¹ Bana, nulemba izi zinthu kwa mweo kuti musacimwe. Koma ngati muyakine wacimwa, tilinaye wotikambilako ali na Atata, Yesu Kristu, eve ali oyela. ² Ndiye citetezo ca macimo yasu, osati basu tyala, koma soti na ziko yose. ³ Tuziba kuti tawela kuzomuziba eve, ngati tusunga malamulo yake. ⁴ Eve okamba kuti ''Numuziba Mulungu'' koma osunga lini malamulo yake niwawenye, ndipo coonadi sicili naye. ⁵ Koma aliyense osunga mau yake, muliyeve zoona cikondi ca Mulungu cayelesewa. Mwaici taziba kuti tili mwa eve: ⁶ aliyense okamba kuti ankhala mwa Mulungu ofunika yeka soti kuyenda monga mweyendela yeve. ⁷ Okondewa, nulemba lini lamulo lalomba kwa mweo, koma lamulo lakale yamwankhala nayo kucokera paciyambi. Lamulo yakale ni mau yemwecivwa. ⁸ Nulemba lamulo ya lomba kwa mweo, yamene niyazoona mwa Kristu na mweo, cifukwa mudima ukuya, ndipo nyali yazoona yuwala kale. ⁹ Eve okamba kuti ali mukuwala ndipo ozonda mbale wake ali m'mdima kufikila lomba. ¹⁰ Eve okonda mbale wake onkhalilila mukuwala ndipo kuliye mpata wakugwa mwa eve. ¹¹ Koma yeve ozonda mbale wake ali m'mdima ndipo oyenda m'mdima; oziba lini kokuya cifukwa mdima wamuvala meso. ¹² Nulemba kwa mweo, bana, cifukwa macimo yanu yakhululukiwa cifukwa ca zina yake. ¹³ Nulemba kwa mweo, atata, cifukwa muziba eve aliko poyamba. Nulemba kwa mweo, bana amuna, cifukwa mwa pambana yeve oipa. ¹⁴ Namulembelani mweo, bana, cifukwa muziba Atata banu. Namulembelani mweo, atata, cifukwa m'muziba eve aliko poyamba. Namulembani mweo, bana amuna, cifukwa muli na mphavu, ndipo mau ba Mulungu onkhala mwa mweo, ndipo mwapambana yeve oipa. ¹⁵ Musakonde ziko kapena zinthu zili mu ziko. Ngati wina aliyense akonda ziko, cikondi ca Atata sicili mwa yeve. ¹⁶ Pakuti vonse vili mu ziko- vokhumbwa va thupi, vokhumbwa va meso, na vonunkhila va moyo- sivicokela kwa Atata koma ku ziko. Ziko na vilako-lako vikalute. ¹⁷ Koma aliyense ocita cifunilo ca Mulungu akankhalepo nthawi yonse. ¹⁸ Bana, ni nthawi yosilijya. Monga mwamene mwavwilila kuti osushyana na kristu akuza, lomba anyinji osushyana na kristu awela. Mwaici tuziba kuti ni nthawi yosilijya. ¹⁹ Beluta kucoka kuli seo, koma sibenze ba kwa seo. Ndaba kuti benze ba kwaseo sembe enzenkhalanase. Koma pebeluta, ceoneshya kuti benzelini ba kwa seo. ²⁰ Koma muli na muzozo kufumila kwa Oyela, ndipo monse muziba. ²¹ Niliye mulembeleni cifukwa muziba lini ca zoona, koma cifukwa muziba ndipo cifukwa wenye ufuma lini mucoonadi. ²² Wawenye nibani kuma ula okana kuti Yesu ni Kristu? Ula munthu niosushana na kristu, pakuti okana Atata na Mwana. ²³ Paliye okana Mwana ali na Atata. Aliyense ovomelekejya Mwana alisoti na Atata. ²⁴ Koma mweo, lekani camwavwa kufumila poyamba cinkhale mwa mweo. Ngati cimwecivwa kufumila poyamba cunkhala mwa mweo, namwe munkhale soti muli Mwana na Atata. ²⁵ Iyi ndiye lonjezo yetipasa seo- moyo wosatha. ²⁶ Nalemba vinthu ivi kwa mweo za bala angakutayisheni. ²⁷ Koma mweo, muzozo umwelandila kufumila kwa yeve unkhale mwa mweo, ndipo simufunikila aliyense kukuphunzisani. Koma pamene muzozo umuphunzisani vonse ndipo nizoona, niwawenye lini, ndipo monga mwakuphunzisilani, nkhalani mwa yeve. ²⁸ Lomba, bana, nkhalani mwa yeve kuti akuyoonekela tikankhale na phamvu ndipo osacita soni pameso yake okuwela. ²⁹ Ngati muziba kuti niwolungama, muziba kuti aliyense ocita vabwino abadwa kufumila kwa yeve.