¹ Muyakine angalabile kuti, "Ngati nicendi, lomba cuoneka kuti paliye phindu mukunkhala mu Yuda kuposa kunkhala wamitundu, ndipo kunkhala wamdulidwe kuliye phindu kwa seo Ayuda." ² Koma nukuujyani kuti kunkhala mu Yuda kuli na phindu ikulu ngako. Coyamba nicakuti, Nikumakolo yao Mulungu kwelabila mau yake, mau yoonesha seo kuti Mulungu nibani. ³ Niyekuti kusakhulupilila kwa AYuda kutanthuaza kitu Mulungu akuyodalisa lini kulingana na lonjezo? ⁴ Yayi, cutanthauza lini teto. Mulungu nthawi zonse ocita velonjeza, nanga kuti banthu ocita lini. Banthu onse onamijyila Mulungu kuti osunga lini lonjezo lake pa seo Ayuda anawenye. Mfumu Davide elemba pa ici: "Ndipo aliyense azindikile kuti vemwelabila pa beve ni vacendi, ndipo kuti mukuyo wina mlandu wakukunamijyilani kuti mucita lini bwino." ⁵ Lomba ngati Mulungu aliye tidalise ndaba tucita viyipa, tingakambe kuti Mulungu alibwino lini? Kuti aliyecite bwino potipasa cilango mu ukali wake? ( Nulabila monga mwakulabilila munthu aliyense.) ⁶ Tisalabile kuti Mulungu asatiweluze, ndaba ngati Mulungu oweluza lini niyekuti nicosatheka Mulungu kuweluza ziko! ⁷ Koma muyakine angayankhe, "Cakuti Mulungu osunga lonjezo cilipatuba ndaba, mwacisanzo, nanama wenye ndipo banthu ba lemekeza Mulungu pakuti ni wacifundo! Teto Mulungu asalabile kuti nipasiwe cilango kamba kakuti na cimwa, pakuti banthu omutamanda kamba kawenye! ⁸ Ngati weo, Paulo, vulabila nivacendi niyekuti tingacite viyipa kuti vinthu vabwino monga ivi vicitike!" banthu bayakine olabila viyipa pa neo ndaba okamba kuti nulabila lini bwino. Mulungu akuyo bapasa cilango olabila vinthu voteti pa neo, ndipo bakankhale oyenela kupasiwa cilango na yeve. ⁹ Lomba tilabile kuti Mulungu aticitile bwino kuposa Amitundu? Yayi tingalabile lini teti! Ayuda na Amitundu acimwa ndipo oyenela kupasiwa cilango. ¹⁰ Mau yosatila olembeka mumalemba yosimikijya teti, ¹¹ Kuliye oziba monkhalila bwino. Kuliye ofuna funa kuti azibe Mulungu! ¹² Aliyense wacoka pameso ya Mulungu. Mulungu obaona osobekela. Kkuliye ocita cilungamo; Yayi, kuliye nanga umozi! ¹³ Vakulabila banthu ni vawenye; monga fungo yucoka mu manda yakuti ayisegula. Navolabila, onamijya banthu. Navolabila vubaba banthu, monga ululu wa njoka ubaba. ¹⁴ Mosalekejya otembelela ayao ndipo olabila vintu viyipa. ¹⁵ Outukila kuyopaya banhtu. ¹⁶ Kulikonse kwabaluta oononga vonse ndipo oyika banthu mumavuto. ¹⁷ Baliye phunzile monkhalila na yao. ¹⁸ Okanilathu ku lemekeza Mulungu!" ¹⁹ Tuziba kuti ciliconse cayonena malamulo, ni ca ao oyenela kumvwila. Ici cutanthauza kuti Ayuda kapena Amitundu ofunika lini kulabila vilivonse vawenye ngati Mulungu ofuna yankho pa cimo yacitika. ²⁰ Nikamba lini kuti banthu bacita vakunenena Malamulo kuti Mulungu acose mbili ya mcimo yao ndaba paliye manthu ekhoza vinthu bwino-bwino. Cacendi ni ici, cufumapo pakuziba Malamulo ya Mululngu ni cakuti kuti tizibe kuti tacimwa. ²¹ Ngati Mulungu walabila kuti nise olungama nikamba lini kuti tumvwilila malamulo yecipa Mose. nicolembeka mumalamula ndipa napa aneneli kuti Mulungu okhulukilila munjila yosiyana. ²² Mulungu ofafaniza mbili ya macimo yasu ndaba tukhulupilila va wacita Yesu Kristu pa seo. Mulungu ocita teti pa munthu aliyense okhulupilila mwa Kristu ndaba ociona kuti paliye kusiyana pali Ayuda na Amitundu. ²³ Banthu onse bacimwa, ndipo aliyense wakangiwa ku kwanilisha fundo zeyika Mulungu pa beve. ²⁴ Mbili yasu ya macimo yafafaniziwa pakuti khulukila kumacimo yasu, mosacitapo kanthu kuti tipate. Kristu Yesu ekwanilisha ici pakuti ombola. ²⁵ Mulungu etionesha Kristu uyu, pa kucosa magazi yake pa seo, kuti tiwelele kwa Mulungu. Cikhululukilo cetigulila mwa imfwa yake cunkhala cikhululukilo tikayika cikhulupililo paveticitila. Sembe ya Kristu yutionesha kuti Mulungu ecita cilungamo. Ndaba munthu sembe aliye vumele kuti ecita cilungamo ndaba aliye tipase cilango pa macimo yetecita kuvuli. ²⁶ Koma Mulungu ecita cilungamo ndaba etuma Kristu kutifwela mumalo mwasu. Pocita teti, otionesha kuti niwacilungamo, ndipo oonesha nimwacilungamo kuti efafaniza mbili ya macimo ya aliyense oyika cikhulupililo mwa Yesu. ²⁷ Nikamba lini kuti tumvwila malamulo ya Mose kuti Mulungu ofafaniza mbili ya macimo yasu. Kuliye kuti tizitukumule kuti Mulungu otikonda ndaba timvwila malamulo yake. Mumalo mwake, ndaba tukhulupilila mwa Kristu kuti Mulungu efafaniza mbili ya macimo yasu. ²⁸ Ndipo cilipatuba kuti Mulungu niyeolengesha munthu kunkhala olungama ngati ula munthu okhulupilila mw Kristu- osati ndaba munthu omvwila lamulo. ²⁹ Mweo amene muli Ayuda musaganize kuti nimwemweka bati akalandile Mulungu! Mufunika kuti muzibe kuti akuyolandila na Amitundu, ³⁰ ndaba, pumukhulupilila molimba, kuli tyala Mulungu umozi. Ni Mulungu umozi wati akalengeshe Ayuda- oduliwa- olungama mwayeve ndaba okhulupilila mwa Kristu, ndipo ni Mulungu soti wati akalengeshe Amitundu- osaduliwa- olungama mwayeve, ndaba nao soti okhulupilila mwa Kristu. ³¹ Ngati mulabila kuti Mulungu niye otipanga olungama mwayeve ndaba tukhulupilila mwa Kristu, cutanthauza kuti lamulo liliye nchito? Yayi teti. Mumalo mwake, lamulo linanchito.