¹ Paulo, mtumiki wa Kristu Yesu kupitila mwa Mulungu, kulingana na lonjezo la moyo uli mwa Kristu Yesu, ² Kwa Timoti mwana okondewa: Cisomo, cifundo, na mtendele kufumila kwa Mulungu Atata na Kristu Yesu Ambuye wasu. ³ Nuyamika Mulungu, wanu tumikila kufumila kwa makolo bangu ecifwa kale, na malingalilo ya tuba, mwanu kukumbukila mosalekejya mumapempelo yangu usiku na muzuba. ⁴ Nikakumbukila misozi yako, nuyewa kukuona, kuti ninkhale ozula na cimwemwe. ⁵ Nakumbushiwa za cikhulupililo cako cacendi, poyamba cenze mwa ambuya bako anakazi a Loisi na anyina wako a Yunike, ndipo nusimikijya kuti cili soti mwa weo. ⁶ Ni cifukwa cake nukukumbusha kuti uyashe soti mphaso ya Mulungu ili mwa weo yewela kupitila mwa kuikiwa manja bangu. ⁷ Ndaba Mulungu aliye tipe mzimu wa mantha , koma wa mphamvu na cikondi na ulemu. ⁸ Teti osaba na soni na umboni wa Ambuye wasu, na neo, Paulo, Mkaidi wake. Moteto, gabana naye mavuto kamba ka uthenga uweme kulingana na mphave ya Mulungu. ⁹ Ni Mulungu eti pulumusha seo nakutiita na kuitiwa kutuba. Ecita ici osati kulingana na nchito zasu koma kamba ka cilingo cake na cisomo. Etipa vinthu ivi mwa Kristu kale- kale ziko ikaliye lengewa. ¹⁰ Koma lomba cipulumuso ca Mulungu cavumbukila mkuonekela kwa Mpulumusi wasu Kristu Yesu. Ni Kristu esilijya imfwa noleta moyo usasila kupitila mu uthenga wabwino. ¹¹ Kamba ka ici, neikiwa kunkhala olalikila, mutimiki, ndipo na ophunzisa. ¹² Kamba ka ici, nusauka naivi vinthu. Koma, niliye, soni, ndaba numuziba unukhulupilila. Nuziba kuti okwanisha kusanga zila zinesungijya yeve mpaka siku ila. ¹³ Sunga cisanzo ca mau yomvwika bwino yewecimvwa kwa neo, mwa cikhulupililo na cikomdi vili mwa Kristu Yesu. ¹⁴ Cinthu cabwino ceyika Mulungu mwa weo, cicinjilijye kupitila mu Mzimu Utuba, onkhala mwa seo. ¹⁵ Uziba ici, kuti onkhala mu Asiya enikana neo. Ndipo pa gulu ili pali Fugelo na Hermogene. ¹⁶ Lekani Ambuye amvwile cifunda banja ya Onesiforo, ndaba eniyavya ndipo aliye cite soni ndaba pakuti nenze omangiwa. ¹⁷ Lomba, penze mu Aroma, enifuna-funa ngako mpaka kunipeza. ¹⁸ Ambuye amupe cisomo pa siku ila. Njila zonse zeniyavyilamo mu Aefenso uziba bwino.