¹ Kufumila kwa lidoda kuya kwa linina yosaukiwa nabana bake, wakukonda mwacendi osati neo neka, koma na onse bala benze ba coona- ² cifukwa ca coona cenkhala mwa seo nakuba ma seo mpaka kale-kale. ³ Cisomo, cifundo na mtendele vibe na seo kufuma kwa Mulungu atata na kwa Yesu Kristu, mwana wa Atata, mu coona ca cikondi. ⁴ Nukondwala ngako kuti napeza bayake mwa bana bako boyenda mcoona monga mwatelandililila lamulo ili kufuma kwa atata. ⁵ Lomba nukusenga weo, linina- osati n'nga nulemba kwa weo lamulo la lomba, koma imozi yetenkhala nayo kufumila poyamba- kuti tufunika kukondana na bayasu. ⁶ Ici nicikondi, kuti tikoyenda monga mwamalamulo bake. Iyi ni lamulo, monga mwabemvwila poyamba kuti ufunika uyendemo. ⁷ Banyinji onyenga aloba mcalo, ovomelezhya lini kuti Yesu ewela mu mubili. Uyu nionyenga na osakhulupilila Kristu. ⁸ Langa weka kuti usatae vinthu vigwilila nchinto yobebesha, koma kuti ukalandile mphaso mokwanila. ⁹ Aliyense akuya pasogolo koma osankhala m'maphunziso ya Kristu aliye Mulungu. Wala m'mozi wonkhala mciphunziso ali na vibili Atata nwa mwana. ¹⁰ Ngati muyakine akuza kwamweo koma osaleta ciphunziso ici, osamulandila mnanda mwanu osamupasa na moni. ¹¹ Poti bala olabila no mupa moni ocita naye vakucita viipa ¹² Nili na vintu vinyinji vakuti nikulembele weo, koma niliye fune kuvilemba pa pepala na inki. Pakuti ziliteto, nufuna funa kuza kwa weo nakuzolabilz nawe menso na menso, kuti cimwemwe casu cikakwanilishike. ¹³ Bana ba mulongosi wako osankhiwa okupasa moni.