¹ Monga mweo, mwenze akufwa muvoifya vanu pakucimwa kwanu. ² Vamene kale meyendamo monga mwacenkhalila calo cino. Mwenzonkhala monga mwa ukulu wa ulamulilo wa ukulu wa mululu, mzimu wogwira nchito mu bana osamvwa. ³ Tonse kale tenkhalapo pakati pa aba banthu, kukwanilisha vilakilako viipa vakumubili wasu, nakucita vilakolako vamubili na vamaganizo. Tenze mwacinkhalidwe bana ba ukali, monga banthu bonse. ⁴ Koma mulungu niolemera mcifundo kamba ka cikondi cake cikulu cetikonda naco. ⁵ Patenze bakufwa mu voifya, etipanga kuba bamoyo na Kristu- mwaciso mwepulumusiwa. ⁶ Mulungu etiukisha pamozi na Kristu, Mulungu etinkhazika m'malo akululu mwa Kristu Yesu, ⁷ Koteto kuti mnthawwi ikuza akationeshe kulemera kwake kuliye muyeso kwa cisomo kwake kweoneshewa mkuwama mtima kwake pa seo mwa Kristu Yesu. ⁸ Pakuti mwacisoo mwepulumusiwa mwacikhulupililo, ndipo ici ciliye fumile kwa mweo, nicopasiwa ca Mulungu, ⁹ Osati mwa nchito, kuti muakine asazikweze. ¹⁰ Pakuti nise copangiwa ca Mulungu, olengewa mwa Kristu Yesu kucita nchito za bwino zamene Mulungu endandamika kale-kale za seo, koteto kuti tikayende mwamene. ¹¹ Mwaici kumbukilani kuti kale mwenze amitundu mumubili. Muitiwa "osatendewa" na camene cuitiwa "kutendewa" mumubili opangiwa na manja ya munthu. ¹² Pakuti pa nthwi lila mwenze ocosewako kwa Kristu, alwendo mu unzika wa Israeli, bacilwendo ku pangano la lonjezo, baliye ciyembekezo na baliye Mulungu mcalo. ¹³ Koma lomba mwa Kristu Yesu mweo mwenze kutali na Mulungu mwaletewa pafupi mwa ngazi ya Kristu. ¹⁴ Pakuti ndiye mtendele wasu. Epanga abili kunkhala umozi. Mwamubili efwaya cipupa ca udani wamene wetigabanisha. ¹⁵ Ndiye kuti, efumya malingizo ya malamulo na voikiwa kuti akalenge munthu umozi walomba mwa eve eka, kkuti akapange mtendele. ¹⁶ Kristu oyanjanisa banthu bonse mumubili umozi mwa Mulungu mwa mtanda, nopaya udani. ¹⁷ Yesu ewela na kulalikila uthenga wa bwino wa mtendele kwa mweo mwenze kutali na mtendele kwa bala bemze pafupi. ¹⁸ Pakuti mwa Yesu tonse tili nao umwai mumzimu umozi kwa Atata. ¹⁹ Moteto, lomba mweo amitundu nimwe lini soti alwendo nabaliye kwao. M'malo mwake nimwe nzika pamozi na banthu atuba ba Mulungu na bamu banja la Mulungu. ²⁰ Mwamangiwa pa mziko ya otumiwa na aneneri, na Kristu mwine ndiye mwala wa pa ngondya. ²¹ Mwa eve nanda yonse yukana pamozi ndipo yukula ngati kacisi mwa Ambuye. ²² Ni mwa eve kuti namwe mweo mumangiwa pamozi ngati malo onkhalamo amulungu mwa mzimu.