¹ Ndipo Neo, anekwasu, nenzolabilalini namwe ngati banthu auzimu, koma monga banthu amuthupi, monga tulucece mwa Krist. ² Nekulyeshani mkaka, osati vakulya vokosa, ndaba mwenze mukaliye fikapo; ndipo nalomba mukaliye fikapo. ³ Pakuti mukali mu thupi. Ndaba ngati pali sanje na ndeo pakati panu, sindiyekuti mukali unkhala kulingana na thupi, sikuti mukaliuyenda kulingana na kankhalidwe ka umunthu? ⁴ Pakuti ngati umozi akuti, "Nukonkha Paulo," ndipo muyakine akuti, "Nukonkha Apolo," Sinimwe banthu tyala? ⁵ Lomba Apolo nibani? Nanga Paulo nibani? Atumiki elengesha kuti mukhulupilile monga mwepasila nchito Mulungu kwa aliyense. ⁶ Neo necala ndipo Apolo ethilila, koma Mulungu ekulisha. ⁷ Lomba ula ocala na ula othilila nikanthu lini. Koma ni Mulungu okulisha. ⁸ Lomba ula ocala na ula othilila niamozi, ndipo aliyense alandile malipilo bake kulingana na mwesebenzela. ⁹ Pakuti nise anchito osebenza pamozi na Mulungu. Nimwe munda wa Mulungu, cipupa comanga Mulungu. ¹⁰ Kulingana na cisomo ca Mulungu cenepasiwa monga oziba bwino nchito ya mamangidwe, neika maziko ndipo muyakine omangapo. Koma aliyense asamale mwakumangilapo. ¹¹ Pakuti paliye angayike maziko yayakine kuposa yeikiwa kale, niye Yesu Kristu. ¹² Lomba ngati munthu omanga pama ziko ya golidi, siliva, miyala ya mtengo wapatali, nkhuni, uzu, kapena viputu, ¹³ nchito yake ikaonekele, ndaba kuwala kwa siku kuka vumbulushe. pakuti vikavumbulukile mumoto. Moto ukaoneshe muyeso wa nchito yecita aliyense. ¹⁴ Ngati nchito ya muyakine ikankhalepo mphela, akalandile malipilo; ¹⁵ koma ngati nchito ya munthu aliyense ikashokewe, aka lunze teto, koma yeve yeka akapulumuke monga wacita kuutuka kufuma mumoto. ¹⁶ Ko muziba lini kuti nimwe chalichi ya Mulungu ndipo Mzimu wa Mulungu onkhala mwa mweo? ¹⁷ Ngati aliyense oceneka chalichi ya Mulungu, Mulungu akomuceneke naye. Pakuti chalichi ya Mulungu niyituba, ndipo niye mweo. ¹⁸ Pasapezeke ozinama. Ngati aliyense pakati panu oganiza kuti niwa nzelu mumubadwe uno lekani abe "opusa" kuti ankhale wanzelu. ¹⁹ Pakuti nzelu za ziko lino ni kupusa kwa Mulungu. Pakuti nicolembeka kuti, "Obakata yeve mukucenjela kwao." ²⁰ Koma soti, "Ambuye oziba kuti malingalilo ya anzelu niyatyalatyala." ²¹ Kamba ka ici, pasapezeke aliyense ozitukumula mu banthu. Vinthu vonse ivi ni vanu, ²² ankhale ni Paulo, kapena Apolo, kapena Kefa, kapena ziko, kapena Moyo, kapena imfwa, kapnea vinthu viliko lomba, kapena vinthu vikuza. Vinthu vonse ni vanu, ²³ ndipo nimwe a Krsitu, ndipo Kristu ni wa Mulungu.