¹ Mkuleni wa kwa Gayo, wumukonda mcoona. ² Wacikondi , nupemphela kuti vonse vukuyendela bwino na kuti ube na moyo wa bwino, mwazilili bwino na moyo wako. ³ Ndaba nukondwela pamene anekwasu pakuza okucitila umboni pa coona cako, monga mwauyendela mcoona. ⁴ Niliyeciwemwe ciyakine n'nga niici, kumvwa kuti bana bangu oyenda mcoona. ⁵ Okondewa muonesha kukhulupilika pali ponse pumugwila nchito ya anekwasu na batyala ⁶ ocitila umboni pa cikondi cako pamenso pa mpingo. Ucita bwini kubatumizhya pa ulwendo wao mnjira ya bwino yofunikila kwa Mulungu, ⁷ cifukwa beluta ndaba ya zina yabelutila, osatola ciliconse kufuma kuba mitundu. ⁸ Seo lomba tufunika kubalandila oteto kuti tibe anchito ayao mcoona. ⁹ Nulemba vinthu ku mpingo, koma Deotrefe, okonda kuba oyambilila pakati pao otilandila lini seo. ¹⁰ Teto ngati nikuza, nikaike nzeru ku vakucita ku vocitika, kutilabilila viipa viliye nchito. Mosakwanilisha pa ivo, aliye kane tyala kulondela anekwasu, koma elesha nabala benzokuya kuyobalondela beve nobapilikisha mkachisi. ¹¹ Okondewa, osatolela viipa koma vabwino. Bala ocita vabwino ni ba Mulungu; ocita viipa aliye one Mulungu. ¹² Demeteliyo emucitila umboni wabwino kufumila kwa aliyense na coona ceka. Tucitila umboni nase za eve, na mweo muziba kuti umboni wasu niwacendi. ¹³ Nenze na vinyinji volemba kwa mweo, koma niliyefune kulemba na peni na inki. ¹⁴ Koma nufuna kukuona msanga, ndipo tizalabizhyane menso na menso. ¹⁵ Mtendele unkhale nawe. Ayako okupa moni. Upase moni ayasu uko mwa zina yao.