulupililo cenzofuna kuononga poyamba.'' ²⁴ Belemekeza Mulungu kamba ka neo.