¹ Mweyi njira, enwe muli betu muli bike mwinshi ya bakwame benu. ² Mupange ezi nanga ye abantu bamwi kaba kuteki ezywi, bawora oku koma nikwazya ezywi, ko buharo bwa betu. Ni bara bona e niti yo buharo bwako ne kute. ³ Kulizyabika kwenu kureke kuba kwa hanje: e nshuki zi shiminwe, tusinde twe gauda, kapa zizyabaro zirotu. ⁴ Kabulyaho, kuzyabara kwenu kube ko mukati ko mozyo, no burotu kabumani no ruho rutontorwe , orurotu habuso bwa Nyambe. ⁵ Abakentu bachenete nabo niba tenda zizo kuli botesa. Kabena e nsepo ku Nfumu mi niba libika mwinshi ya bakwame babo. ⁶ Mweyi njira Sara na kuteka Aburahama no kumukuwa nfumu wangu. Muli bane heba mutenda ezi rotu no kusa tiya obu kababu. ⁷ Mwinjira iswana, bakwame muhare na betu benu kokuya ko kushuwisisa, mbwe chibiko chazya manta, o mukentu.O rukere kubaha entumbo mbwe bakwenu ba jobwere mpo yo buharo. Mupange chi ye entapero zenu zasha kani ku tabiwa. ⁸ Ko ku manisereza, mwenshe, mufwane muku azyara, mube nenshe, kuli shaka mbwe bakwenu, kuba mozyo mirotu, no kuli bika mwinshi yibamwi. ⁹ Musiye kubozekeza bubbi ko bubbi kapa kutuka ko kutuka. Kabulyaho, muzwire habuso kufuyaura, kakuli kechi ni mwakuyiwa, kuta ye muwora kujobora e nfuyauzi. ¹⁰ "Ozyo ashaka kushaka buharo no kubona mazyuba marotu a rukere kuzyimika o rulimi ku bubbi no muromo uhoma. ¹¹ Mumu reke azoke kuzwa ku zibbi no kutenda zi rotu. Mu mureke ashake empore no kuichilira. ¹² A mensho o Nfumu abona bachenete, mi matwi akwe ashuwa enkupo zabo, Kono echifateho cho Nfumu kachi shuwani nabo ba tenda obubbi." ¹³ Ndini ozyo nami remeke heba mushaka ezi rotu? ¹⁴ Kono heba mushanda che baka lyo kuchena, mu fuyawirwe. Mwasha tiyi ezo ba tiya. Mwasha seswa. ¹⁵ Kono, mubike o Nfumu Keresite mu myozyo yenu ko kuchena. Moku litukiseze kutaba enkarabo kumuntu yenshe ozyo ami buza aho mwina ensepo kwa Nyambe. Mutende bulyaho ko kuli boza hanshi ni kekute. ¹⁶ Mube noku azyara nenja koku taye abantu abo batuka buharo burotu mwa Kiresite bawora kufwa enshoni kakuli bawamba kumirwisa mbwe muli batendi be zibbi. ¹⁷ Kwina burotu, heba Nyambe ashaka, kuta ye o shande koku tenda burotu kuhita kutenda bubbi. ¹⁸ Kiresite neye na shandira ezibbi. Ozyo achenete natu shandira, eswe kali katu chenete, kutaye batu rete kwa Nyambe. Na yayiwa ko mubuli, kono na busiwa ko Ruho. ¹⁹ Ko Ruho, nayenda noka kutaza ku ruho rwina muntorongo. ²⁰ Kali kaba chilira aho Nyambe kashina o mozyo mure aho kalindire mu mazyuba a Nuwe, mu mazyuba oku zyaka Areka, mi Nyambe nahaza a bantu abachenya - myuzya ye anja nito tatwe - ka menji. ²¹ Echi che chisupo che nkorobezo eyo imihaza hanu - kali koku sanza etukuta ha mubili, kulishumina ke zwaro lya Nyambe - koku buka kwa Jeso Kiresite. ²² Kiresite ena kwi anja lya malyo a Nyambe. Na yenda mwi wiru. Mangiroyi, be mirao, ne ngamu babotere kuli bika kwakwe.