¹ Ary ny fôtotro ny raha jiaby volagninay dia zao: Atsika dia managna mpisôrogno be zay nipaitraka teo an-tagnank'ankaherin'ny dabilio fiandriagnan'ny lehy be vogninahitry agny andangitry. ² Izy dia mpanompo ao amin'ny toairagna masigny, lehy taberinakely marigny zay ny Tompo, fao tsy ny ôlogno, na nagnorigny azy. ³ Fao ny mpisorognobe dia nitindregny hanôlotro fagnomaizagna ndraiky sôrogno. Noho zany dia ilaigny ny managna raha ho atôlotro. ⁴ Ary raha teto an-tany Kristy, dia tsy ho mpisôrogno aby Izy, satria misy reo zay manôlotro fagnomaizagna araka ny lalàgna. ⁵ Izy reo dia manompo ao amin'ny taberinakely zay kandindagna ndraiky aloky ny raha akagny an-dangitry. Zany dia hotra ny nampitandraiman-Jagnahary i Mosesy raha izy handaiha hagnamboatra taberinakely: hoizy izy Zagnahary magnanjao: "Zahavo mbô hotsabonareo araka ny môdely zay afa naboaka anao tegny an-tanety ny raha jiaby." ⁶ Fao avaizo Kristy dia nalaka asa fanompoagna tsara lavitry. Zany dia noho izy mpagnailagnailagna faogna koa amin'ny fampanantenagna taigna tsara. ⁷ Fao raha tsy nanan-tsigny zany fagnikiagna voalaohany zany, dia tsisy nilagna fagnikiagna faharoa. ⁸ Fao koafa nahita tsigny tamin'ny ôlogno Zagnahary, dia hoy Izy: "Tô, ho avy ny andro—hoizy ny Tompo—koafa hitsabo fagnikiagna vava amin'ny ôlon'Israely ndraiky ny ôlon'i Joda Zaho. ⁹ Dia tsy hotra ny fagnikiagna zay nitsaboky niaraka tamin'ny razagna n-jareo tamin'ny andro zay nindaisako zareo tamin'ny taniny hiala avy tamin'ny tany Egypta zany. Fao zareo dia tsy nibidôko tao amin'ny fagnikiako, aveo Zaho tsy niraharaha zareo—hoizy ny Tompo. ¹⁰ Fao zao no fagnikiagna zay ho tsaboky amin'ny ôlon'ny Israely afarany regny andro regny hoizy ny Tompo. Hataoko ao antsaignin-jareo ny lalàgnanaha, aveo ho soroatako am-pôn-jareo faogna koa zany. Ho Zagnaharin-jareo Zaho, ary zareo ho ôlognonaha. ¹¹ Zareo dia tsy hampianatra ny mpiara-monigny aveo ny rahalahy aby, hivaolagna magnanjao: 'Haiky ny Tompo.' Fao hahay Zaho jiaby, manomboko amin'ny taigna hely kay zisiky amin'ny taigna gaida aminjareo. ¹² Fao Zaho dia hamindra fô amin'ny tsy fahamarignan-jareo, avakeo tsy hahatsiaro reo fahotagnany eky. ¹³ Amin'ny fivolagnagna magnanjao: "Vava,'' dia nagnano fagnikiagna voalaohany ho talaoha izy, avakeo zay afa lany andro ndraiky hantitry dia afa marikitry ho levogno.