¹ Ndiha e ntaero habuso bwa Kiresite Jesu, ozyo na ature bahara niba fwire, mi kokaba kwakwe mu mubuso wakwe: ² Mukutaze ezywi. O litukiseze naho kwina nenja naha kwazya kwina nenja. Kusha tambura, kukanisa, ku susuweza, kenshe mi no ku zyiiza. ³ Kwara kezya enako eyo bantu kali ni ba tambure e ntuto zi haza. Kono, bara libikira abo beni ba zyiizwa kokuya ke ntakazo zabo. Bara likora kuteeza kwi ntuto enja. ⁴ Bara zwisa matwi abo kwi niti, mi bara zokera ku kwi ntuto kali ze niti. ⁵ Kono ewe, mu azyare nenja muzintu zonshe. Mushande mu mi tendo minene; mutede mitendo yo kutwara mazywi a Nyambe; mu tazereze zitendo zenu. ⁶ Kangu ndamani kutira. E nako yangu yo kuyenda yahuli. Ni ndarwa e ndwa e ndotu; ⁷ Ndahuli muma manikizo, Nda bika e ntumero. ⁸ O mushukwe oku ruka niwa bikirwa eme, eyo o Nfumu, muatuli arukite, nara ndiha he lyina ezyuba. Mi kali kwangu ndenke, kono nikwa bena bonshe abo niba shaka oku bonahara kwakwe. ⁹ Tende komo worera okezye kwangu wangu. ¹⁰ O hwere Kakuli Demasi na ndisiyi. Ashaka e fasi lya hanu mi shanayi kwa tesalonika. Kresensi naya kwa Galatia, mi Tite naya kwa Dalmatia. ¹¹ Luka yenke ndeye ena neme. Ohinde Mareka mi okezye neye kakuli ena chahwa entuso kwangu mu mutendo. ¹² Nda tuma tikiko kwa Efese. ¹³ Shaka no kezye, no ndihindire ebaki eyo ndasiya kwa Troasi ne Karpo, mi ne mbuka, sihuru zikabi ziñoretwe. ¹⁴ Alexandare, mumbuti we zisipi ze kopa nandi tenda zintu zibbi. O Nfumu nara mubozekeza ke ntikanyo ye zitendantu zakwe. ¹⁵ Newe oli babarele kwakwe, kakuli a rwisa mazywi etu chaha. ¹⁶ Mu kulitabilira entanzi, kwazya ozyo nazyimana neme. Kono, niba ndisiya. Zisiye kubalirwa kwabo. ¹⁷ Kono o Nfumu ndeye nandi zyimanina no kundi goresa kutaye, kangu, o burumiwa bu bumbilizwe, mi kutaye Machaba a shuwe. Mi ninda zyakwirwa ku muromo wa bandabu. ¹⁸ O Nfumu nara ndi zyakwira kumitendo yonshe yo bubbi mi nara tusa kutiye ndiwane omubuso we wuru. Kwakwe kube ne tubo kaimani. Amen. ¹⁹ Rumelise Purisila, Akwila, nibe njuo ya Onesiforasi. ²⁰ Erasitasi nasiara kwa Korinte, kono Trofimasi ni ndamureka mwa Miletusi narwara. ²¹ Mutende omo muworera ne mukezye e cheho ne chishini kuhura. Eubulusi ami rumelisa, ne Pudensi, Linusi, Klaudia, na bakwenu bonshe. ²² O Nfumu abe ne myuzya yenu. E chishemo chibe nenwe.