¹ Fao anao ndraiky, mininàgna ze mifangnaraka amin'ny fagnanaragna marigny. ² Reo lalaha afa nahazo tagno dia tsy maintsy mahay mitondra taigna, maotigny, mahonon-taigna, matanjaka amin'ny finoagna, amin'ny fitiavagna, avakeo amin'ny faharaitagna. ³ Karaha zany koa reo vaiavy afa nahazo tagno dia tôkony hagnaboaka lalandava ny haigninjareo ho tsara fitondran-taigna, fao tsy mpivaolagn'ôlogno. Tsy tôkony ho andevozin'ny divay be zareo. Tôkony hampianatra zay tsara zareo ⁴ mbô hagnofagna reo vaiavy tanora ho taigna tia ny vady aman-janany manaokagna. ⁵ Tôkony hampianatra zareo hahonon-taigna, hadio, hikarakara tokantragno tsara, avakeo hankatô ny vadiny zareo. Tôkony hagnano zany zavatra jiaby zany zareo mbô tsy ho voaheso ny Koragnan-Jagnahary. ⁶ Karaha zany, ampaherezo reo lalahy mbôla tanora mbô hahonon-taigna. ⁷ Amin'ny fomba jiaby dia aboaho ny haigninao ho môdelin'ny reo asa tsara; avakeo izy koafa mampinatra anao, dia mampisehoa fahitsiagna ndraiky fahamendraihagna. ⁸ Mivaolagna hafatra salama ndraiky tsisy tsigny, mbô ho maignamaignatra zay manohitry na zôvy na zôvy, satria tsy managna na ino na ino ratsy hivolagnigny mahakasiky atsika izy. ⁹ Reo mpanompo dia tôkony hagneky ny tompony amin'ny raha jiaby. Hagnano zay sitrapôny fao tsy hifamaly aminazy. ¹⁰ Tsy tôkony hangalangalatra zareo. Fao, tôkony hampibaribary ny finoagna tsara jiaby zareo, mbô hampagnaiva ny fampianarantsika mahakasiky Zagnahary mpagnavotro atsika amin'ny lafiny jiaby. ¹¹ Fao afa niboaka tamin'ny ôlogno jiaby ny fahatsaran-Jagnahary. ¹² Mampianatra atsika tsy hagneky ny totry tsy araka an-Jagnahary ndraiky ny filagnan'ny zao tontolo zao zany. Mampianatra atsika hiaigny am-pihononagna, am-pahamarinagna, avakeo araka ny lalagnan-Jagnahary amin'ny zao vanimpotoagna avaizo zany ¹³ eo am-pandigniaisantsika fatatra zay hangalantsika ny fagnantinagna mafitsaratsara, ny fiboahan'ny vogninahitrin'ny Zagnahary goalahy ndraiky Mpagnavotro Jesôsy Kristy. ¹⁴ Jesôsy dia nagnamia ny haigniny atsika mbô hagnavotro atsika hiala amin'ny tsy fagnarahan-dalàgna jiaby ndraiky hagnadiovagna, ho an'ny haignianazy, ôlogno araiky manaokagna zay taigna mazôto hagnano asa tsara. ¹⁵ Ambarao avakeo ndeso ampaherezigny reo raha reo. Magnamaiza fagnitsiagna amin'ny fahefagna jiaby. Aza ambaila hoisy ôlogno hagnano anao tsisy dikany.