¹ Paulusi, muapositola wa Kiresite Jesu ko kushaka kwa Nyambe, ko kuya ke nsepiso yobuharo bwina kwa Kiresite Jesu, ² kwa Timonteya, mwanangu ozyu ashakiwa: Chishemo, enshee ne kozo kuzwa kwa Nyabe Tata ne Kiresinte Jesu Nfumwetu. ³ Ndilitumera kwa Nyambe, ozyo Ndi sebereza kuzwa ku bashukurwentu, ke ngazyaro icenete, shina ha ndi mi yazyara ke nako yonshe mutapero zangu masiku ne kamwi. ⁴ Sina ho ndihupura ezisozi zenu, ndiyazyara kumibona, ye ne ndizyure mboterwa. ⁵ Nenda azyara e ntumero yako, eyo neya hara katanzi kwa nyina kurwenu Loise ne njoko Yunisi. Mi ndizumina ye ihara ni kwenu bulyaho. ⁶ Lyinu nde baka Aho ndimi hupulisa ye mutatike e mpo izwa kwa Nyambe kokuya kokubikwa mayanja ha mitwi. ⁷ Kakuli Nyambe kali natuha ruho rwe ntiya, kono rwe nxgamu ne rato ne kute. ⁸ Kabulyaho mwaha fwi shoni ko bupaki ku amana no Nfumu, kapa me, Paulusi, mukwatwa wakwe. Kabulyaho, muliyabere mu kushanda kezywi ko kuya ke nxgamu za Nyambe. ⁹ Ndi Nyambe ozyo atuhaza noku tukuwa ko kucena. Na ntenda zo, kali ke zintendo zentu, kono kokuya ke mirero yakwe ne cishemo. Natuha zo zintu ka Kiresinte Jesu enako neishini kutatika. ¹⁰ Cware hanu e puruso ya Nyambe naya bonahara ko Muhazi Kiresite Jesu. Ndi Kiresinte ozyo nabika mamanizo efu nokureta obuharo obo kabumani kwi ntubo kuzwililira muzywi. ¹¹ Kebaka lyezi, Nenda supiwa kuba mukutazi, mu apositira, no muzyiizi. ¹² Kezi neme ninda shanda kwezi zintu. Kono kandi swabi, kakuli Ndi muzyi ozyo ndi zumina kwakwe. Ndi misusuwezwa ye awora kubika ezo nenda mita kutwara kwelyo zuba. ¹³ Mubike mu ntara we ntumero i sepahara mu mañusa awo nemwa shuwa kwangu, kentumero ne rato ezo zina kwa Kiresinte Jesu. ¹⁴ E zintu zirintu ezo Njambe nata kwenu, muzi mamare ko Ruho ru Cenete, oro ruhara kwentu. ¹⁵ Muzyi zi, ye boshe bakara mwa Asia neba ndi zokera. Mwechi cikwata mwina Figilasi ne Hamogenesi. ¹⁶ Njambe ahe enshee ku be njuo ya Onesifasi, na nditotoza mi kali na ndi swabera mu mawenge. ¹⁷ Kabulyaho, aho kena mwa Roma, na ndi shaka ke ntokomelo, mi na ndiwana. ¹⁸ Njambe amuhe kuwana cishemo kwakwe mwelyo zyuba. Nomwi njira zonshe na nditusa mwa Efasi, muzyi nenja.